IND vs ENG: भारत-इंग्लंड सेमीफायनल 'टाय' झाली आणि सुपर ओव्हरमध्ये पाऊस आला तर? पाहा कोणाला मिळणार फा

Ind vs eng t20 world cup 2026 semifinal rain rules super over : टी-२० विश्वचषक २०२६ चा थरार आता अंतिम टप्प्यात पोहोचला असून, ५ मार्च रोजी मुंबईच्या ऐतिहासिक वानखेडे स्टेडियमवर भारत आणि इंग्लंड यांच्यात दुसरा उपांत्य फेरीचा (Semi-final) सामना रंगणार आहे. या 'करो या मरो'च्या लढतीत पावसाने व्यत्यय आणला किंवा सामना टाय झाला, तर नेमके नियम काय असतील? याबाबत क्रिकेट चाहत्यांमध्ये मोठी उत्सुकता आहे.

सामना टाय झाला तर काय?

आयसीसीच्या नियमांनुसार, जर निर्धारित २० षटकांनंतर दोन्ही संघांचा स्कोअर बरोबर राहिला, तर सामन्याचा निकाल 'सुपर ओव्हर' द्वारे लावला जाईल. जोपर्यंत स्पष्ट विजेता मिळत नाही, तोपर्यंत सुपर ओव्हर सुरू राहू शकते.

सुपर ओव्हरमध्ये पाऊस आला तर 'हा' संघ ठरेल विजेता!

वानखेडेवर जर ५ मार्चला पाऊस पडला, तर आयसीसीने 'रिझर्व्ह डे' (Reserve Day) म्हणजेच ६ मार्चची सोय केली आहे. मात्र, जर रिझर्व्ह डेलाही पाऊस थांबला नाही आणि सुपर ओव्हरही शक्य झाली नाही, तर नशिबाचा नाही तर 'पॉइंट्स टेबल'चा खेळ सुरू होईल.

नियम काय सांगतो?

जर उपांत्य फेरीचा सामना पावसामुळे पूर्ण होऊ शकला नाही किंवा टाय झाल्यानंतर सुपर ओव्हरही शक्य नसेल, तर 'सुपर-८' च्या गुणतालिकेत (Points Table) जो संघ आपल्या ग्रुपमध्ये अव्वल स्थानी होता, त्याला थेट फायनलचे तिकीट मिळेल.

भारताची अडचण

इंग्लंडचा संघ त्यांच्या सुपर-८ ग्रुपमध्ये 'टेबल टॉपर' (पहिल्या क्रमांकावर) होता, तर टीम इंडिया आपल्या ग्रुपमध्ये दुसऱ्या क्रमांकावर होती. त्यामुळे सामना रद्द झाल्यास इंग्लंडला अंतिम फेरीत प्रवेश मिळेल.

सामन्याचे वेळापत्रक आणि लाईव्ह प्रक्षेपण (Match Schedule & Live Streaming)

• तारीख: ५ मार्च २०२६
• वेळ: भारतीय वेळेनुसार संध्याकाळी ७:३० वाजता (नाणेफेक सायंकाळी ७:०० वाजता)
• स्थळ: वानखेडे स्टेडियम, मुंबई.
• लाईव्ह प्रक्षेपण (Live): हा सामना स्टार स्पोर्ट्स नेटवर्क (Star Sports) वर टीव्हीवर पाहता येईल.
• लाईव्ह स्ट्रीमिंग: मोबाईलवर डिस्ने+ हॉटस्टार (Disney+ Hotstar) ॲपवर या सामन्याचा आनंद विनामूल्य घेता येईल.