सोनम रघुवंशीने तिचा पती 'राजा'ची हत्या का केली?, प्रेमप्रकरण की अन्य.., कॉन्ट्रॅक्ट किलर कोण होता?

Sonam Raghuvanshi : मेघालयातील शिलाँग येथे हनिमूनसाठी गेलेल्या राजा रघुवंशी आणि त्यांची पत्नी सोनम रघुवंशी या जोडप्याच्या घटनेमुळे संपूर्ण देश हादरला आहे. हनिमूनसाठी गेलेल्या राजा रघुवंशीची हत्याकांडाचा खुलासा झाला असून या घटनेच्या खुलास्याने संपूर्ण देश हादरला आहे.

दुसरे म्हणजे, मेघालय पोलिसांच्या तपासावर यापूर्वी प्रश्नचिन्ह उपस्थित करणाऱ्या राजा रघुवंशी यांचा भाऊ विपुल रघुवंशी यांनी आता सोनमचे ललितपूर (उत्तर प्रदेश) येथील राज कुशवाह नावाच्या तरुणाशी व्यावसायिक संबंध असल्याचा दावा केला आहे.

(Why did Sonam Suryavanshi kill her husband Raja Suryavanshi?) या बड्या खुलास्यानंतर विपुलने मेघालय पोलिसांवर विश्वास व्यक्त केला आहे, तरी देखील त्यांनी सीबीआय चौकशीची मागणी कायम ठेवली आहे. या घटनेमुळे या खळबळजनक हत्याकांडात नवीन गोष्टींची भर पडत आहे.

विपुल रघुवंशी यांचे मोठे विधान? What is Vipul Suryavanshi claim?

9 जून 2025 रोजी संध्याकाळी उशिरा, इंदूरमधील विपुल रघुवंशी यांनी एका स्थानिक वृत्तवाहिनीशी संवाद साधताना सांगितले की, मला अलिकडेच कळले की ललितपूर येथील राज कुशवाहा नावाचा एक तरुण सोनमसोबत काम करायचा.

मेघालय पोलिसांनी आम्हाला सांगितले की, राज कुशवाहा या हत्येत सहभागी असू शकतो. या माहितीनंतर, मला वाटते की पोलिस योग्य दिशेने काम करत आहेत.

पूर्वी आम्हाला कोणतेही अपडेट मिळत नव्हते, म्हणून आम्ही पोलिसांकडे चौकशी केली. पण आता आम्हाला मेघालय पोलिसांवर विश्वास बसू लागला आहे. तरीही, आम्हाला वाटते की सीबीआयने या प्रकरणाची सखोल चौकशी करावी, जेणेकरून कोणतेही सत्य लपून राहता कामा नये.

विपुल सूर्यवंशी यांनी असेही सांगितले की, सोनम आणि राज कुशवाहा यांचे व्यावसायिक संबंध होते, परंतु हत्येमागील नेमका हेतू अद्याप स्पष्ट झालेला नाही.

ते म्हणाले, "सोनम आणि राजाचे लग्न फक्त 12 दिवसांपूर्वी झाले होते. दोघेही आनंदी होते. जर सोनमने हत्येचा कट रचला असेल तर त्यामागील कारण आणि सत्य समोर आले पाहिजे, अशी मागणी देखील त्यांनी केली.

विपुल रघुवंशी म्हणाले- "मी दोघांना कधीही भांडताना पाहिले नाही"

राजा रघुवंशी यांचे भाऊ विपुल रघुवंशी यांनी इंदूरमध्ये माध्यमांशी बोलताना सांगितले की, "मी सोनमचा भाऊ गोविंद यांच्याशी पहाटे 2 वाजता बोललो. त्यांनी मला सांगितले की सोनम उत्तर प्रदेशातील गाजीपूर येथील एका ढाब्यावर सापडली आहे.

आम्ही यूपी पोलिसांशी संपर्क साधला तेव्हा त्यांनी आम्हाला सांगितले की सोनमला ताब्यात घेण्यात आले आहे. पण तिने आत्मसमर्पण केले असे म्हणणे चुकीचे आहे. जोपर्यंत सोनम स्वतः कबूल करत नाही तोपर्यंत आम्ही सोनम या हत्येतील आरोपी आहे यावर विश्वास ठेवणार नाही.

विपुलने आधी म्हटले होते की, राजा आणि सोनम त्यांच्या लग्नात आनंदी होते. मी दोघांना कधीही भांडताना पाहिले नाही. दोघांमध्ये कोणताही भांडण किंवा तणाव नव्हता.

मेघालय पोलिस वारंवार दावा करत आहेत की ते या प्रकरण 247 वर काम करत आहेत, परंतु जेव्हा आम्ही पूर्व खासी हिल्सचे एसपी विवेक सिम यांना फोन करतो तेव्हा ते आमचा फोन उचलत नाहीत.

आम्हाला पोस्टमॉर्टम रिपोर्टही देण्यात आला नाही. सोनम गाजीपूरला कशी पोहोचली हे आम्हाला माहित नाही. मध्य प्रदेश पोलिस आणि सीबीआयने या प्रकरणाची चौकशी करावी अशी आमची इच्छा आणि प्रांजळ मागणी देखील आहे.

सोनमने पती राजा रघुवंशीची हत्या का केली? पोलिसांचा काय आहे दावा

मेघालय पोलिस डीजीपी आय. नोंगरांग यांनी 9 जून 2025 रोजी पत्रकार परिषदेत दावा केला होता की, सोनम रघुवंशीने तिचा पती राजाला मारण्यासाठी एका कॉन्ट्रॅक्ट किलरला कामावर ठेवले होते.

पोलिस सूत्रांनुसार, सोनमचे उत्तर प्रदेशातील ललितपूर येथील तरुण राज कुशवाहासोबत प्रेमसंबंध होते आणि तो या कटात सहभागी होता. पोलिसांनी सोनमसह चार जणांना अटक केली आहे, ज्यात इंदूरचे दोघे आणि ललितपूरचे एक जण आहेत.

डीजीपी म्हणाले, "सोनमने चौकशीदरम्यान हत्येच्या कटाची कबुली दिली आहे." २३ मे रोजी वेइसावडोंग धबधब्याजवळ ही हत्या करण्यात आली होती आणि २ जून रोजी राजाचा मृतदेह एका खंदकातून सापडला होता." पोलिसांच्या माहितीनुसार, हत्येनंतर सोनम मेघालय सोडून उत्तर प्रदेशात लपली. ८ जूनच्या रात्री ती गाझीपूरच्या नंदगंज भागातील एका ढाब्यावर अस्वस्थ अवस्थेत आढळली, जिथे तिने तिचा भाऊ गोविंदला फोन केला. गाजीपूर पोलिसांनी तिला ताब्यात घेतले आणि मेघालय पोलिसांच्या स्वाधीन करण्याची प्रक्रिया सुरू केली.

खूनाचा हेतू, प्रेमसंबंध की आणखी काही?

मेघालय पोलिसांनी सोनमच्या कथित प्रेमसंबंधाला हत्येचे कारण म्हणून उद्धृत केले आहे. पोलिस सूत्रांनुसार, सोनमचे राज कुशवाह नावाच्या पुरुषाशी प्रेमसंबंध होते आणि ती राजापासून सुटका करू इच्छित होती. काही मानसोपचारतज्ज्ञांच्या हवाल्याने मीडिया रिपोर्ट्समध्ये असे म्हटले आहे की प्रेमसंबंध, मत्सर किंवा वैवाहिक तणाव ही अशा गुन्ह्यांची कारणे असू शकतात.

तथापि, पोलिसांनी अद्याप कराराचे पैसे, कट रचण्याची योजना आणि इतर तपशील स्पष्ट केलेले नाहीत. सोनमचे वडील देवी सिंह यांनी हे आरोप फेटाळले आहेत. "माझी मुलगी निर्दोष आहे. ती हे करू शकत नाही. मेघालय पोलिस खोटे बोलत आहेत." सोनम स्वतः गाझीपूरला पोहोचली आणि तिच्या भावाला फोन केला. तिला मेघालयात अटक करण्यात आली नाही." देवी सिंह यांनीही सीबीआय चौकशीची मागणी केली आणि सांगितले की मेघालय पोलिस आणि स्थानिक प्रशासन सुरुवातीपासूनच निष्काळजी होते.