तामिळनाडू हादरले! दोन बसेसची समोरासमोर भीषण टक्कर; 11 ठार, ४० हून अधिक प्रवासी जखमी

Tamil Nadu Bus Accident : तामिळनाडूच्या शिवगंगा जिल्ह्यातून एक अत्यंत दुःखद बातमी समोर आली आहे. दोन सरकारी बसेसची समोरासमोर धडक होऊन झालेल्या भीषण अपघातात ११ प्रवाशांचा जागीच मृत्यू झाला असून ४० हून अधिक जण जखमी झाले आहेत. या अपघाताने संपूर्ण परिसर हादरून गेला असून, एका आठवड्यातील हा दुसरा मोठा अपघात असल्याने प्रवाशांच्या सुरक्षिततेवर गंभीर प्रश्नचिन्ह निर्माण झाले आहे.

शिवगंगाजवळ पिल्लैयारपट्टी परिसरात भीषण अपघात

शिवगंगाजवळील पिल्लैयारपट्टी परिसरात हा भीषण अपघात झाला. मदुराईहून कराईकुडीला जाणारी एक सरकारी बस आणि कराईकुडीहून मदुराईला परतणारी दुसरी बस यांच्यात समोरासमोर जोरदार टक्कर झाली. या धडकेमुळे दोन्ही बसेसच्या ढिगाऱ्यात प्रवासी अडकले आणि प्रवाशांमध्ये मोठी घबराट पसरली.

मृत्यू आणि जखमींची संख्या

अपघातानंतर बसेसच्या ढिगाऱ्यात नऊ महिला आणि दोन पुरुष अडकलेले आढळले, ज्यांचा जागीच मृत्यू झाला होता. या अपघातात ४० हून अधिक प्रवासी जखमी झाले आहेत.

अपघाताची माहिती मिळताच स्थानिक चालक आणि रहिवाशांनी तातडीने बचाव कार्यात मदत केली. जखमींना तात्काळ कराईकुडी आणि तिरुपत्तूर येथील सरकारी रुग्णालयात दाखल करण्यात आले आहे. काही जखमींना पुढील उपचारांसाठी शिवगंगा सरकारी रुग्णालयात हलवले जाण्याची शक्यता आहे.

आठवड्यातील दुसऱ्या अपघाताने चिंता वाढली

काळ्या समुद्राच्या किनाऱ्यापासून ३५ नॉटिकल मैल (सुमारे ६५ किमी) अंतरावर मानवरहित सागरी वाहनांनी 'विराट'वर शनिवारी सकाळी पुन्हा हल्ला केला होता. या दुर्घटनेने काही दिवसांपूर्वी थेंकासी येथे झालेल्या दुसऱ्या बस अपघाताची आठवण करून दिली, जिथे दोन खाजगी बसेसची टक्कर झाली होती, ज्यात सात प्रवासी मृत्युमुखी पडले होते आणि ३० जण जखमी झाले होते. एकाच आठवड्यात झालेल्या या दुसऱ्या मोठ्या अपघातामुळे प्रवाशांच्या सुरक्षिततेबद्दल जनतेची चिंता आणि संताप वाढला आहे.

अपघाताच्या कारणांचा तपास सुरू

या अपघाताला अनेक कारणे जबाबदार असल्याचे बोलले जात आहे. चार पदरी रस्त्याच्या बांधकामामुळे, सध्या बसेस तिरुपत्तूर, पिल्लैयारपट्टी-कुंद्रातूर या अरुंद आणि वळणदार रस्त्यावरून धावत आहेत. काहींचा असा आरोप आहे की अपघातग्रस्त भागात बसेस जास्त वेगाने चालवल्या जातात. अपघातामागे चालकाचा निष्काळजीपणा होता की इतर काही कारणे होती, याचा तपास अधिकारी करत आहेत. पोलिसांनी या घटनेसंदर्भात गुन्हा दाखल करून तपास सुरू केला आहे. अपघाताचे नेमके कारण तपास पूर्ण झाल्यानंतरच कळेल, असे अधिकाऱ्यांनी सांगितले आहे.

प्रवाशांच्या सुरक्षिततेची मागणी

अलिकडच्या काळात झालेल्या बस अपघातांमुळे प्रवाशांच्या सुरक्षिततेवर मोठा प्रश्नचिन्ह निर्माण झाला आहे. नागरिकांनी आणि प्रवाशांनी प्रशासनाकडे तातडीने कठोर उपाययोजना करण्याची मागणी केली आहे. बसमध्ये वेग नियंत्रण उपकरणे बसवणे. वाहतूक नियमांचे उल्लंघन करणाऱ्यांवर कठोर लक्ष ठेवणे आणि कारवाई करणे. या दुःखद घटनेमुळे तामिळनाडूतील रस्ते वाहतुकीच्या सुरक्षेवर गांभीर्याने विचार करण्याची गरज निर्माण झाली आहे.