महाराष्ट्रात पुन्हा पाऊस येणार?, आठवडाभर हवामान कसे असेल?, IMDची महत्त्वाची अपडेट आली समोर!

Maharashtra weather update : राज्यात गेल्या पंधरा दिवसांपूर्वी धुमाकूळ घातलेल्या पावसानंतर आता पाऊस थांबल्याच जमा असल्याचे जाणवू लागले. परंतु, आज सोमवारी पुन्हा एकदा वातावरणात बदल झाल्याचे पाहायला मिळत आहे. पूर आणि अतिवृष्टीमुळे शेतीपिकांचे व घरांचे मोठे नुकसान झाले, ज्यामुळे बळीराजा चिंतेत आहे. दरम्यान, पुढील आठवडाभर महाराष्ट्रातील हवामान कसे असेल, याबाबत आयएमडीच्या वतीने महत्त्वाची अपडेट देण्यात आलेली आहे.

पुढील आठवड्यातील हवामानाचा अंदाज

पुढील सहा दिवसांत महाराष्ट्रातील वातावरण ढगाळ राहणार आहे. बुधवार, दिनांक १५ ऑक्टोबर ते सोमवार, दिनांक २० ऑक्टोबर (नरक चतुर्दशी) या दरम्यान राज्यात भाग बदलत ढगाळ हवामान राहण्याची शक्यता आहे. या काळात तुरळक ठिकाणी मध्यम ते किरकोळ स्वरूपाच्या पावसाची शक्यता जाणवत आहे. बुधवार (१५ ऑक्टोबर) आणि गुरुवार (१६ ऑक्टोबर) या दोन दिवशी संपूर्ण महाराष्ट्रात मध्यम पावसाची शक्यता अधिक जाणवत आहे. मात्र, पावसाचा जोर कमी होत असल्याने नागरिकांनी घाबरून जाण्याची गरज नाही.

आयएमडीचा इशारा आणि झालेले नुकसान

राज्यातील हवामान पुन्हा एकदा बदलले असून, कोरड्या हवामानामुळे मान्सून परतला असल्याचा अंदाज वर्तवला जात असतानाच, भारतीय हवामान विभागाने (IMD) एक मोठा इशारा दिला आहे.

येत्या काही दिवसांत विदर्भ, मराठवाडा, मध्य महाराष्ट्र, खान्देश आणि पश्चिम महाराष्ट्रात मुसळधार पाऊस आणि विजांच्या कडकडाटासह जोरदार पर्जन्यवृष्टी होण्याची शक्यता आहे.

राज्याच्या प्रमुख विभागांमध्ये पावसाचा अंदाज

हवामान खात्याने दिलेल्या माहितीनुसार, १५ ते १८ ऑक्टोबर या चार दिवसांच्या कालावधीत खालील प्रमुख विभागांमध्ये जोरदार पाऊस पडेल.

विदर्भ: या भागात गडगडाटासह आणि विजांच्या कडकडाटासह मुसळधार पाऊस अपेक्षित आहे.

मराठवाडा: येथेही मुसळधार पावसाची शक्यता असून, विजांचा कडकडाट होण्याची शक्यता आहे.

मध्य महाराष्ट्र: या विभागात दुपारी मुसळधार पाऊस पडण्याची शक्यता वर्तवण्यात आली आहे.

खान्देश आणि पश्चिम महाराष्ट्र: या भागांमध्येही जोरदार पावसाची शक्यता आहे.

मान्सून परतल्यानंतरही पाऊस का?

मुंबई आणि पुण्यासह मराठवाड्यात जोरदार पाऊस झाल्यानंतर ऑक्टोबरमध्ये पावसाळा संपेल अशी अपेक्षा होती. मुंबईमध्ये तर हवामान खात्याने अधिकृतपणे मान्सूनच्या प्रस्थानाची (माघारीची) घोषणाही केली होती.

2 ऑक्टोबरपर्यंत राज्याच्या अनेक भागांत अधूनमधून पाऊस सुरू होता आणि 5 किंवा 6 ऑक्टोबरपर्यंत मान्सून पूर्णपणे माघार घेईल, असा सुरुवातीला अंदाज होता.

मात्र, आता अचानक हवामानात बदल होण्याची शक्यता आहे. मान्सून माघार घेतल्यानंतरही स्थानिक वातावरणातील बदल आणि अरबी समुद्रातील आर्द्रतेमुळे अनेकदा अवकाळी पाऊस किंवा परतीचा पाऊस सक्रिय राहतो.

याच बदलामुळे पुन्हा एकदा राज्यात विजांचा कडकडाट, मेघगर्जनेसह आणि जोरदार वाऱ्यासह पाऊस पडण्याची शक्यता निर्माण झाली आहे.

शेतकरी आणि नागरिकांना सतर्कतेचा इशारा

ऑक्टोबरच्या सुरुवातीला झालेल्या पावसामुळे शेतीपिकांचे मोठे नुकसान झाले आहे. आता पुन्हा मुसळधार पावसाचा अंदाज असल्याने शेतकरी आणि नागरिकांनी सतर्क राहणे आवश्यक आहे:

विजांचा कडकडाट होण्याची शक्यता असल्याने नागरिकांनी सुरक्षित ठिकाणी आश्रय घ्यावा.

शेतकऱ्यांनी काढणीला आलेली पिके सुरक्षित ठिकाणी हलवावीत किंवा त्यांना आच्छादित करावे.

हा अचानक आलेला पाऊस शेतीसाठी नुकसानीचा ठरू शकतो, त्यामुळे शेतमाल सुरक्षित ठेवण्यासाठी योग्य ती खबरदारी घ्यावी.

पुढील चार दिवसांत राज्यातील अनेक भागांत हवामान अचानक बदलणार असल्याने, प्रशासनाने आणि नागरिकांनी पावसाच्या या नव्या स्थितीसाठी सज्ज राहणे गरजेचे आहे.

महाराष्ट्रात झालेले नुकसान!

सप्टेंबर आणि ऑक्टोबर महिन्याच्या सुरुवातीला झालेल्या अतिवृष्टी आणि पूरस्थितीमुळे महाराष्ट्रात मोठे नुकसान झाले आहे:

शेती पिकांचे नुकसान

उभ्या पिकांचे मोठ्या प्रमाणात नुकसान झाले, अनेक ठिकाणी उभी पिके वाहून गेली.

जमिनीची धूप

अनेक ठिकाणी जमिनी देखील पाण्याच्या प्रवाहामुळे वाहून गेल्या आहेत.

जनजीवन विस्कळीत

पूर आणि पावसामुळे अनेक भागांतील जनजीवन विस्कळीत झाले होते.

या नुकसानीमुळे आणि 'उरला सुरला मालाचा घासही पाऊस हिसकावून घेणार का?' या भीतीने शेतकरी सध्या चिंतेत आहेत.

मान्सूनच्या परतीची सद्यस्थिती!

मान्सूनचा परतीचा प्रवास सध्या वेगाने सुरू आहे आणि हा पाऊस रब्बी हंगामासाठी लाभदायी ठरू शकतो.

परतीचा प्रवास

मान्सूनने आतापर्यंत उत्तर प्रदेश, मध्य प्रदेश, बिहार, झारखंड, ओरिसा, छत्तीसगड, महाराष्ट्र, गोवा ओलांडून कर्नाटक, तेलंगणा, पश्चिम बंगाल आणि पूर्वोत्तर राज्यांमध्ये प्रवेश केला आहे.

सध्याची सीमा रेषा

मान्सूनची आजची सीमा रेषा कारवार, कलबुर्गी, निझामाबाद, कांकर, केओंझघर, सागर आयलंड आणि गुवाहटी या शहरातून जात आहे.

परतीचे क्षेत्र

देशाच्या एकूण परतीच्या क्षेत्रापैकी सुमारे ८५ टक्के भागातून मान्सून परतला आहे.

सरासरी तारीख

दरवर्षी मान्सून साधारणपणे देशातून सरासरी १५ ऑक्टोबरच्या दरम्यान बाहेर पडतो. खुळे यांच्या मते, येत्या दोन ते तीन दिवसांत देशाच्या उर्वरित १५ टक्के भूभागावरूनही मान्सून परतण्याची शक्यता आहे.