नद्यांमधून वाहत आले मृतदेह..केरळात घरं, अर्ध गावचं वाहून गेलं! वायनाडमध्ये 4 तासांत 3 भूस्खलन

वायनाड/कल्पेट्टा: गायब झालेली गावं, वाहून गेलेले रस्ते आणि पूल, नद्यांमधून वाहत आलेले मृतदेह..ही भयावह स्थिती आहे, केरळच्या वायनाड जिल्ह्यातील. मुसळधार पावसामुळे सर्वात भीषण भूस्खलन झाले असून चोरलमाला गावाचा मोठा भागच वाहून गेला आहे. हे सांगतानाही आमचं काळीज हळहळत आहे.

भूस्खलनाने परिसर हादरला

'ऑन मनोरमा' या वृत्तसंकेतस्थळानुसार, वाचलेल्यांपैकी काहींजण सांगतात की, नेमकं काय घडलं याचीच त्यांना कल्पना नव्हती. ही किती भीषण आपत्ती होती याची यत्किंचितही कल्पना त्यांना नव्हती.

पहाटे 2 ते पहाटे 6 दरम्यान तीन पाठीमागून भूस्खलनाने परिसर हादरला. प्रचंड भूस्खलनामुळे चोरलमाला शहराचा काही भाग दुकाने वाहनांसह काही लोकही दबली गेली.

गावकऱ्यांना नदीत सापडले 6 मृतदेह

जिल्हा प्रशासनाने आठ जणांच्या मृत्यू झाल्याचं म्हटलं असल तरीही मृत्यूचा आकडा मोठा आहे, असं येथील अधिकाऱ्यांना भीती व आहे. या विध्वंसामुळे या प्रदेशाचा मोठा भाग उद्धवस्त झाला असून तो परिसर दुर्गम आहे. अट्टमळा येथे, गावकऱ्यांना नदीत सहा मृतदेह सापडले आहेत. स्थानिक सांगतात की, मुंडक्काईतून हे लोक वाहून गेले असावेत.

200 हून घरं भुसख्खलनात वाहून गेली!

स्थानिक लोकांनी सांगितले की, चोरमला गावातील 200 हून अधिक घरे भूस्खलनात वाहून गेली आहेत. दोन्ही गावांना जोडणारा पूल पूर्णपणे उद्ध्वस्त झाल्याने बचाव मोहीम अद्याप मुंडक्काईपर्यंत पोहोचलेली नाही. जिल्ह्य़ांच्या वरच्या भागातील टेकड्यांमध्ये अजूनही किरकोळ भूस्खलन होत आहेत याची काही अधिकाऱ्यांनी अधिकृत माहिती दिली आहे.

परिसर दुर्गम असल्यामुळे, लोक अजूनही त्यांच्या घरात अडकले आहेत की नाही हे अद्याप समजू शकलेले नाही. त्याच रस्त्यावरील चुरलमलापासून काही किलोमीटर अंतरावर असलेल्या मुंडक्काई गावातील आपत्तीची तीव्रता अद्याप मोजता आलेली नाही कारण संपूर्ण प्रदेश वेगळा झाला आहे. पोथुकल्लू पंचायतीच्या चालियार नदीत तीनहून अधिक मृतदेह सापडल्याचे अहवालात म्हटले आहे.

पाण्याची पातळी चिंताजनक

मेप्पडीच्या उतारातून उगम पावणाऱ्या नद्या या चाळीयारच्या उपनद्या आहेत. मेपाडी येथील भूस्खलनाचे पाणी आणि गाळ नदीत वाहून गेल्याने चाळीयारची पाण्याची पातळी चिंताजनक आहे. वेलिंग्टन, कुन्नूर येथील लष्कराचे पथक लवकरच वायनाड येथे उतरेल आणि बचाव कार्यात समन्वय साधेल आणि मुंडक्काईला जाण्यासाठी पूल बांधेल. स्थानिक लोक विविध दुर्गम गावांमध्ये बचाव कार्यात समन्वय साधत आहेत. चूरलमलापासून काही किलोमीटर अंतरावर असलेल्या अट्टमळा येथे सहा मृतदेह बाहेर काढण्यात आले.

..अन् शेकडो लोक बेपत्ता

स्थानिक सांगतात की, मुंडक्काई येथे पहाटे 3.15 च्या सुमारास वारंवार झालेल्या भूस्खलनात पुनचिरीमट्टम येथून शेकडो लोक बेपत्ता आहेत. या भागात अजूनही मुसळधार पाऊस पडत असल्याने बचावकार्य कठीण होत आहे, असे जिल्हा अधिकाऱ्यांनी सांगितले. मेप्पडी, व्यथिरी आणि वडूवांचलसह पर्यावरणीयदृष्ट्या संवेदनशील प्रदेशात गेल्या 24 तासांत मुसळधार पाऊस झाला.

English summary

Wayanad rattled by three landslides in four hours latest Kerala news update