विधानसभा निकालानंतर अवघ्या 6 महिन्यांत एकनाथ शिंदे भाजपसाठी नकोसे का झाले, नेमकं राजकारण काय?

Eknath shinde Vs Devendra Fadanvis, Maharashtra Politics News : महाराष्ट्राच्या राजकारणात पुन्हा एकदा महायुतीमध्ये संघर्ष पाहायला मिळत आहे. एकनाथ शिंदे यांच्या शिवसेनेच्या मंत्र्यांना निधी देण्यात टाळाटाळ असेल किंवा एकनाथ शिंदे यांच्या निर्णयाकडे जाणीवपूर्णक दुर्लक्ष करणे असो, या कुरबुरी वाढत असल्याने आता महायुतीत काही बरं नाही, अशी चर्चा राजकीय वर्तुळात रंगली आहे.

मुख्यमंत्री देवेंद्र फडणवीस आणि एकनाथ शिंदे यांच्यातील अंतर आता हळूहळू कमी होऊ लागले आहे. राज्याच्या राजकारणात पुन्हा एकदा दोघांमधील सुप्त संघर्षाची चर्चा रगंली आहे. राज्यात पुढील काही महिन्यांतच नगरपालिका निवडणुका आहेत आणि शिवसेना पुन्हा एकदा सौदेबाजीच्या मूडमध्ये असल्याचे दिसून येत आहे. तथापि, भाजप शिंदे यांची मागणी मान्य करण्याच्या मनःस्थितीत दिसत नाही. विधानसभा निवडणुकीच्या निकालापासून भाजप एकनाथ शिंदे आणि त्यांच्या पक्षाच्या मागण्यांकडे जाणीवपूर्वक दुर्लक्ष करत आहे. फक्त अडीच वर्षांपूर्वी संपूर्ण राज्याचे राजकारण कसे बदलले आणि एकनाथ शिंदे भाजपासाठी अनावश्यक कसे होऊ लागले. हे देखील समजून घेण्याची गरज आहे, चला तर याचे विश्लेषण समजून घेऊया..!

शिवसेनेच्या मागण्यांना भाजप आता गांभीर्याने का घेत नाही?

सुप्रीम कोर्टाच्या ओबीसी आरक्षणाबाबतच्या निर्णयानंतर महाराष्ट्रात लवकरच अर्थात पुढील तीन ते चार महिन्यांमध्ये महापालिका निवडणुका होणार आहेत. तत्पूर्वी शिवसेना सतत भाजपला आव्हान देत आहे. शिंदे यांच्या पक्षाचे खासदार नरेश म्हस्के यांनी माध्यमांशी बोलताना सांगितले की, जर महानगरपालिका निवडणुकीत मित्रपक्ष वेगळे व्हायचे असतील तर पक्ष नवी मुंबई महानगरपालिका निवडणूक स्वबळावर लढवेल. शिवसेना खासदार म्हणाले की, यावेळी भाजपने केवळ स्वतःच्या फायद्यांचा विचार करू नये तर मित्रपक्षांच्या फायद्यांचाही विचार केला पाहिजे.

दरम्यान, सुरुवातीला एकनाथ शिंदे यांना त्यांच्या पसंतीचे मंत्रालय देण्यात आले नाही आणि नंतर महत्त्वाच्या बैठकांमध्ये त्यांना सतत दुर्लक्षित केले जात असल्याच्या बातम्या येत होत्या. त्यात आता महापालिका निवडणुकीच्या अनुषंगाने पुन्हा महायुतीत वाद होण्याची शक्यता नाकारता येत नाही.

एकनाथ शिंदेंच्या शिवसेनेने महापालिका निवडणुकीवर काय म्हटले?

शिवसेनेने महापालिका निवडणुकीपूर्वी म्हटले की, कल्याण, डोंबिवली आणि ठाण्यात आमच्या पक्षाला भाजपकडून मदत मिळेल. एवढेच नाही तर शिवसेना खासदार नरेश म्हस्के म्हणाले की, मुंबईत भाजपला शिवसेना (यूबीटी) आणि महाआघाडीचे आव्हान आहे. अशा परिस्थितीत, जर भाजपने स्वबळावर निवडणूक लढवली तर शिवसेना (शिंदे गट) त्यांची मते कमी करेल, यावर भाजपकडून अद्याप कोणतीही प्रतिक्रिया आलेली नाही.

एकनाथ शिंदे भाजपसाठी नकोसे का वाटू लागलेत?

लोकसभा निवडणुकीपर्यंत एकनाथ शिंदे महाराष्ट्राचे मुख्यमंत्री होते आणि महायुतीमध्ये त्यांची मोठी आणि मजबूत भूमिका होती. तथापि, विधानसभा निवडणुकीपासून शिंदे आणि त्यांच्या पक्षाचे स्थान सतत दुय्यम ठेवले गेले. सुरुवातीला, शिंदे यांनी इच्छा व्यक्त करूनही, भाजपने त्यांना मुख्यमंत्री बनवले नाही. त्यानंतरही त्यांना गृह मंत्रालय आणि नगरविकास मंत्रालय असे त्यांचे आवडते खाते मिळाले नाही.

एकट्या भाजपकडे 131 जागा आहेत आणि शिवसेनेकडे 55 जागा आहेत. राज्यात बहुमताचा आकडा 145 आहे आणि राष्ट्रवादी (अजित पवार) पक्षाकडे 35 जागा आहेत. अशा परिस्थितीत भाजपला बहुमतासाठी शिंदे आणि त्यांच्या पक्षाची गरज नाही. अजित पवार आतापर्यंत एनडीएच्या बाजूने ठामपणे उभे असल्याचे दिसून येते. उपमुख्यमंत्री पदापासून ते मंत्रिमंडळाच्या वाटपापर्यंत, पवारांनी नेहमीच युतीची शिस्त पाळली आहे आणि ते त्यांच्या बोलण्यातून कायम समाधानी दिसतात.

राष्ट्रवादी एकत्र झाल्यास शिंदे यांच्या अडचणी वाढतील

विधानसभा निवडणुकीचे निकाल समोर आल्यापासून, पवार कुटुंब पुन्हा एकत्र येऊ शकते असा दावा वारंवार केला जात आहे. अलिकडेच ऑपरेशन सिंदूरबद्दल सांगण्यासाठी गेलेल्या शिष्टमंडळात शरद पवार यांच्या कन्या आणि खासदार सुप्रिया सुळे यांचेही नाव समोर आले. सुप्रिया सुळे यांना केंद्रात मंत्रिपद दिले जाऊ शकते, अशी देखील चर्चा होऊ लागली आहे. शरद पवार यांनी गेल्या काही महिन्यांत देवेंद्र फडणवीस, पंतप्रधान मोदी, भाजप आणि आरएसएसचे कौतुक केले आहे. महाराष्ट्रात काका-पुतणे पुन्हा एकत्र आल्याने शिंदे यांचे नुकसान होईल. एनडीए आघाडीतील त्यांचे स्थान पूर्वीपेक्षा कमकुवत होऊ शकते. सध्याची राजकीय परिस्थिती, निवडणूक समीकरणे आणि सरकारची स्थिरता लक्षात घेता, भाजपला आता पूर्वीसारखी शिंदेंची गरज राहिलेली नाही, असे स्पष्टपणे दिसून येत आहे.