Champinons Tropy 2025 : भारत Vs बांगलादेश सामन्यात कोण जिंकणार?, दोन्ही संघाचा इतिहास काय?

Updated: Wednesday, February 19, 2025, 22:44 [IST]

Champions trophy 2025, india-vs-bangladesh : चॅम्पियन्स ट्रॉफी 2025 मधील दुसरा सामना गुरुवारी (दि.20, फेब्रुवारी) रोजी दुबईत आयोजित करण्यात आलेला आहे. भारत पाकिस्तानात खेळायला जाणार नसल्याने ही ट्रॉफी हायब्रिड पद्धतीने खेळवली जात असून दुबईतील पहिला सामना गुरुवारी पार पडेल.

अर्थात दुबईमध्ये चॅम्पियन्स ट्रॉफी 2025 च्या मोहिमेची सुरुवात करण्यासाठी भारत बांगलादेश हे दोन्ही संघ आमनेसाने येणार आहेत. दोन्ही संघ गट - ए मध्ये खेळणार असल्याने दोन्ही संघांना विजयाची अपेक्षा आहे. त्यामुळे गुरुवारचा सामना चांगलाच चर्चेचा विषय असणार आहे.

चॅम्पियन्स ट्रॉफीच्या गेल्या आवृत्तीत भारतीय संघ हा उपविजेता राहिलेला होता. तर बांगलादेशला त्याच स्पर्धेत उपांत्य फेरीत पराभव पत्करावा लागला होता. भारतीय संघाचा सामना करताना बांगलादेशाला 2007 च्या विश्वचषकातील त्यांच्या आठवणींमधून आत्मविश्वास मिळवण्याची त्यांना मोठी आशा आहे.

केव्हा, कुठे व किती वाजता सुरु होईल सामना?

सामना - भारत विरुद्ध बांगलादेश

तारीख - 20 फेब्रुवारी 2025, गुरुवार.

वेळ : स्थानिक वेळेनुसार दुपारी 2.30 वाजता.

ठिकाण : दुबई आंतरराष्ट्रीय स्टेडियम, दुबई (यूएई)

IND Vs BAG : भारत Vs बांगलादेश सामना कोण जिंकेल?

भारताने एकदिवसीय आंतरराष्ट्रीय सामन्यांमध्ये (ODI) बांगलादेशवर त्याचे वर्चस्व कायम राखलेले आहे. आतापर्यंत दोन्ही संघामध्ये झालेल्या 41 सामन्यांपैकी, भारताने 32 वेळा विजय मिळवला आहे, तर बांगलादेशने 8 विजय मिळवले आहेत, एक सामना अनिर्णित राहिलेला आहे.

वनडेत इंग्लंड सीरीज जिंकली

भारताचा विचार केला तर चॅम्पियन्स ट्रॉफीत समावेश होण्याआधी भारतीय संघाची कामगिरी गेल्या काही मालिकांमध्ये चांगली राहिलेली आहे. नुकत्याच झालेल्या भारत विरुद्ध इंग्लंड एकदिवसीय मालिकेत भारताने जोरदार कामगिरी केली. इंग्लंडला पराभूत केल्याने त्यांचा आत्मविश्वास चांगलाच दुणावलेला आहे. दुसरीकडे, बांगलादेश संघाने देखील 50 षटकांच्या स्वरूपात चांगली कामगिरी केली आहे. नजमुल हुसेन शांतो सारखे बांगलादेशातील स्टार खेळाडू भारतीय संघाला त्रास देण्यास सज्ज आहेत.

IND विरुद्ध BAG दोन्ही संघांना विजयाची आशा?

शकिब अल हसनशिवाय टायगर्सना मोठे आव्हान आहे परंतु ते स्पर्धात्मक राहतील. दुबईची परिस्थिती फलंदाज आणि फिरकी गोलंदाजांना अनुकूल आहे. जी दोन्ही संघांना अनुकूल आहे. बांगलादेशमध्ये पराभव पत्करण्याची क्षमता आहे. परंतु भारताचा अनुभव आणि अलीकडील फॉर्म त्यांना ही स्पर्धा जिंकण्यासाठी तितकीशी सोपी नाही.