New Year Celebration : थर्टी फस्टचं हँगओव्हर कसं उतरवायचंय? करा हे सोपे उपाय...

New Year Celebration : वर्ष संपत आलंय आणि सर्वानाच चाहूल लागलीय ती 31 st च्या सिलिब्रेशनची... यासाठी हॉटेल बुकिंग सुरु झालंय आणि काहीजण तर अगोदरच घरातून बाहेरपण पडले आहेत. गोवा, लोणावळा,मालवण,महाबळेश्वर हि ठिकाणं तर गर्दीने तुडुंब भरलीय तर काहींचा मस्त घरात बसून सेलिब्रेशनचा प्लॅन असेल.

यावर्षी 31 st ला दारूचे दुकानं मध्यरात्रीनंतरही सुरूच असणार आहे. त्यामुळे यावर्षी 31 st ला पार्टी करणाऱ्यांची मज्जा असणारे पण दुसऱ्या दिवशी जो हँगओव्हर होणार त्याचं काय? त्याचीही व्यवस्था करावीच लागेल उगाच नंतर प्रॉब्लेम नको तर मंडळी यावर्षी हँगओव्हर होणार नाही याची काळजी घेऊयात आणि त्यासाठी काय करायचं जाणून घेऊयात सविस्तर...

अल्कोहोल शरीरामध्ये गेल्यानंतर काही तास आपण नशेमध्ये असतो. रात्री घेतलेल्या ड्रिंक्सची नशा उतरल्यानंतर सकाळी प्रचंड त्रासाला सामोरे जावे लागते. यालाच हँगओव्हर' असे म्हटले जाते. प्रत्येक ड्रिंक करणार्‍या व्यक्तींने आयुष्यामध्ये एकदातरी हँगओव्हरचा अनुभव घेतला असेलच! मद्यपान केल्यावर काही कालावधीनंतर डोकेदुखी, अंगदुखी, मळमळ किंवा उलट्या होणे यालाच हँगओव्हर समजले जाते.

हेही वाचा : Bank Holidays In January 2025 : काम ताबडतोब पूर्ण करा, बँका जानेवारीमध्ये 15 दिवस बंद राहणार!

रात्री अल्कोहोलयुक्त पेय प्यायल्यानंतर सकाळी डोक आणि पोट दुखायला लागते. सकाळी शरीरामध्ये त्राण राहत नाही. ड्रिंक्स घेतल्यामुळे शरीरावर निगेटिव्ह इफेक्ट होतो.पहिल्यांदा ड्रिंक करणार्‍या व्यक्तीची देवदास' चित्रपटातील शाहरुख खानच्या देवदास' या पात्रासारखी अवस्था होते. हँगओव्हरमुळे संपूर्ण दिवसही खराब होऊ शकतो.ड्रिंक्स करणार्‍या व्यक्तींना हँगओव्हरची सवय असते. प्रत्येक व्यक्ती हँगओव्हरचा सामना करण्यासाठी विशिष्ट ट्रिकचा वापर करत असते. इंटरनेटवर या समस्येवर बरेचसे पर्याय उपलब्ध आहेत.

हेही वाचा : Maharashtra Weather : नवीन वर्षात थंडीचा जोर! कसा राहणार गारठा अन् आजचे हवामान सविस्तर जाणून घ्या

अल्कोहोलच्या सेवनामुळे बाॅडीमधील बायोलाॅजिकल रिदममध्ये बिघाड होतो. शरीरामध्ये झालेला बदल पचवून स्थिती पूर्व पदावर आणण्याकरिता जी प्रक्रिया घडते, या प्रक्रियेचा हँगओव्हर रिझल्ट आहे असे आपण म्हणू शकतो.एका रिसर्चनुसार, दारु जेव्हा आपल्या शरीरामध्ये जाते. त्यावेळी अंतर्गत भागांमध्ये अल्कोहोलला डिस्टिल्ड केले जात असते. या प्रोसेसमुळे तयार होणार्‍या अनावश्यक घाणीमुळे आपल्याला अस्वस्थतेचा अनुभव येतो.तुम्ही सेवन करत असलेले अल्कोहोल ड्रिंक गोड असल्यास त्यामध्ये अशुद्धतेचे प्रमाण जास्त असू शकते असा अंदाज लावला जातो. माल्ट लिकर आणि रेड वाइन ही मद्यपेये टाॅक्सिक असतात असे मानले जाते.

हेही वाचा : तुमच्या हृदयाच्या सर्वात जवळच्या व्यक्तीला नवीन वर्षाच्या शुभेच्छा पाठवा! GF, Bfसाठी खास मेसेजे वाचा

खूप लोकांना हॅंगोव्हरमध्ये डोकेदुखीचा त्रास होतो हँगओव्हर दरम्यान होणार्‍या डोकेदुखीचे खरे कारण डिहायड्रेशन आहे. अल्कोहोल सेवन केल्यानंतर सतत टाॅयलेटला जायची इच्छा होते.टाॅयलेटला गेल्यामुळे मूत्राद्वारे अधिक प्रमाणामध्ये शरीरातील पाणी बाहेर पडते. परिणामी बाॅडीमध्ये पाण्याचे प्रमाण कमी होते. पुढे रक्तातील शुगर लेवल खालावते. मद्यपान करणे थांबवल्यामुळे आपले शरीर सद्यस्थितीवर कंट्रोल करायचा प्रयत्न करते.या परिस्थितीमध्ये शरीरामध्ये आवश्यक प्रमाणामध्ये पाणी न गेल्यास डोके दुखीचा त्रास सुरु होत जातो.

मद्यपान केल्यानंतर हँगओव्हरचा परिणाम लवकर संपावा म्हणून काही घरगुती टिप्सचा वापर करता येतो. या टिप्समुळे डोकेदुखी, अस्वस्थता आणि अंगदुखी अशा हँगओव्हरच्या लक्षणांपासून स्वतःचा बचाव करता येतो

मद्यपान करुन झाल्यावर खूप पाणी पिणे आवश्यक आहे. अल्कोहोल सेवनानंतर पाण्याचे सेवन केल्यामुळे हँगओव्हरचा प्रभाव कमी होतो.दारु प्यायल्यामुळे सतत टाॅयलेटला जायची इच्छा होते.

मुत्रावाटे शरीरातील पाण्याचे विसर्जन होत असते. सतत टाॅयलेटला गेल्यामुळे बाॅडीमध्ये पाण्याचे प्रमाण संतुलित राहत न राहिल्यामुळे डोकेदुखी वाढते. परिणामी हँगओव्हरचा सामना करावा लागू शकतो.ड्रिंक्स घेतल्यानंतर पाणी प्यायल्यामुळे डिहायड्रेशनची समस्या नाहीशी होते. त्याचसोबत मूत्रामधून शरीरातील अनावश्यक टाॅक्सिक द्रव्य देखील बाहेत पडतात.

हेही वाचा : Year Ender 2024: या वर्षी एकदिवसीय क्रिकेटमध्ये या खेळाडूंचा राहिला जलवा, टॉप 5 गोलंदाज

मद्यपानाचा कार्यक्रम संपला की, खूप पाणी प्यावे. पाण्यामुळे शरीर हायड्रेटेड राहते. नाॅर्मल पाण्याच्या जागी इलेक्ट्रोलाइट्सनी परिपूर्ण असलेल्या पेयाचे सेवन करणे अधिक फायदेशीर ठरु शकते.कोणत्याही प्रकारचे स्पोर्ट्स ड्रिंक्स किंवा नारळ पाणी अशा पेयांमध्ये इलेक्ट्रोलाइट्स मुबलक प्रमाणामध्ये आढळले जातात. नारळ पाणी सहज उपलब्ध होत असल्यामुळे मद्यपान केल्यानंतर नारळ पाण्याचे सेवन करणे सुयोग्य मानले जाते.अल्कोहोल सेवनानंतर या पेयांमुळे बाॅडीमध्ये मीठ आणि पोटॅशियमची लेवल वाढते. नारळाच्या पाण्यामुळे आपल्या शरीराला इतर फायदेही होतात.

ड्रिंक्स घेण्यापूर्वी सुरुवातीलाच तेलकट खाद्यपदार्थ खावेत. ऑईली फूड खाल्यामुळे हँगओव्हरवर परिणाम होतो असे म्हटले जाते.आपल्या देशामध्ये फार पूर्वीपासून मद्यपान प्रचलित आहे. मद्यपानापूर्वी लोणचे खाण्याची पद्धत आपल्याकडे अस्तित्वामध्ये होती.हँगओव्हरचा सामना करण्यासाठी हा सर्वात जुना पर्याय मानला जातो. सध्या पिकलच्या जागी तुम्ही तेलकट खाद्यपदार्थांचा वापर करु शकता.

हेही वाचा : मद्य धोरणाशी संबंधित सीबीआय प्रकरणात केजरीवाल यांना जामीन, 177 दिवसांनी येणार तुुरुंगातून बाहेर!

पिझ्झा, फ्राइज यासारख्या फास्ट फूटमध्ये तेलाचे प्रमाण अधिक असते. लोणच्याप्रमाणे या पदार्थांचे सेवन देखील समान रिझल्ट मिळतात. हे पदार्थ पोटामध्ये गेल्यानंतर आतड्यांमध्ये चिकटले जातात किंवा त्याच्या तेलकटपणामुळे मद्य आतड्यांपर्यंत पोहचण्याच्या प्रक्रियेमध्ये अडथळा निर्माण होतो.बाॅडीमध्ये अल्कोहोल मिक्स व्हायला वेळ लागल्यामुळे हँगओव्हरचा प्रभाव कमी होतो.

मद्यपान करताना स्विट्स खाल्यामुळे हँगओव्हर कमी होऊ शकतो. परंतु दारु पिताना गोड खाणे काही अंशी विचित्र वाटू शकते.गोड खाद्यपदार्थांमधील फ्रॅक्टोजमुळे शरीरामध्ये अल्कोहोल पचायला मदत होते, असे संशोधनातून सिद्ध झाले आहे.

अल्कोहोल बाॅडीमध्ये वेगाने डायजेस्ट झाल्यामुळे हँगओव्हरचा त्रास कमी होऊ शकतो.गोड पदार्थ ड्रिंक्स घेताना खाणे आवश्यक आहे. ड्रिंक्स घेण्यापूर्वी स्विट्स खाल्यामुळे फ्रॅक्टोज वेगाने डायजेस्ट होऊ शकतात. त्यामुळे अल्कोहोलच्या पचनक्रियेचा वेग कमी होऊ शकतो.

तुम्ही याऐवजी गोड पेयदेखील पिऊ शकता.परिणामी नेहमी मद्यपान करत असतानाच गोड खावे किंवा पेय प्यावे. काॅकटेल सोबत संत्र्यापासून तयार केलेला ज्यूस पिणे हा एक चांगला पर्याय ठरु शकतो.

हँगओव्हर टाळण्यासाठी सकाळी उठल्या-उठल्या लगेच तगडा ब्रेकफास्ट करावा.मद्यपानामुळे शरीरामध्ये इलेक्ट्रोलाइट्सची कमतरता भासते. ब्रेकफास्ट केल्यामुळे इलेक्ट्रोलाइट्स लेवल नाॅर्मल होते. त्यासह बाॅडीमध्ये कॅलरीज देखील जातात.

हेही वाचा : Pune News: पुण्यात भीषण अपघात, मद्यधुंद कारचालकाने फूटपाथवर झोपलेल्या 9 जणांना चिरडले, 3 ठार

आधी सांगितलेल्या मुद्यांमध्ये ऑईली फूडचा उल्लेख केला होता. हँगओव्हर टाळण्यासाठी ड्रिंक्स घेण्यापूर्वी ऑईली फूड खाणे फायदेशीर असते. परंतु ड्रिंक्स घेतल्यानंतर हँगओव्हरचा प्रभाव कमी करण्यासाठी सहज पचतील अशा पदार्थांचे सेवन करावे.टोस्ट, ओट्स यासारखे पदार्थ ब्रेकफास्टमध्ये खाल्यामुळे हँगओव्हर कमी होतो. काहीजण जळालेले टोस्ट खाण्याचा सल्ला देतात.

ब्रेड करपल्यामुळे तयार झालेला काळा टोस्ट शरीरामध्ये कार्बन फिल्टरप्रमाणे पाणी स्वच्छ करतो असा तर्क लावला जातो. या विधानाबाबत पुराव्याची उपलब्धता नसल्यामुळे हे मिथ आहे असे मानले जाते.

फार पूर्वीपासून आल्याचा वापर उलट्या आणि मळमळ थांबवण्यासाठी केला जात असल्याचा संदर्भ आढळतो. प्रत्यक्ष आल्याच्या जागी आल्याचा चहा किंवा आलेपाक अशा पर्यायाचा वापर आपल्याकडे केला जातो.ड्रिंक्स घेण्यापूर्वी आलेपाक तोंडामध्ये टाकून चघळल्यामुळे हँगओव्हरचा इफेक्ट कमी होऊ शकतो.

नॅशनल इंस्टिट्यूट ऑफ हेल्थ या संस्थेच्या अहवालानुसार, मद्यपान करण्यापूर्वी आले, साखर यांच्या मिश्रणाचे सेवन केल्यामुळे हँगओव्हर दरम्यान होणार्‍या उलटयांचे प्रमाण कमी होते, असे प्राथमिक संशोधनामध्ये आढळून आले. उलट्यांंसोबत अस्वस्थता देखील कमी होते.

हँगओव्हरपासून वाचण्यासाठी हा सर्वात सोपा उपाय आहे. रात्री ड्रिंक्स घेतल्यानंतर सकाळी झोपेतून उठल्यावर स्वतःवर कंट्रोल करता येत नसल्याचा अनुभव आल्यास पुन्हा झोपणे हा परफेक्ट ऑप्शन मानला जातो.हँगओव्हर होण्यामागे झोप पूर्ण न होणे हे कारण नसले, तरीही झोप पूर्ण न झाल्यामुळे हँगओव्हरचे प्रमाण वाढून परिस्थिती हाताबाहेर जाऊ शकते.

अल्कोहोलयुक्त पेय घेतल्यानंतर झोप पूर्ण होईपर्यत झोपून राहणे शरीरासाठी फायदेशीर असते. व्यक्ती झोपलेली असताना त्याच्या शरीरामध्ये अल्कोहोलचा प्रभाव कमी करण्याची प्रक्रिया सुरु असते. बाॅडी आपोआप हील होत असते. पुढे झोप पूर्ण होऊन उठल्यानंतर सतत पाणी पिणे आवश्यक आहे.