एकनाथ शिंदे पुन्हा महाराष्ट्राचे मुख्यमंत्री का झाले पाहिजे?, शिवसेनेने सांगितली 'हे' 5 कारणे

महाराष्ट्र विधानसभा निवडणुकीत महायुतीला महाराष्ट्रातील जनतेले भरभरून प्रेम दिले. कधी नव्हे ते इतिहासात पहिल्यांदाच महाराष्ट्रात एखाद्या आघाडीला एवढी ताकद मिळाली आहे. महायुतीला 288 पैकी 232 जागांवर यश मिळाले आहे. तर त्यात एकट्या भाजपला 133 जागांवर विजय मिळाला. तर एकनाथ शिंदे यांच्या शिवसेनेला देखील जबरदस्त जागांवर यश मिळाले आहे.

दुसकीकडे एकनाथ शिंदे यांच्या शिवसेना आमदारांची रविवारी वांद्रे येथील एका हॉटेलमध्ये बैठक झाली, जिथे उदय सामंत यांनी प्रस्ताव मांडल्यानंतर त्यांनी एकनाथ शिंदे यांची शिवसेना विधिमंडळ पक्षनेतेपदी फेरनिवड केली. एकनाथ शिंदे यांना पुन्हा महाराष्ट्राचे मुख्यमंत्री करावे, अशी मागणी शिवसेनेच्या आमदारांनी केली. शिवसेनेचे प्रवक्ते व नवनिर्वाचित आमदार संजय शिरसाट म्हणाले, आम्ही मोठा विजय मिळवला आहे; एकनाथ शिंदे पुन्हा मुख्यमंत्री व्हावेत, असे आम्हाला वाटते. पण ते महायुतीचे बडे नेते ठरवतील. परंतु, शिवसेनेच्या सर्व आमदारांची इच्छा आहे. एकनाथ शिंदे पुन्हा महाराष्ट्राचे मुख्यमंत्री का झाले पाहिजेत, यासंदर्भात शिवसेनेकडून काही प्रमुख दावे केले जात आहेत. प्रमुख 5 पॉईंट्समधून आपण ते समजून घेऊया...!

1) शिवसेना ठाकरे गटाला नियंत्रणात ठेवेल

जर एकनाथ मुख्यमंत्री झाले नाहीत तर UBT (आणि MVA) ला थेट देवेंद्र फडणवीस यांना लक्ष्य करण्याची संधी मिळेल. सत्तेत येण्यासाठी भाजपने शिवसेनेचे नाव आणि निवडणूक चिन्ह वापरले आणि वेळ आल्यावर बाजूला सारले, असा आरोप उद्धव ठाकरे करेल. सरकारच्या प्रत्येक निर्णयाला भाजप विरुद्ध महाराष्ट्र या लढाईत रूपांतरित करण्याचा प्रयत्न उद्धव सेना आणि इतर एमव्हीए सहयोगी करतील.

२) मराठी अस्मिता मजबूत होणार

एकनाथ शिंदे यांना मुख्यमंत्री ठेवून महायुती मराठी अस्मिता मजबूत करू शकते. या निर्णयातून भाजपचे औदार्य आणि मराठी अस्मितेचा आदर करण्याची बांधिलकी दिसून येईल.

3) सुशासन चालू ठेवण्याचा संदेश

महाराष्ट्र निवडणुकीत महायुतीला दिलेला जनादेशही एकनाथ शिंदे यांच्या नेतृत्वाखालील मागील सरकारने सुरू केलेल्या कल्याणकारी योजनांमुळेच आहे. एकनाथ शिंदे मुख्यमंत्रीपदी कायम राहिल्याने महायुतीची सुशासनाची प्रतिमा अधिक बळकट होणार असून योजनांचा प्रभाव अधिक खोलवर पडणार आहे.

4) महाराष्ट्रात जातीय विभाजनावर बंदी

एकनाथ शिंदे यांची प्रतिमा एका मराठा नेत्याची आहे . ज्यांनी काँग्रेसला बरबाद केले आणि मराठ्यांना महायुतीला मतदान करण्यास पटवले. जातीय विभाजन आणि अविश्वास ही महाराष्ट्रात अजूनही खरी समस्या आहे, मराठा मुख्यमंत्री असल्यास सर्व फूट पाडणाऱ्या शक्तींना आळा बसेल. शिंदे यांनी ओबीसी आरक्षणाशी छेडछाड न करता मराठ्यांना सामाजिक आणि आर्थिक न्याय मिळवून दिला.

5) आगामी स्थानिक स्वराज्य संस्थांच्या निवडणुका

पुढील 2-3 वर्षात संपूर्ण महाराष्ट्रात स्थानिक स्वराज्य संस्थांच्या निवडणुका होणार आहेत. आता चेहरा बदलल्याने जनता सरकारच्या कार्यपद्धतीचे पुनर्मूल्यांकन करेल आणि सध्याच्या विजयातून मिळालेली गती गमावून बसेल. एकनाथ शिंदे यांना मुख्यमंत्री करून महायुती ही गती कायम ठेवू शकते, त्याचा फायदा स्थानिक निवडणुकीतही होईल. अन्यथा नवीन चेहऱ्याला स्थानिक स्वराज्य संस्थांच्या निवडणुकीत दाखवण्यासारखे फारसे यश मिळणार नाही.

लोकप्रिय चेहरा आणि नेतृत्व क्षमता

निवडणुकीपूर्वी प्रत्येक सर्वेक्षणात एकनाथ शिंदे हे संपूर्ण महाराष्ट्रात सर्वाधिक लोकप्रिय चेहरा असल्याचे दिसून आले. सर्व जाती/प्रदेशातील लोकांना एकनाथ शिंदेंबद्दल आदर होता आणि त्यांच्या नेतृत्वाखाली महायुतीचा कार्यकाळ सुरळीत होता. तीन पक्षांची आघाडी यशस्वीपणे सांभाळून त्यांनी आपले नेतृत्व कौशल्य दाखवून दिले. त्यांच्या नेतृत्वामुळे लोकसभा निवडणुकीत दिसून आलेली भाजपविरोधी भावना संपुष्टात आली.