मोबाईल ग्राहकांचा होणार मोठा फायदा! आता कॉल, SMS साठी वेगळे प्लॅन येणार; TRAI ने घेतला 'हा' निर्णय

TRAI's decision to separate plans for calling and SMS : भारतीय दुरसंचार कंपन्यांकडून काॅलिंग आणि डेटा प्लॅन एकत्रच दिला जात आहे. त्यामुळे ज्यांच्याकडे मल्डिमिडीया,अँड्राईड मोबाईल नाही, साधेच मोबाईल आहे अशांसाठी नुकसान सहन करावे लागत आहे. शिवाय वायफाय वापरणाऱ्यांनाही काॅलिंग, एसएमएससह डेटा समाविष्ट असलेला प्लॅन घ्यावा लागत आहे. ही बाब आणि यासह ग्राहकांच्या हिताचा विचार करता ट्रायने एक मोठा निर्णय घेतला आहे.

देशभरातली कोट्यवधी वापरकर्त्यांसाठी भारतीय दूरसंचार नियामक प्राधिकरणाने (TRAI) मोबाइल ऑपरेटर्सना फक्त व्हॉइस कॉलिंग आणि एसएमएसचा लाभ देणाऱ्या रिचार्ज योजना सुरू करणे अनिवार्य केले आहे. या योजना इंटरनेट डेटा एकत्रित करून देऊ नयेत असेही ट्रायने म्हटले आहे.

या निर्णयामुळे ग्राहकांचे पैसे वाचणार?

भारतीय दूरसंचार कंपन्यांकडून दिले जाणारे सर्व रिचार्ज योजनांमध्ये इंटरनेट किंवा डेटा दिला जात आहे. तो घेणे अनिवार्यच आहे. त्याशिवाय रिचार्ज प्लॅनच उपलब्ध नाही. बऱ्याचदा वापरकर्त्यांना डेटाची आवश्यकता नसते तरीही तो घ्यावा लागतो म्हणजेच जास्त पैसे मोजावे लागतात. ट्रायच्या निर्णयामुळे ग्राहकांना फक्त काॅलिंग आणि एसएमएस प्लॅन घ्यावे लागणार आहेत. म्हणजेच कोट्यवधी ग्राहकांचे पैसे वाचणार आहेत.

मोबाइल ऑपरेटर हे व्हाइस आणि एसएमएस संबंधीत बहुतांश योजनांबरोबर इंटरनेट किंवा डेटा प्लॅन्सच्या किंमती एकत्रित करून योजना देत आहेत. यामुळे महिन्याच्या प्लॅनची किंमत जास्तच महाग होत आहे. आता ट्रायने यामध्ये बदल करण्याचे आदेश दिले आहेत.

ट्रायने सांगितेल की, त्यांनी सप्टेंबर-नोव्हेंबर 2022 कालावधीत ग्राहकांचे सर्वेक्षण केल्यानंतर हा निर्णय घेतला होता. यामुळे दुरसंचार ऑपरेटर्स, ग्राहक आणि इतरांसोबत चर्चा केल्यानंतर यासंबंधी एक पत्र जारी करण्यात आले होते. तब्बल 15 कोटी ग्राहक अजूनही फीचर फोनचा वापर करतात. या वापरकर्त्यांची मूलभूत गरज ही व्हॉइस आणि एसएमएस सेवा हीच असते असेही ट्रायने नमूद केले आहे.

ट्रायने सांगितले की, वेगवेगळ्या व्हॉइस आणि ओन्ली-एसएमएस व्हाउचर वयस्कर वापरकर्ते आणि खासकरून ग्रामीण भागात रहाणार्‍या वापरकर्त्यांना उपयोगी ठरेल. ग्राहकांना त्यांचा रिचार्ज प्लॅन डेटाशिवाय निवडण्याचा अधिकार असला पाहिजे. यामुळे व्हॉइस केंद्रित वापरकर्त्यांच्या गरजा पूर्ण करणे, परवडणाऱ्या योजना, फ्लेक्सिबिलिटी आणि कस्टमायजेशन यासह मार्केट सेगमेंटेशन यासारख्या विविध बाबींमध्ये मदत मिळेल. माहितीच्या अभावामुळे, विशेषतः ग्रामीण भागात वृद्ध लोक डेटा सेवा वापरण्यास कमी इच्छुक असतात असेही ट्रायने म्हटले आहे.