महाराष्ट्रात आज कुठे पाऊस पडणार! या जिल्ह्यांत हवामान विभागाचा रेड, ऑरेंज अलर्ट, वाचा ताजे अपडेट्स

maharashtra weather : राज्यात गत दोन दिवसांत चांगला पाऊस झाला असून आजही पावसाची शक्यता आहे. आज हवामान विभागाने मुंबई, ठाणे, पालघरमध्ये मुसळधार पावसासाठी ऑरेंज अलर्ट जारी केला असून नागरिकांना सावध राहण्याचा सल्लाही दिला आहे.

रायगडसाठी रेड अलर्ट

भारतीय हवामानशास्त्र विभागाने (IMD) मुंबई आणि त्याच्या शेजारील जिल्ह्यांमध्ये मोठ्या पावसाचा अंदाज वर्तवला आहे. 24 ऑगस्टपासून मुंबई, ठाणे, पालघर, रायगड आणि रत्नागिरीसाठी ऑरेंज अलर्ट जारी करण्यात आला आहे. हा इशारा पुढील चार ते पाच दिवसांत मुसळधार ते अति मुसळधार पावसाचा इशारा आहे.

..म्हणून मोठ्या पावसाची शक्यता

उत्तर पश्चिम बंगाल आणि ईशान्य झारखंड आणि महाराष्ट्राजवळील पूर्व-मध्य अरबी समुद्रावर कमी दाबाच्या प्रणालीमुळे पुढील ४८ तासांत संपूर्ण महाराष्ट्रात मोठ्या प्रमाणात पाऊस पडण्याची शक्यता आहे. "भारतीय हवामान खात्याने येत्या ३-४ तासांत मुंबई शहर आणि उपनगरातील काही भागात मुसळधार पावसाचा अंदाज वर्तवला आहे.

नागरिकांना दक्षतेचा इशारा

हवामान विभागाने पावसाच्या धर्तीवर नागरिकांना सावध राहण्याचा सल्ला देण्यात आला आहे," असे राष्ट्रीय आपत्ती व्यवस्थापन प्राधिकरणाने (NDMA) शनिवारी सकाळी एसएमएस अलर्टमध्ये म्हटले आहे.

रेड अलर्ट - रायगड जिल्ह्यासाठी पावसाचा रेड अलर्ट देण्यात आला आहे.

ऑरेंज अलर्ट - मुंबई आणि कोकण प्रदेशांव्यतिरिक्त, IMD ने पश्चिम महाराष्ट्रातील पुणे आणि सातारा जिल्ह्यांसाठी देखील ऑरेंज अलर्ट जारी केला आहे.

विदर्भातील अमरावती, भंडारा, चंद्रपूर आणि गोंदिया या जिल्ह्यांमध्येही सतर्कतेचा इशारा देण्यात आला होता. तर ऑरेंज अलर्टदरम्यान 24 तासांच्या आत 64.5 मिमी पेक्षा जास्त पाऊस पडतो, ज्यामुळे आज जर पाऊस पडला तर दैनंदिन कामकाजात व्यत्यय येऊन सखल भागात पूर येऊ शकतो असाही अंदाज आहे.

येथे येलो अलर्ट - दरम्यान, पश्चिम महाराष्ट्र आणि मराठवाड्यातील काही जिल्ह्यांना वगळून अनेक जिल्ह्यांना यलो अलर्ट जाहीर करण्यात आला आहे. या चेतावणीमुळे शनिवारी 30-40 किमी प्रतितास वेगाने वादळी वाऱ्यासह विजांच्या कडकडाटासह आणि हलक्या ते मध्यम पावसाचा अंदाज आहे.

मुंबई शहर आणि उपनगरांसाठी स्थानिक अंदाज

शहर आणि उपनगरात मुसळधार ते अति मुसळधार पावसाच्या शक्यतेसह सामान्यतः ढगाळ आकाश. अधूनमधून 30-40 किमी ताशी वेगाने वारे वाहण्याची शक्यता आहे कमाल आणि किमान तापमान अनुक्रमे 30°C आणि 25°C च्या आसपास असेल.

25 Aug,12.15 night satellite obs indicate the long variable density cloud bands spread over Maharashtra & adj Arabian sea.Thickness looks reduced little now.But inflow of moisture from AS likely to cont & hence watch needed.
At present mod & intermittent heavy possibility. pic.twitter.com/F4YC8oUEOk

— K S Hosalikar (@Hosalikar_KS) August 24, 2024

हवामान विभागाचा अंदाज

(25 ऑगस्ट, 12.15 pm) उपग्रह निरीक्षणे दर्शवितात की महाराष्ट्र आणि अरबी समुद्रावर परिवर्तनीय घनतेचे लांब ढग आहेत. आता जाडी थोडी कमी झाली आहे. परंतु सध्या तुरळक आणि मध्यम स्वरूपाच्या मुसळधार पावसाची शक्यता आहे.