श्रीलंकन नौदलाच्या गोळीबारात 5 भारतीय मच्छीमार जखमी; परराष्ट्र मंत्रालय संतप्त, उच्चायुकांना बोलावले

SriLankan Navy firing on Indian Fisherman : श्रीलंकेच्या नौदलाने केलेल्या गोळीबारामुळे भारताचे नुकसान झाले आहे. या गोळीबारात किनाऱ्यावरील पाच भारतीय मच्छीमार जखमी झाले. अशा परिस्थितीत, परराष्ट्र मंत्रालयाने कडक भूमिका घेतली आणि औपचारिक निषेध नोंदवला तसेच श्रीलंकेच्या उच्चायुक्तांना बोलावले.

मंगळवारी पहाटे डेल्फ्ट बेटाजवळ श्रीलंकेच्या नौदलाने केलेल्या गोळीबारात पाच भारतीय मच्छीमार जखमी झाले, त्यापैकी दोघे गंभीर जखमी झाले. या घटनेवर भारताच्या परराष्ट्र मंत्रालयाने (MEA) तीव्र शब्दात निषेध व्यक्त केला. परराष्ट्र मंत्रालयाने श्रीलंकेच्या नौदलाची ही कृती 'अस्वीकार्य' असल्याचे म्हटले आहे.

13 मच्छिमरांना घेतले ताब्यात

परराष्ट्र मंत्रालयाने नुकत्याच केलेल्या निवेदनात म्हटले की, आज पहाटे, डेल्फ्ट बेटाजवळ १३ भारतीय मच्छिमारांना ताब्यात घेताना श्रीलंकेच्या नौदलाने केलेल्या गोळीबाराची बातमी मिळाली. श्रीलंकेचे कार्यवाहक उच्चायुक्त नवी दिल्लीतील प्रतिनिधींना आज सकाळी परराष्ट्र मंत्रालयात बोलावण्यात आले आणि या घटनेचा तीव्र निषेध नोंदवण्यात आला. परराष्ट्र मंत्रालयाने पुढे म्हटले आहे की, भारतीय मच्छिमारांवर गोळीबार अस्वीकार्य आहे आणि तो सहन केला जाऊ शकत नाही.

भारत आणि बांगलादेशमधील मच्छिमारांशी प्रश्न अधिक गंभीर होतोय

मच्छीमारांचा मुद्दा दोन्ही देशांमध्ये वादग्रस्त राहिला आहे. भारत सरकारच्या आकडेवारीनुसार, २०२४ मध्ये श्रीलंकेने विक्रमी ५३५ भारतीय मच्छिमारांना अटक केली होती, जी २०२३ मधील संख्येपेक्षा जवळजवळ दुप्पट होती. २९ नोव्हेंबर २०२४ पर्यंत, १४१ भारतीय मच्छीमार श्रीलंकेच्या तुरुंगात होते आणि १९८ ट्रॉलर जप्त करण्यात आले होते.

भारतीय मच्छिमारांना का पकडले जात आहे?

भारतीय भागात माशांची संख्या सतत कमी होत आहे. अशा परिस्थितीत, मच्छीमार मासेमारीसाठी श्रीलंकेच्या बेटांवर (विशेषतः कच्चाथीवू आणि मन्नारच्या आखातात) जातात. तथापि, तिथे पोहोचण्याच्या मार्गावर एक आंतरराष्ट्रीय सागरी सीमा आहे, जी भारतीय मच्छिमारांना ओलांडावी लागते. श्रीलंकेचे नौदल भारतीय मच्छिमारांना सीमा ओलांडताच अटक करते.