बांगलादेशमध्ये हिंसाचारात 100 पेक्षा जास्त लोकांचा मृत्यू , आज'मार्च टू ढाका'कार्यक्रम

Bangladesh Protest: बांगलादेशच्या रस्त्यावर रविवारी पुन्हा एकदा भयंकर हिंसाचार सुरू झाला आणि सरकारविरोधी निदर्शनांमध्ये सुमारे 100 पेक्षा जास्त लोकांचा मृत्यू झाला आहे. तर शेकडो जखमी झाले आहेत. आंदोलकांनी पंतप्रधान शेख हसीना यांच्या राजीनाम्याची मागणी केली आहे.

आज बांगलादेशातील परिस्थिती आणखी बिघडू शकते आणि देश गृहयुद्धात अडकू शकते, असं मानलं जात आहे, कारण काही वेळाने आंदोलक 'मार्च ते ढाका'मोर्चा सुरू होणार आहे, ज्यामध्ये हजारो आंदोलक सहभागी होणार आहेत. या रॅलीदरम्यान तीव्र हिंसाचार भडकण्याची शक्यता आहे.

बांगलादेशात 'मार्च टू ढाका' कार्यक्रम

बांगलादेशी वृत्तपत्रांच्या मते, भेदभाव विरोधी विद्यार्थी चळवळीने आज "ढाका मार्च" कार्यक्रमाची घोषणा केली आहे. ज्यात शेख हसीना यांच्या नेतृत्वाखालील सरकारचा राजीनाम्यासाठी मागणीसाठी मार्च टू ढाका मोर्चेची घोषणा करण्यात आली आहे. आंदोलक विद्यार्थ्यांनी देशभरातील विद्यार्थी आणि लोकांना ढाकापर्यंतच्या मोर्चात सहभागी होण्याचे आवाहन केले आहे.

विद्यार्थ्यांच्या चळवळीचे तीन समन्वयक - आसिफ महमूद, सरजिस आलम आणि अबू बकर मजुमदार यांनी बांगलादेशी वृत्तपत्र 'द डेली स्टार'ला या मोर्चेच्या वृत्ताला दुजोरा दिला आहे.ते म्हणाले की, सुरुवातीला 'ढाका मार्च' मंगळवारी होणार होता. मात्र नंतर सोमवारीच मोर्चा काढण्याचा निर्णय घेण्यात आला. निषेधाच्या आयोजकांनी सांगितले की, अनेक लोकांचा मृत्यू आणि सध्याची परिस्थिती लक्षात घेऊन ही तारीख बदलण्यात आली आहे.

त्याच वेळी, भारताने आपल्या सर्व नागरिकांना येथे सुरू असलेल्या हिंसाचारामुळे पुढील सूचना मिळेपर्यंत बांगलादेशला जाणे टाळण्याचा सल्ला दिला आहे. रविवारी रात्री उशिरा जारी केलेल्या ॲडव्हायझरीमध्ये, भारतीय परराष्ट्र मंत्रालयाने बांगलादेशातील भारतीय नागरिकांना अत्यंत सावधगिरी बाळगण्याचा, त्यांच्या हालचाली मर्यादित ठेवण्याचा आणि ढाका येथील भारतीय उच्चायुक्तालयाच्या आपत्कालीन फोन नंबरशी संपर्क ठेवण्याचा सल्ला दिला.

भारतीय परराष्ट्र व्यवहार मंत्रालयाने आपत्कालीन फोन नंबर जारी केले आहेत, जे +8801958383679, +8801958383680, +8801937400591 आहेत.