'अशा लोकांनी पाण्यात बुडून जीव दिला पाहिजे'; पत्नीवर केलेल्या टीकेवरुन फडणवीस कन्हैय्याकुमारवर भडकले

Devendra Fadnavis Attack on Kanhaiya Kumar over Amrita Fadnavis : काँग्रेसचे युवा नेते कन्हैया कुमारने महाराष्ट्राचे उपमुख्यमंत्री देवेंद्र फडणवीस यांच्या पत्नी अमृता यांच्यावर केलेल्या टीकेवरुन राज्यात चांगलाच गोंधळ उडाला आहे. आपला पराभव होणार नाही याची जाणीव झाल्याने विरोधक आता त्यांच्यावर आणि त्यांच्या पत्नीवर वैयक्तिक हल्ले करत आहेत, अशी प्रतिक्रिया फडणवीस यांनी दिली. तर महिलांबाबत असे विधान करणाऱ्या लोकांनी बुडून जीव दिला पाहिजे, अशा शब्दात फडणवीस यांनी कन्हैय्या कुमारवर निशाणा साधला.

फडणवीस म्हणाले- पंतप्रधान महिलांच्या विकासावर आणि सामाजिक सुधारणांबद्दल बोलतात. माझ्याविरुद्ध केलेल्या कोणत्याही तपासात कन्हैया कुमार काहीही करू शकला नाही, त्यानंतर त्याने वैयक्तिक हल्ले सुरू केले. त्यांच्या ट्रोल आर्मीने माझ्या पत्नीवर इंस्टाग्राम रील्सवरुन टारगेट केले.

एएनआयला दिलेल्या मुलाखतीत देवेंद्र फडणवीस म्हणाले की, शेवटी सत्याचाच विजय होतो. ते म्हणाले की, 'कोणत्याही सभ्य व्यक्तीने माझ्या पत्नीवर केलेला ट्रोल पाहिला तर त्याला खूप लाज वाटेल. मी माझ्या पत्नीला सांगितले की आम्ही राजकारणात आहोत. त्यामुळे आपण धीर धरला पाहिजे. सत्याला त्रास होऊ शकतो, पण पराभूत होणार नाही.'

आपल्या पत्नीवर ज्याप्रकारे टीका केली गेली आणि तिच्याबद्दल अपमानास्पद गोष्टी लिहिल्या गेल्या, ते पाहून ट्रोल करणाऱ्यांना लाज वाटली पाहिजे, असे उपमुख्यमंत्री म्हणाले. अशा लोकांनी पाण्यात बुडून जीव दिला पाहिजे. फडणवीस म्हणाले की,'माझ्या पत्नीबद्दल मीम्स बनवण्यात आले आणि तिच्याबद्दल वाईट गोष्टी लिहिल्या गेल्या. लढायचे असेल तर पुढे या आणि लढा. शेवटी, तुम्ही कोणते युद्ध लढत आहात? मला त्यांची लढाई समजते आणि मी त्यांचा पराभव करेन.

कन्हैया कुमारने काय केली होती टीका?
कॉंग्रेसचे युवा नेता कन्हैया कुमारने 'व्होट जिहाद'ला 'व्होट धर्मयुद्ध'ने विरोध करण्याबाबत फडणवीसांच्या टीकेवर निशाणा साधला. या सगळ्यापासून दूर राहून नेत्यांची मुले परदेशात शिक्षण घेत असताना सर्वसामान्य जनता या धार्मिक युद्धाशी लढणार का, असा सवाल त्यांनी केला. नागपूर दक्षिण पश्चिम मतदारसंघात काँग्रेसच्या प्रचारसभेला संबोधित करताना ते म्हणाले, उपमुख्यमंत्र्यांच्या पत्नीने इन्स्टाग्राम रील बनवताना धर्माच्या रक्षणासाठी आम्ही लढू.

कुमार म्हणाले की, जर धर्माचे रक्षण करायचे असेल तर सर्वजण मिळून ते करतील. फडणवीस म्हणाले होते की लोकसभा निवडणुकीत 'व्होट जिहाद' झाला आणि एका विशिष्ट समाजाच्या सदस्यांनी भाजपला मते मिळू नयेत याची काळजी घेतली. मालेगावमधील मतदानाच्या या पॅटर्नमुळे महायुतीचा धुळे लोकसभेचा पराभव झाल्याचा दावा त्यांनी केला.