IPLच्या मध्यातच कर्णधार रोहित शर्माचा मोठा खुलासा; ऑस्ट्रेलियात घडलेल्या त्या सर्व घटनांवर थेट बोलला

Rohit Sharma big revelation in middle of IPL 2025 : एकीकडे रोहित शर्मा आयपीएल 2025 मध्ये त्याच्या कामगिरीमुळे टीकेचा धनी बनलेला आहे. त्याच्या जबरदस्त फलंदाजीची चाहत्यांकडून प्रतीक्षा केली जात आहे. अशातच, हिटमॅन रोहित शर्माने असा काही खुलासा केला आहे की, त्याची चर्चा आता थेट ऑस्ट्रेलियापर्यंत जाणार आहे. त्याचे कारण आहे की, रोहित शर्माने ऑस्ट्रेलिया दौऱ्यासंबंधातील मोठे खुलासे केले आहेत.

काय म्हणाला रोहित शर्मा?

भारतीय संघाचा कर्णधार रोहित शर्मा म्हणाला की, या वर्षाच्या सुरुवातीला ऑस्ट्रेलियाविरुद्धच्या सिडनी कसोटीला न जाण्याचा त्याचा निर्णय एकमताने झालेला नव्हता आणि मुख्य प्रशिक्षक गौतम गंभीर आणि मुख्य निवडकर्ता अजित आगरकर यांच्याशी त्याचा "वाद" झाला होता.

'बियॉन्ड-23 क्रिकेट पॉडकास्ट' शी बोलताना रोहित शर्माने ऑस्ट्रेलियाचा माजी कर्णधार मायकेल क्लार्कशी संवाद साधला. तो म्हणाला की, आम्हाला शुभमन गिलला काही प्रकारे प्लेइंग इलेव्हनमध्ये समाविष्ट करायचे होते, पण त्यापूर्वी यावर एकमत झाले नव्हते.

रोहित कर्णधार झाल्यानंतर संघात काय बदल झाला?

रोहित शर्मा कर्णधार झाल्यापासून संघातील प्रत्येक खेळाडूमध्ये एक गोष्ट दिसून येते. ती म्हणजे संघाला स्वतःपेक्षा वरचढ ठेवणे. यावर रोहित म्हणाला की, तुम्ही संघाला प्राधान्य देण्याचा प्रयत्न करता, तुम्ही फक्त संघाला काय हवे आहे ते पाहता आणि त्यानुसार निर्णय घेता. कधीकधी ते काम करेल, तर कधी कधी त्याच्या उलट घडते.

तुम्ही कोणताही निर्णय घेण्याचा प्रयत्न केलाा तरी तुम्हाला यश मिळेलच याची काही खात्री नाही. या महान फलंदाजाने स्वतःला बाद करण्याच्या निर्णयावर पोहोचण्यासाठी तार्किक कारणही दिले.

रोहित शर्मा म्हणाला की, मी अ‍ॅडलेडमध्ये चांगला खेळलो नाही. मला वाटले की मी डावाची सुरुवात करायला हवी होती. मी जे करतो ते करायला मला आवडेल आणि तिथे अपयशी ठरेन. ही माझी जागा आहे. ही माझी परिस्थिती आहे. मला तिथे जाऊन फलंदाजी करायला आवडेल, मला यश मिळेल की नाही हा वेगळा मुद्दा आहे. पण मी संघासाठी माझ्या नेहमीच्या फॉर्ममध्ये राहण्याचा प्रयत्न करेल.

ब्रिस्बेनमध्ये बदलाचे झाले प्रयत्न

रोहित शर्मा म्हणाला की, अ‍ॅडलेडमध्ये अपयशी ठरल्यानंतर, ब्रिस्बेनमधील दुसऱ्या सामन्यात मधल्या फळीत फलंदाजी सुरू ठेवण्याचा विचार रोहितने केला. तो म्हणाला, मधल्या फळीतील एका सामन्यातील निराशेनंतर, मला वाटले की जास्त काळजी न करता आणखी एका सामन्यात ते सुरू ठेवूया. आपण ब्रिस्बेनमध्ये परिस्थिती बदलण्याचा प्रयत्न करू शकतो. तो सामना बरोबरीत सुटला.

मेलबर्नला पोहोचल्यावर आम्ही आमचा विचार बदलला. मी डावाची सुरुवात करण्यासाठी परत गेलो. रोहितने कबूल केले की संघातील अनेक फलंदाज एकाच वेळी फॉर्ममध्ये नसल्याने त्याला स्वतःला बाहेर काढावे लागले. यामध्ये स्टार फलंदाज विराट कोहलीचाही समावेश होता.

पर्थमधील पहिल्या कसोटीतील शतक वगळता कोहलीला संपूर्ण मालिकेत संघर्ष करावा लागला. रोहित म्हणाला, मालिकेतील शेवटच्या कसोटीत मला स्वतःशी प्रामाणिक राहावे लागले. मी बॉलला नीट मारू शकलो नाही. आम्ही संघर्ष करणाऱ्या इतर खेळाडूंना वगळले म्हणून मी स्वतःला संघात ठेवू इच्छित नव्हतो.