महाराष्ट्राचा अर्थसंकल्प अजितदादांना समर्पित CM फडणवीसांकडून नव्या योजनांचा पाऊस; वाचा घोषणांची यादी

Maharashtra budget 2026 live updates : "आज माझं अंतःकरण जड झालं आहे... ज्यांनी ११ वेळा या सभागृहात अर्थसंकल्प मांडला, त्या अजितदादांची उणीव आज भासत आहे," अशा भावूक शब्दांत मुख्यमंत्री आणि वित्तमंत्री देवेंद्र फडणवीस यांनी २०२६-२७ या वर्षाचा महाराष्ट्राचा अर्थसंकल्प सादर केला. हा अर्थसंकल्प दिवंगत नेते अजित पवार यांना समर्पित करत, फडणवीस यांनी राज्याच्या विकासाचे 'व्हिजन डॉक्युमेंट' मांडले आणि महाराष्ट्राला १५०० अब्ज डॉलर्सची जागतिक उत्पादन केंद्र बनवण्याचा संकल्प सोडला.

अजितदादांच्या स्मृतींना उजाळा आणि मोठ्या घोषणा

अर्थसंकल्पाच्या सुरुवातीलाच मुख्यमंत्र्यांनी अजित पवार यांच्या शिस्तीचे आणि कार्याचे कौतुक केले. त्यांच्या स्मृती प्रित्यर्थ खालील घोषणा करण्यात आल्या:

भव्य स्मारक: अजितदादांचे व्यक्तिमत्त्व आणि कार्याला साजेसे भव्य स्मारक उभारले जाईल.

गतिमान नागरी सेवा पुरस्कार: प्रशासनात शिस्त आणि गती आणण्यासाठी 'अजितदादा पवार गतिमान नागरी सेवा पुरस्कार' सुरू करण्यात येणार आहे.

शेतकरी आणि ग्रामीण भागासाठी 'बळीराजा' योजना

शेतकऱ्यांचे उत्पन्न वाढवण्यासाठी आणि पायाभूत सुविधांसाठी फडणवीस यांनी अनेक नवीन योजनांची घोषणा केली.

• मुख्यमंत्री बळीराजा शेतपाणंद रस्ते योजना: शेतातील पांदण रस्त्यांच्या विकासासाठी नवीन योजना.
• गोपीनाथ मुंडे अपघात विमा योजना: या योजनेचा विस्तार करून आता यात शेतमजुरांचाही समावेश करण्यात आला आहे.
• मुख्यमंत्री ग्रामीण पशुधन उद्योजक योजना आणि मत्स्यसंपदा योजना जाहीर.
• अॅग्रीस्टॅक योजना: १ कोटी ३१ लाख शेतकऱ्यांचे फार्मर आयडी तयार करून त्यांना एआय (AI) च्या माध्यमातून बाजारभाव आणि हवामानाची माहिती दिली जाणार.

गुंतवणूक आणि रोजगार: 'इन्व्हेस्ट महाराष्ट्र'चा नारा

• महाराष्ट्राला जागतिक उत्पादन केंद्र बनवण्यासाठी मुख्यमंत्र्यांनी 'इन्व्हेस्ट महाराष्ट्र' हे नवे डिजिटल प्लॅटफॉर्म जाहीर केले.
• ५० लाख रोजगार निर्मिती: नवीन गुंतवणूक धोरणातून आगामी काळात ५० लाख रोजगाराच्या संधी निर्माण करण्याचे उद्दिष्ट.
• सुक्ष्म व लघू केंद्र: प्रत्येक जिल्ह्यात लघु उद्योगांना चालना देण्यासाठी विशेष केंद्रांची स्थापना.
• पायाभूत सुविधा: मुख्यमंत्री ग्रामसडक योजना टप्पा ३ अंतर्गत २३ हजार किमी रस्ते आणि पुलांची कामे हाती घेतली जाणार.

सामाजिक समरसता आणि संस्कृती

सामाजिक समरसता वर्ष: २०२६-२७ हे वर्ष 'सामाजिक समता आणि समरसता वर्ष' म्हणून साजरे केले जाईल.

महात्मा फुले २०० वी जयंती: महात्मा फुले यांच्या द्विशताब्दी निमित्त विविध सामाजिक कार्यक्रमांसाठी निधीची तरतूद.

धार्मिक पर्यटन: देहू येथील संत तुकाराम महाराज जन्मस्थानाचे जतन आणि संवर्धन, तसेच संत गाडगेबाबा ग्राम समृद्धी योजना राबवणार.

बाळासाहेब ठाकरे स्मारक: दादर येथील स्मारकाचा दुसरा टप्पा जून २०२६ पर्यंत पूर्ण होणार.

आज ६ मार्च २०२६ रोजी मुख्यमंत्री आणि अर्थमंत्री देवेंद्र फडणवीस यांनी विधानसभेत राज्याचा अर्थसंकल्प सादर केला. यातील सर्वात महत्त्वाचे आणि ताजे अधिकृत अपडेट्स खालीलप्रमाणे आहेत.

१. मुख्यमंत्री माझी लाडकी बहीण योजना

• लाभार्थी पडताळणी: ई-केवायसी (e-KYC) पडताळणीनंतर लाभार्थ्यांची संख्या २.४३ कोटींवरून सुमारे १.८ कोटींवर आली आहे.
• तरतूद: या पडताळणीमुळे सरकारची सुमारे ९,००० कोटी रुपयांची बचत होणार असून, ती रक्कम इतर विकासकामांसाठी वापरली जाईल.
• हप्ता: मानधन २,१०० रुपये करण्याबाबत चर्चा असली, तरी सध्या १५०० रुपये हप्ता सुरू ठेवण्यावर भर आहे.

२. शेतकरी आणि ग्रामीण विकास

• मुख्यमंत्री बळीराजा शेतपाणंद रस्ते योजना: शेतातील पांदण रस्त्यांच्या कामांसाठी मोठ्या निधीची तरतूद.
• मोफत वीज: ७.५ एचपी पर्यंतच्या शेतीपंपांना मोफत वीज देण्याची योजना सुरूच राहणार आहे.
• गोपीनाथ मुंडे अपघात विमा: या योजनेत आता शेतमजुरांचाही समावेश करण्यात आला आहे.

३. आर्थिक लक्ष्य आणि रोजगार

• १ ट्रिलियन डॉलर अर्थव्यवस्था: पुढील ५ वर्षांत महाराष्ट्राला १ ट्रिलियन डॉलरची अर्थव्यवस्था बनवण्याचे उद्दिष्ट ठेवण्यात आले आहे.
• ५० लाख रोजगार: नवीन गुंतवणूक आणि औद्योगिक धोरणाद्वारे पुढील काळात ५० लाख नवीन रोजगारांच्या संधी निर्माण केल्या जातील.

४. सामाजिक आणि पायाभूत सुविधा

• सामाजिक समरसता वर्ष: २०२६-२७ हे वर्ष 'सामाजिक समता आणि समरसता वर्ष' म्हणून साजरे केले जाईल.
• हिंदूहृदयसम्राट बाळासाहेब ठाकरे स्मारक: दादर येथील स्मारकाचा दुसरा टप्पा जून २०२६ पर्यंत पूर्ण केला जाईल.
• हायस्पीड ट्रेन: मुंबई-पुणे जलदगती ट्रेन प्रकल्पासाठी विशेष तरतूद.