Mahashivratri 2026 : महाशिवरात्रीला शिवलीला अमृताच्या 11 व्या अध्यायाचे वाचन का करावे? वाचा वैशिष्ट

Mahashivratri special-shivlilamrut adhyay 11 marathi : "महाशिवरात्रीचा उपवास आणि शिवाची आराधना म्हणजे केवळ देहदंड नाही, तर मनाला आध्यात्मिक शांती देणारा एक उत्सव आहे. महाराष्ट्रात या दिवशी घराघरातून एकच आवाज ऐकू येतो, तो म्हणजे 'श्री शिवलीलामृत' पोथीचे वाचन. विशेषतः या पोथीतील 'अकरावा अध्याय' वाचल्याशिवाय शिवभक्ताची महाशिवरात्री पूर्ण होत नाही. पण या एकाच अध्यायात असे काय दडले आहे की, ज्यामुळे साक्षात ब्रह्मराक्षसाचाही उद्धार झाला? दरिद्रता दूर करण्यासाठी आणि संकटातून मार्ग काढण्यासाठी या अध्यायाचे पठण नक्की कसे करावे? जाणून घेऊया या पवित्र अध्यायाचे रहस्य..."

॥ श्री शिवलीलामृत - अध्याय अकरावा ॥

प्रारंभ:

श्रीगणेशाय नमः ॥ श्रीसरस्वत्यै नमः ॥ श्रीगुरुभ्यो नमः ॥ श्रीकुलदेवतायै नमः ॥ श्रीशिवार्पणमस्तु ॥

(अध्यायाची सुरुवात भगवान शंकराच्या स्तुतीने होते)

मुख्य कथा सारांश:

या अध्यायात 'वामदेव' नावाच्या ऋषींची आणि एका ब्रह्मराक्षसाची कथा आहे. वामदेव ऋषी एकदा अरण्यातून जात असताना त्यांना एक भयानक ब्रह्मराक्षस भेटतो. तो राक्षस त्यांना खाण्यासाठी धावून येतो. परंतु, वामदेव ऋषींनी आपल्या अंगाला लावलेली 'भस्म' (राख) आणि त्यांच्या तोंडी असलेले 'शिवनाम' यामुळे त्या राक्षसाचे हृदय परिवर्तन होते.

वामदेव ऋषी त्या राक्षसाला त्याच्या पूर्वजन्माची पापं सांगतात आणि त्याला मुक्तीचा मार्ग दाखवतात. ऋषींनी आपल्या अंगावरील भस्म त्या राक्षसाला लावताच, त्याचे राक्षसत्व नष्ट होते आणि त्याला दिव्य देह प्राप्त होऊन तो शिवलोकाला जातो.

अध्यायातील महत्त्वाची शिकवण

• १. भस्माचे महत्त्व: या अध्यायात शंकराच्या विभूतीचे (भस्माचे) सामर्थ्य सांगितले आहे.
• २. रुद्राक्षाचे महत्त्व: रुद्राक्ष धारण केल्याने काय फळ मिळते, याचे वर्णन यात येते.
• ३. पंचाक्षरी मंत्र: 'ॐ नमः शिवाय' या मंत्राचा महिमा या अध्यायात अधोरेखित केला आहे.

अध्यायाची फलश्रुती काय?

अध्यायाच्या शेवटी या वाचनाचे महत्त्व सांगताना श्रीधर स्वामी लिहितात..

अकरावा अध्याय जो नित्य पठे ॥ त्याचे दारिद्र्य समूळ तुटे ॥आधि व्याधि दुःख फिटे ॥ शिवलोकी वस्ती होय ॥१॥

ज्यासी पुत्र नाहती संतान ॥ त्याणे अकरावा करावा पठण ॥होईल तयासी पुत्ररत्न ॥ जो सर्वगुणसंपन्न पै ॥२॥

फायदे..

पौराणिक समजानुसार, दारिद्र्य निर्मूलन: ज्यांच्या घरात दरिद्रता आहे, त्यांनी हा अध्याय नित्य वाचल्यास आर्थिक अडचणी दूर होतात. शारीरिक व्याधी आणि मानसिक त्रासातून मुक्तता मिळते असा समज आहे, या अध्यायाच्या पठणाने मृत्यूचे भय नष्ट होते असे म्हटले जाते.

वाचनाचे नियम (महाशिवरात्रीसाठी)

• १. महाशिवरात्रीला शक्यतो अंघोळ करून, स्वच्छ कपडे घालून शंकराच्या फोटोसमोर किंवा पिंडीसमोर बसून वाचन करावे.
• २. वाचन पूर्ण झाल्यावर शंकराची आरती करावी.
• ३. जर पूर्ण अध्याय वाचणे शक्य नसेल, तर तो श्रद्धेने ऐकला तरी चालतो.

(डिस्क्लेमर: "या लेखात दिलेली माहिती धार्मिक मान्यता आणि उपलब्ध ग्रंथांच्या आधारावर दिली आहे. यातील माहितीची सत्यता किंवा फळप्राप्तीचा दावा 'Oneindia' करत नाही. कोणताही धार्मिक विधी किंवा पठण करण्यापूर्वी संबंधित क्षेत्रातील तज्ज्ञ किंवा जाणकारांचा सल्ला घेणे इष्ट ठरेल. ही माहिती केवळ वाचकांच्या माहितीसाठी आणि आध्यात्मिक जिज्ञासेसाठी प्रसिद्ध करण्यात आली आहे.")