Maharashtra Weather : नवीन वर्षात थंडीचा जोर! कसा राहणार गारठा अन् आजचे हवामान सविस्तर जाणून घ्या

Maharashtra Weather Update : राज्यात ढगाळ वातावरण, काही भागात अवकाळी आणि पावसाने हजेरी लावली तर थंडीचा जोर कमी झाला होता. आता पुन्हा चार ते पाच दिवस तापमानात घट होणार असून गारठ्यात वाढ होणार आहे. नव्या वर्षात थंडी जोर धरणार असल्याचा अंदाज हवामान विभागाने वर्तवला आहे.

काय आहे महाराष्ट्रातील हवामानाचा अंदाज

आज दिवसा आणि रात्री तापमानात हळूहळू घसरण होणार आहे. कोकण, मध्य महाराष्ट्र, मराठवाड्यात तापमान दोन ते चार अंशांनी घसरणार आहे. येत्या चार दिवसांत थंडी जाणवणार असून विदर्भात कमाल तापमानात मात्र फारसा परिणाम जाणवणार नाही.

राज्यात आज तुरळक ठिकाणी ढगाळ वातावरण

मध्य महाराष्ट्रात कमाल तापमानात एक ते दोन अंशांची वाढ होणार तर किमान तापमानात दोन ते चार अंशाची घट होणार आहे तसेच नवीन वर्षात महाराष्ट्रात काळात हवामान कोरडे राहील. राज्यात आज तुरळक ठिकाणी ढगाळ वातावरण राहील.

हेही वाचा : महाराष्ट्रात आज कुठे पाऊस पडणार! या जिल्ह्यांत हवामान विभागाचा रेड, ऑरेंज अलर्ट, वाचा ताजे अपडेट्स

उत्तर भारतातील आजचे हवामान

• उत्तर भारतात कडाक्याची थंडी पडणार आहे.
• दिल्लीपासून राजस्थानपर्यंत पारा 3 ते 4 अंशांनी घसरण्याची शक्यता आहे.
• भारतीय हवामान खात्याने (IMD) उत्तर भारतात थंडीची लाट आणि धुक्याबाबत अलर्ट जारी केला आहे.
• दिल्ली-एनसीआरसह उत्तर-पश्चिम आणि मध्य भारतातील काही भागांमध्ये पुढील काही दिवसांत तापमानात मोठी घसरण होईल.
• अनेक भागात पारा 3 ते 5 अंश सेल्सिअसने घसरण्याची शक्यता आहे.
• IMD ने 30 डिसेंबरपर्यंत जम्मू आणि काश्मीर, हिमाचल आणि इतर पहाडी राज्यांमध्ये काही ठिकाणी हलका पाऊस आणि हिमवर्षाव होण्याची शक्यता वर्तवली आहे.
• दिल्ली, पंजाब-हरियाणामध्ये दाट धुके, येत्या दोन दिवसांत दिल्ली, पंजाब आणि हरियाणामध्ये दाट ते दाट धुके दिसणार आहे.
• पुढील पाच दिवसांत उत्तर प्रदेशात किमान तापमान चार ते सहा अंश सेल्सिअसने घसरण्याची शक्यता.
• पंजाब, हरियाणा-चंडीगढ-दिल्ली आणि राजस्थानमध्ये पुढील तीन दिवसांत 3-4 अंश सेल्सिअसची घसरण होऊ शकते. मात्र, त्यानंतर कोणताही मोठा बदल होणार नाही.
• भारतीय हवामानशास्त्र विभाग (IMD) नुसार, 30 डिसेंबर 2024 रोजी दिल्लीतील तापमान 18.7 डिग्री सेल्सियस नोंदवले गेले.
• IMD च्या अंदाजानुसार, किमान तापमान 11.05 अंश सेल्सिअस आणि कमाल तापमान 21.07 अंश सेल्सिअस राहण्याचा अंदाज आहे.
• आर्द्रता पातळी सुमारे 25% अपेक्षित आहे. मंगळवार, 31 डिसेंबर 2024 रोजी, वर्षाच्या शेवटच्या दिवशी, दिल्लीत किमान तापमान 13.66 °C आणि कमाल 21.52 °C राहण्याची अपेक्षा आहे. दिल्लीत आज हवामान स्वच्छ राहील.

हेही वाचा : Maharashtra Weather : थंडी होतेय कमी! आता राज्यात अवकाळीची शक्यता! वाचा इतर ठिकाणचा हवामानाचा अंदाज