Operation sindoor "मसूद अझहरच्या कुटुंबाचे तुकडे-तुकडे" भारतीय सैन्याबाबत जैशच्या कमांडरचा मोठा दावा

Operation sindoor : ऑपरेशन सिंदूरदरम्यान भारताने जैश ए मोहम्मदचा म्होरक्या आणि भारताचा शत्रू आणि नंबर एकचा दहशतवादी मसूद अझहरचा खात्मा केला, यासंदर्भात मोठी कबुली जैशच्या कमांडरने आज दिली आहे. यासंदर्भात वनइंडियाने वृत्त दिले आहे. तर दुसरीकडे विशेष बाब म्हणजे भारताने आपले ड्रोन आणि क्षेपणास्त्र रोखल्याची कबुलीही पाकिस्तानने दिली आहे.

भारताने पाकिस्तानच्या आत घुसून केलेल्या 'ऑपरेशन सिंदूर' मध्ये जैश-ए-मोहम्मदचा (JeM) म्होरक्या मसूद अझहरच्या कुटुंबाचा खात्मा करण्यात आल्याचा दावा जैशचा कमांडर मसूद इलियास काश्मिरीने केला आहे. एका व्हायरल व्हिडिओमध्ये, काश्मिरीने 7 मे रोजी झालेल्या या भारतीय हल्ल्याची कबुली दिली असून, या हल्ल्यात मसूद अझहरच्या कुटुंबाचा खात्मा केल्याचे म्हटले आहे.

पहलगाम हल्ला आणि 'ऑपरेशन सिंदूर'

२२ एप्रिल रोजी पहलगाममध्ये झालेल्या दहशतवादी हल्ल्यानंतर, भारताने ७ मे रोजी 'ऑपरेशन सिंदूर' सुरू केले. या ऑपरेशनमध्ये भारताने पाकिस्तान-व्याप्त काश्मीर आणि पाकिस्तानमधील तब्बल नऊ दहशतवादी ठिकाणांवर हल्ले केले, ज्यात १०० हून अधिक दहशतवादी मारले गेले.

या हल्ल्यात मसूद अझहरच्या पत्नीसह त्याच्या कुटुंबातील किमान १० सदस्य मारले गेल्याचे वृत्त आहे. भारताने स्टँड-ऑफ शस्त्रे, ड्रोन आणि अचूक मार्गदर्शित दारुगोळा वापरून हे हल्ले केले. लष्करी ठिकाणांना लक्ष्य न करता केवळ दहशतवादी तळांवर लक्ष केंद्रित करण्यात आले होते.

ऑपरेशन सिंदूरमध्ये लक्ष्य केलेली ठिकाणे

बहावलपूर: जैश-ए-मोहम्मदचा मुख्य तळ

मुरिदके (लाहोर जवळ): लष्कर-ए-तोयबाचे (LeT) मुख्यालय.

कोटली आणि मुझफ्फराबाद (PoK): लष्कर-ए-तोयबा (LeT) आणि जैश-ए-मोहम्मद (JeM) चे जुने प्रशिक्षण तळ.

सियालकोट: हिजबुल मुजाहिदीनचा तळ.

बरनाला: लष्कर-ए-तोयबाची 'मर्कझ अहले हदीस' इमारत.

ऑपरेशनला 'सिंदूर' हे नाव का?

पहलगाम दहशतवादी हल्ल्यात ज्या हिंदू महिला विधवा झाल्या होत्या, त्यांना श्रद्धांजली म्हणून या मिशनला 'सिंदूर' हे सांकेतिक नाव देण्यात आले. हा हल्ला भविष्यातील दहशतवादी कारवाया रोखण्यासाठी भारताने केलेली बचावात्मक कारवाई होती, असे सरकारने स्पष्ट केले आहे.

अखेर 'त्या' संदर्भात पाकिस्तानची कबुली

या हल्ल्यानंतर पाकिस्तानने आपल्या हवाई हद्दीतून ड्रोन आणि क्षेपणास्त्र हल्ले करण्याचा प्रयत्न केला, परंतु भारताने ते यशस्वीरित्या रोखले. भारताने प्रत्युत्तरादाखल पाकिस्तानच्या लष्करी तळांवरही हल्ले केले, ज्यात त्यांची हवाई धावपट्टी, हँगर, रडार तळ आणि शस्त्रास्त्रे साठवण्याची ठिकाणे नष्ट केली.

हेही वाचा : Asia cup 2025 Ind Vs Pak : आशिया कपमध्ये 'या' दिवशी पुन्हा भिडणार भारत आणि पाकिस्तान! वाचा समीकरणं