Maharashtra Budget 2025 : लाडक्या बहिणींचा हिरमोड! शेतकऱ्यांसाठी 9710 कोटी, राज्यात वीज स्वस्त होणार
Maharashtra Budget 2025 Live News : मुख्यमंत्री देवेंद्र फडणवीस यांच्या नेतृत्त्वाखालील महायुती सरकारचा पहिला अर्थसंकल्प आज सोमवारी 10 मार्च 2025 सादर होणार आहे. अर्थमंत्री अजित पवार हा अर्थसंकल्प सादर करतील. या अर्थसंकल्पाकडे साऱ्या महाराष्ट्राच्या नजरा लागल्या आहेत. लाडकी बहिण योजनेच्या मानधनात वाढ होणार का? या प्रश्नाचे उत्तरही अर्थसंकल्पातून मिळणार आहे.
महायुती सरकारने आधीच्या दोन वर्षाच्या टर्ममध्ये बऱ्याच योजना आणल्या. त्यानंतर लाडकी बहिण योजनाही आणली. या योजनेने महाराष्ट्राच्या राजकारणात मोठी घडामोड घडली आणि यंदाच्या विधानसभा निवडणुकीत महाराष्ट्रात पुन्हा महायुती सरकार आले. आज सोमवारी 10 मार्च 2025 रोजी सकाळी 11 वाजता सादर होणाऱ्या बजेटमधून महाराष्ट्राच्या जनतेला प्रचंड अपेक्षा आहेत. महाराष्ट्र महाराष्ट्राच्या अपेक्षांपुर्ती या अर्थसंकल्पातून व्हावी अशीच सर्व जनतेची इच्छा आहे, पण खरंच जनतेला हवे ते या अर्थसंकल्पातून मिळणार का? हा प्रश्न साऱ्या महाराष्ट्रीयन जनतेला पडलेला आहे. अर्थमंत्री म्हणून अजित पवार यांनी याआधी 10 वेळा अर्थसंकल्प सादर केला आहे. यावेळी ते अकराव्यांदा अर्थसंकल्प सादर करुन अनोखा विक्रम करणार आहेत.
महाराष्ट्र अर्थसंकल्पातून मुस्लिम, SC-ST आणि OBC प्रवर्गाला काय मिळाले, दादांनी काय केल्या घोषणा
Maharashtra Budget Session 2025 : राज्याचे अर्थमंत्री तथा उपमुख्यमंत्री अजित पवार यांनी सोमवारी विधिमंडळात राज्याचा वार्षिक 2025-2026 चा अर्थसंकल्प सादर केला. यावेळी अजित पवार यांनी विविध सामाजिक संस्था आणि समाज घटकांच्या अनुदासाठी आर्थिक घोषणा केल्या आहेत.
अर्थसंकल्पावर उपमुख्यमंत्री एकनाथ शिंदेंचे मत
उपमुख्यमंत्री एकनाथ शिंद म्हणाले, महायुतीच्या काळातला हा पहिला अर्थसंकल्प आहे. गेल्या वेळीही आम्ही तिघं होतो. खुर्च्यांची थोडी अदलाबदल झाली आहे. पण थोडी अदलाबदल झाली असली तरी टीम तीच आहे. टीमवर्क म्हणून आम्ही गेल्या अडीच वर्षांत काम केलं, तेच आम्ही पुढे नेत आहोत. राज्याच्या सर्वांगीण विकासाला चालना देणारा हा अर्थसंकल्प आहे
Maharashtra Budget : अजित पवारांनी उद्योगक्षेत्रासाठी केल्या प्रमुख 10 घोषणा, जाणून घ्या सविस्तर
उपमुख्यमंत्री तथा अर्थमंत्री अजित पवार यांनी राज्याचा अर्थसंकल्प सादर करण्यास सुरुवात केली आहे. या अर्थसंकलाच्या वाचनाच्या वेळी अजित पवार यांनी राज्यातील उद्योग सेक्टरवर लक्ष दिले. यात त्यांनी विविध जिल्ह्यात उद्योग क्षेत्राला कशी चालना दिली जाईल यावर मार्गदर्शन केले आहे.
maharashtra budget 2025 : 20 लाख कोटी गुंतवणूक आणि 50 लाख रोजगार; दादांचं टार्गेट
महाराष्ट्राचा २०२५- २६ या वर्षाचा अर्थसंकल्प अर्थमंत्री अजित पवार यांनी आज मांडला. आपल्या भाषणात अजित पवार यांनी विधानसभा निवडणुकीत महायुतीला मिळालेले यश दाखवले. त्यासाठी लाडक्या बहिणींचा आभार मानले. अजित पवार म्हणाले, लाडक्या बहिणी मिळाल्या अन् आम्ही धन्य झालो, बारा कोटी प्रियजणांना मान्य झालो. विकासाची केली कामे म्हणून आम्ही पुन्हा आलो... पुन्हा आलो... असं म्हणत अजितदादांनी आपल्या भाषणाला सुरुवात केली.
Maharashtra Session : अजित पवारांनी राज्यातील शेतकऱ्यांसाठी काय केल्या घोषणा, वाचा 10 पॉईंट्स
अजित पवार यांनी महाराष्ट्र अर्थसंकलप सादर केला आहे. यात त्यांनी राज्यातील शेतकऱ्यांसाठी महत्त्वाच्या घोषणा केलेल्या आहेत. त्यामुळे शेतकऱ्यांना मोठा दिलासा मिळेल. परंतु, शेतकऱ्यांची कर्जमाफी करण्याचा निर्णय़ाबाबत त्यांनी कोणतीही घोषणा केली नाही. चला तर शेतकऱ्यांना काय घोषणा केल्या त्या खालील दहा पॉईंटमधून समजून घ्या...!
maharashtra budget 2025 : पुणे-मुंबईच्या वाहतुकीला गती मिळणार; हजारो कोटींचा मिळाला निधी
अर्थमंत्री अजित पवार यांनी सोमवारी मांडलेल्या अर्थसंकल्पात राज्यातील पायाभूत सुविधांवर भर देण्यात आला. त्यात राज्यातील महत्वकांक्षी प्रकल्प समृद्धी महामार्ग आणि मुंबई-पुणे द्रुतगती मार्गावरील मिसिंग लिंक प्रकल्पाबाबत महत्वाची घोषणा करण्यात आली. या दोन्ही योजना कधी पूर्ण होतील, सध्या किती काम झालेय याची सविस्तर माहिती अजित पवारांनी दिली.
महाराष्ट्राच्या अर्थसंकल्पात काय-काय झाल्या घोषणा, अजित दादांनी काय केला वादा, वाचा-A टू Z बजेट!
Maharashtra Budget 2025, Ajit Pawar : अर्थमंत्री अजित पवारांनी छत्रपती शिवाजी महाराजांसह सर्वच महापुरुषांना वंदन करुन महाराष्ट्र सरकारचा यंदाचा 2025-26 अर्थसंकल्प सादर केला. यात त्यांनी अनेक महत्त्वाच्या घोषणा केल्या तसेच विविध सेक्टरमधील गुंतवणूकीबाबत माहिती दिली. या अर्थसंकल्पाची संपूर्ण भाषण व त्यांनी केलेल्या घोषणाबाबत वाचा संपूर्ण भाषण...!
Maharashtra Budget 2025: लाडक्या बहिणींना सरकारचा मोठा धक्का! काय मिळालं काय नाही? वाचा एका क्लिकवर
Maharashtra Budget 2025 : लाडक्या बहिणींना देवेंद्र फडणवीस सरकारने मोठा धक्का दिला आहे. मुख्यमंत्री लाडकू बहिण योजनेद्वारे अर्थसंकल्पात 1500 च्या मानधनात वाढ करुन 2100 रुपये हप्ता प्रतिमहिना देण्यासंदर्भात चर्चा झाली हेती, लाडक्या बहिणींनाही याची अपेक्षा होती परंतू आज यासंदर्भात अर्थमंत्री अजित पवार यांनी यासंदर्भात भाषणात काहीही उल्लेख केलेला नाही.
Maharashtra Budget : अजित पवारांनी उद्योगक्षेत्रासाठी केल्या प्रमुख 10 घोषणा, जाणून घ्या सविस्तर
उपमुख्यमंत्री तथा अर्थमंत्री अजित पवार यांनी राज्याचा अर्थसंकल्प सादर करण्यास सुरुवात केली आहे. या अर्थसंकलाच्या वाचनाच्या वेळी अजित पवार यांनी राज्यातील उद्योग सेक्टरवर लक्ष दिले. यात त्यांनी विविध जिल्ह्यात उद्योग क्षेत्राला कशी चालना दिली जाईल यावर मार्गदर्शन केले आहे.
2100 कोटींचा बाळासाहेब ठाकरे कृषि व्यवसाय व ग्रामीण परिवर्तन-स्मार्ट प्रकल्प राबविणार
आंतरराष्ट्रीय सहकार वर्ष-2025” राज्यात विविध कार्यक्रम, महोत्सव आयोजित करण्यास पुरेसा निधी उपलब्ध देणार, 2100 कोटी रुपये किंमतीचा बाळासाहेब ठाकरे कृषि व्यवसाय व ग्रामीण परिवर्तन-स्मार्ट प्रकल्प राबविणार. राज्य शाश्वत व उच्च मूल्य असलेल्या कृषी व्यवसायाचे केंद्र व्हावे यासाठी “महाराष्ट्र अॅग्रीबिझनेस नेटवर्क-मॅग्नेट 2.0” हा 2100 कोटी रुपयांचा प्रकल्प राबविणार. शेतकऱ्यांना दिवसा विश्वासार्ह वीज पुरवठा करणे शक्य व्हावे, यासाठी २७ जिल्ह्यांमध्ये मुख्यमंत्री सौर कृषी वाहिनी योजना 2.0 राबविणार
बी बियाणे, यंत्रसामुग्री, खते आणि शेतमालाच्या वाहतूकीसाठी “बळीराजा शेत व पाणंद रस्ते” ही नवी योजना सुरू करणार
प्रकल्पातील गुंतवणुकीसंदर्भात ठळक मुद्दे
38 उदंचन जलविद्युत प्रकल्पांसाठी सामंजस्य करार - 2.95 लाख कोटी रुपयांची गुंतवणूक व 90 हजार रोजगार निर्मिती
मुख्यमंत्री बळीराजा मोफत वीज योजनेअंतर्गत 7.5 अश्वशक्ती पर्यंतच्या 45 लक्ष कृषी पंपांना मोफत वीज
राष्ट्रीय नैसर्गिक शेती अभियानांतर्गत २ लाख १३ हजार ६२५ लाभार्थी शेतकऱ्यांना येत्या दोन वर्षांसाठी २५५ कोटी रुपयांचा निधी
नगरपालिका क्षेत्रांतील सांडपाण्यावर प्रक्रियेचा 8 हजार 2०० कोटी रुपये किंमतीचा प्रकल्प हाती घेणार
बांबू आधारित उद्योगांना चालना देण्यासाठी राज्यात ४ हजार ३०० कोटी रुपये किमतीचा बांबू लागवड प्रकल्प राबविणार
नदीजोड प्रकल्पामुळे 3.55 टीएमसी पाणी उपलब्ध होणार
दमणगंगा -एकदरे -गोदावरी या 2 हजार 300 कोटी रूपये किंमतीच्या नदीजोड प्रकल्पामुळे 3.55 टीएमसी पाणी उपलब्ध होणार.
तापी महापुनर्भरण हा 19 हजार 300 कोटी रुपये किंमतीचा सिंचन-उत्तर महाराष्ट्र आणि पश्चिम विदर्भातील खारपाण पट्ट्यातील शेतकऱ्यांना लाभ
वैनगंगा-नळगंगा नदीजोड प्रकल्पास तत्वत: मान्यता
वैनगंगा-नळगंगा नदीजोड प्रकल्पास तत्वत: मान्यता -अंदाजित किंमत 88 हजार ५७4 कोटी रुपये -लाभक्षेत्र 3 लाख 71 हजार 277 हेक्टर
नार-पार-गिरणा नदीजोड प्रकल्पाव्दारे नाशिक व जळगाव जिल्हयातील 49 हजार 516 हेक्टर क्षेत्राला सिंचनाचा लाभ-प्रकल्पाची अंदाजित किंमत 7 हजार 500 कोटी रूपये
कृषि व संलग्न क्षेत्रे
नानाजी देशमुख कृषि संजीवनी प्रकल्पाचा दुसरा टप्पा- २१ जिल्ह्यांतील ७ हजार २०१ गावांमध्ये राबविण्यात येणार, त्यासाठी ३५१ कोटी ४२ लाख रुपये नियतव्यय
“कृत्रिम बुध्दिमत्ता” तंत्रज्ञानाचा शेतीक्षेत्रात वापर - पहिल्या टप्प्यात 50 हजार शेतकऱ्यांच्या एक लाख एकर क्षेत्राला फायदा - दोन वर्षात ५०० कोटी रुपयांचा निधी, महाराष्ट्र सिंचन सुधारणा कार्यक्रमाअंतर्गत कालवे वितरण प्रणालीतील सुधारणेची सुमारे 5 हजार 36 कोटी रुपये किमतीची कामे मंजूर
शिर्डी विमानतळाच्या 1 हजार 367 कोटींच्या विकास कामांना मान्यता - अजित पवार
शिर्डी विमानतळाच्या 1 हजार 367 कोटी रुपये किंमतीच्या विकास कामांना मान्यता- नाईट लँडिगची सुविधाही लवकरच सुरु करणार
अमरावतीतील बेलोरा विमानतळाचे काम पूर्ण - 31 मार्च, 2025 पासून प्रवासी सेवा सुरु करणार
रत्नागिरी विमानतळाची 147 कोटी रुपये रकमेची कामे प्रगतीपथावर
गडचिरोली येथील नवीन विमानतळाच्या सर्वेक्षण व अन्वेषणाची कामे सुरु
अकोला विमानतळाच्या विस्तारासाठी आवश्यक निधी उपलब्ध करुन देणार
अर्थसंकल्प - विमानतळ
छत्रपती शिवाजी महाराज आंतरराष्ट्रीय विमानतळ ते नवी मुंबई आंतरराष्ट्रीय विमानतळ या मेट्रो मार्गाचे काम लवकरच हाती घेण्यात येणार
📊नवी मुंबईतील उलवे येथे 1 हजार 160 हेक्टर क्षेत्रामध्ये नवी मुंबई आंतरराष्ट्रीय विमानतळाचे 85 टक्के काम पूर्ण एप्रिल, 2025 मध्ये देशांतर्गत विमानसेवा सुरु करणार
नागपूर येथील डॉ. बाबासाहेब आंबेडकर आंतरराष्ट्रीय विमानतळाचे श्रेणीवर्धन आणि आधुनिकीकरण
3,582 गावांना 14 हजार किलोमीटर लांबीच्या सिमेंट काँक्रीटच्या रस्त्याने जोडणार - अजित पवार
मुख्यमंत्री ग्रामसडक योजना टप्पा-3, एक हजारापेक्षा जास्त लोकसंख्येच्या 3,582 गावांना 14 हजार किलोमीटर लांबीच्या सिमेंट काँक्रीटच्या रस्त्याने प्रमुख जिल्हा मार्गांना, राज्य महामार्ग किंवा राष्ट्रीय महामार्गांना जोडणार-प्रकल्प किंमत 30 हजार 100 कोटी रूपये
हिंदुहृदयसम्राट बाळासाहेब ठाकरे समृध्दी महामार्गालगत अॅग्रो-लॉजिस्टिक हब विकसित करणार, प्रामुख्याने विदर्भ व मराठवाड्यातील शेतक-यांना होणार,
महाराष्ट्र शक्तीपीठ महामार्गाच्या 86 हजार 300 कोटी रुपये किंमतीच्या 760 किलोमीटर लांबीच्या प्रकल्पाची भूसंपादनाची कार्यवाही प्रगतीपथावर
ठाणे ते नवी मुंबई आंतराष्ट्रीय विमानतळ उन्नत मार्ग उभारणार.
स्वातंत्र्यवीर सावरकर सागरी सेतू- वांद्रे ते वर्सोवा- 14 किलोमीटर लांबीचे, 18 हजार 120 कोटी रुपये खर्चाचे काम मे, 2028 पर्यंत पूर्ण करणार
उत्तन ते विरार सागरी सेतू व जोडरस्त्यांचा 55 किलोमीटर लांबीचा 87 हजार 427 कोटी रुपये किंमतीचा प्रकल्प हाती घेणार
पुणे ते शिरुर या 54 किलोमीटर लांबीच्या 7 हजार 515 कोटी रुपये किंमतीच्या उन्नत मार्गाचे बांधकाम हाती घेणार
तळेगाव ते चाकण या 25 किलोमीटर लांबीत चार पदरी उन्नत मार्ग- 6 हजार 499 कोटी रुपये खर्च अपेक्षित
पायाभूत सुविधा विकास - तरतूद
पायाभूत सुविधा विकास
पालघर जिल्ह्यात वाढवण बंदराच्या विकासात राज्य शासनाचा 26 टक्के सहभाग
वाढवण बंदराजवळ मुंबईसाठी तिसरे विमानतळ, वाढवण बंदराजवळ मुंबई- अहमदाबाद बुलेट ट्रेनचे स्थानक, हे बंदर समृध्दी महामार्गालाही जोडणार
काशिद- जिल्हा रायगड येथील तरंगत्या जेट्टीचे काम लवकरच सुरु होणार
गेटवे ऑफ इंडिया, मुंबई येथून मांडवा, एलिफंटापर्यंत प्रवासाकरिता बोटींसाठी आर्थिक प्रोत्साहन धोरण
येत्या पाच वर्षात वीज खरेदी खर्चामध्ये 1 लाख 13 हजार कोटी रुपयांची बचत - अजित पवार
मुंबई महानगर प्रदेश हे आंतरराष्ट्रीय दर्जाचे “ग्रोथ हब” म्हणून विकसित करणार, वांद्रे-कुर्ला संकुल, कुर्ला-वरळी, वडाळा, गोरेगाव, नवी मुंबई, खारघर व विरार - बोईसर या सात ठिकाणी आंतरराष्ट्रीय दर्जाची व्यापार केंद्रे निर्माण करणार, मुंबई महानगर प्रदेशाची अर्थव्यवस्था 140 बिलीयन डॉलरवरून सन 2030 पर्यंत 300 बिलीयन डॉलर, तर सन 2047 पर्यंत 1.5 ट्रिलीयन डॉलरपर्यंत नेण्याचे उद्दीष्ट
गडचिरोली जिल्हा “स्टील हब” म्हणून उदयास येणार, गडचिरोली जिल्ह्यातील खनिकर्म महामार्गांचे जाळे विकसित करण्याकरिता पहिल्या टप्प्यात सुमारे 500 कोटी रुपये
सामूहिक प्रोत्साहन योजनेअंतर्गत 6 हजार 400 कोटी रुपये प्रोत्साहन अनुदान
ऊर्जा क्षेत्रातील नियोजन व कमी दराच्या हरित ऊर्जेच्या खरेदीमुळे येत्या पाच वर्षात वीज खरेदी खर्चामध्ये 1 लाख 13 हजार कोटी रुपयांची बचत
राज्यात “महाराष्ट्र टेक्निकल टेक्सटाईल मिशन” ची स्थापना
नागपूर येथे “अर्बन हाट केंद्रां”ची स्थापना
नवी मुंबई येथे 250 एकर क्षेत्रावर नाविन्यता नगर-इनोव्हेशन सिटी
महाराष्ट्राचे नवीन औद्योगिक धोरण 2025 लवकरच जाहीर करणार
उद्योग विकास : महाराष्ट्राचे नवीन औद्योगिक धोरण 2025 लवकरच जाहीर करण्यात येणार, त्यानुसार ५ वर्षाच्या कालावधीत ४० लाख कोटी रुपयांची गुंतवणूक व ५० लाख रोजगार निर्मिती
केंद्र शासनाच्या नवीन कामगार संहितेनुसार नवीन कामगार नियम तयार करण्यात येणार
0 हजार एकराहून अधिक क्षेत्रावर समर्पित लॉजिस्टिक पायाभूत सुविधा विकसित करणार
राज्याच्या सर्वांगीण प्रगतीसाठी मंत्रालयीन विभाग तसेच क्षेत्रीय कार्यालयांसाठी १०० दिवसांचा सात कलमी कृती आराखडा
राज्याच्या सर्वांगीण प्रगतीसाठी मंत्रालयीन विभाग तसेच क्षेत्रीय कार्यालयांसाठी १०० दिवसांचा सात कलमी कृती आराखडा कायमस्वरुपी राबविणार. कृती आराखड्यात संकेतस्थळांचा विकास, सुलभ जीवनमान, स्वच्छता, जनतेच्या तक्रारींचे निवारण, कार्यालयातील सोयीसुविधा, गुंतवणुकीचा प्रसार, क्षेत्रीय कार्यालयांना भेटी आदींचा समावेश.
सर्वांसाठी घरे हे धोरण लवकरच राबवणार - अजित पवार
राज्याचे आरोग्य आणि ज्येष्ठ नागरिक धोरणा, सर्वांसाठी घरे हे धोरण लवकरच राबवणार, सर्व योजनेअंतर्गत 44 लाखांवर घरकुलांना मंजुरी दिली आहे. घरकुलांच्या छतावर सौैरऊर्जा संच बसवणार आणि घरकुलाच्या निधीत 50 हजारांची वाढ करणार. प्रधानमंत्री आवास योजना शहरी - 5 लाख घरांचे उद्दीष्ट
READ MORE
Click it and Unblock the Notifications
Sign in with Google