Jammu and Kashmir Assembly Election 2024 : जम्मू-काश्मीरच्या बरबादीला 3 घराणी जबाबदार! - PM मोदी

Jammu and Kashmir Assembly Election 2024 : जम्मू-काश्मीरमधील 24 विधानसभेच्या जागांवर मतदान झाल्यानंतर एका दिवसानंतर पंतप्रधान नरेंद्र मोदी एका सभेला संबोधित करण्यासाठी श्रीनगरमध्ये दाखल झाले. यावेळी त्यांनी राज्याचा विकास, सुरक्षा आणि लोकशाहीचे महत्त्व यावर भाष्य केले.

सभेत मोठ्या संख्येने लोकांची उपस्थिती पाहून पीएम मोदी म्हणाले की आज तुम्ही इतक्या मोठ्या संख्येने आला आहात. तरुणांचा हा उत्साह, ज्येष्ठांच्या डोळ्यात शांततेचा संदेश आणि माता-भगिनींचा सहभाग हेच नवे काश्मीर असल्याचे दाखवून देते.

काँग्रेस, एनसी आणि पीडीपीवर हल्ला करताना पंतप्रधान म्हणाले की, काही दिवसांपूर्वी मी जम्मू-काश्मीरच्या विनाशाला तीन कुटुंबे जबाबदार असल्याचे सांगितले होते. तेव्हापासून दिल्लीपासून जम्मू-काश्मीरपर्यंत हे लोक दहशतीत आहेत. या तिन्ही कुटुंबांना असे वाटते की त्यांच्यावर कोणी प्रश्न कसे उपस्थित करू शकते... त्यांनी जम्मू-काश्मीरला फक्त भीती आणि अराजकता दिली आहे. पण आता जम्मू-काश्मीर या तिन्ही राजघराण्यांच्या ताब्यात राहणार नाही.

जम्मू-काश्मीरमध्ये तीन टप्प्यात मतदान होणार

जम्मू-काश्मीरमध्ये 90 सदस्यीय विधानसभेसाठी तीन टप्प्यात मतदान होत असल्याचे पंतप्रधान मोदी म्हणाले. पहिला टप्पा 18 सप्टेंबरला संपला, तर इतर दोन टप्पे 25 सप्टेंबर आणि 1 ऑक्टोबरला होतील. 8 ऑक्टोबर रोजी मतमोजणी होणार आहे. एवढ्या मोठ्या प्रमाणावर लोक दहशतीच्या सावलीशिवाय मतदानासाठी बाहेर पडले याचा त्यांनी अभिमान व्यक्त केला.

काश्मिरी पंडितांच्या भूमिकेचे केले कौतुक

काश्मिरियत जपण्यात काश्मिरी पंडितांच्या महत्त्वाच्या भूमिकेचा पंतप्रधानांनी उल्लेख केला. तीन राजघराण्यांच्या राजकारणावर निशाणा साधत ते म्हणाले की त्यांच्या स्वार्थी राजकारणामुळे काश्मिरी हिंदू आणि शीखांनाही त्यांच्या घरातून बेघर केले गेले. "येथील काश्मिरी हिंदू आणि शीखांवर झालेल्या अत्याचारात ही तीन कुटुंबे सहभागी आहेत.

लाल चौकाचे बदलले चित्र

पीएम मोदींनी श्रीनगरमधील लाल चौकातील परिस्थितीबद्दलही बोलले, जिथे पूर्वी तिरंगा फडकवणे धोकादायक मानले जात होते. पण, आता परिस्थिती बदलली आहे. त्यांनी सांगितले की आता श्रीनगरच्या बाजारपेठा ईद आणि दिवाळी या दोन्ही काळात उत्साहाने भरलेल्या असतात आणि रात्री उशिरापर्यंत गर्दी असते. लाल चौकातील गर्दी आणि पर्यटनाची वाढती संख्या हे जम्मू-काश्मीरमधील बदलाचे प्रतीक आहे.

मुलांच्या शिक्षणाकडे विशेष लक्ष

मुलांच्या शिक्षणावर भर देताना पंतप्रधान मोदी म्हणाले की, 50,000 मुलांचे शाळेत परत येणे सुनिश्चित करण्यात आले आहे. 15,000 शाळांमध्ये पूर्व-प्राथमिक वर्ग सुरू करण्यात आले आहेत, ज्याचा फायदा 1.5 लाखांहून अधिक मुलांना झाला आहे. याशिवाय 250 शाळा पीएम श्री शाळांमध्ये श्रेणीसुधारित केल्या जात आहेत. ते म्हणाले, "आधीच्या तुलनेत आता मुलांच्या हातात पेन, वह्या आणि लॅपटॉप आहेत."

निवडणूक प्रक्रियेत सुधारणा

पंतप्रधान म्हणाले की, पूर्वीप्रमाणेच आता लोकांचा लोकशाहीवरील विश्वास पुन्हा निर्माण झाला आहे. पंचायत, बीडीसी आणि डीडीसी निवडणुकांचा संदर्भ देत ते म्हणाले की, या निवडणुकांमधून नवे नेते उदयास येत आहेत, जे जुन्या घराणेशाहीला आव्हान देत आहेत. तीन घराणेशाहीच्या (काँग्रेस, एनसी आणि पीडीपी) राजकारणावर हल्ला करताना ते म्हणाले की, त्यांच्या विरोधात कोणीही येणार नाही, असे त्यांना वाटत होते, पण आता लोक लोकशाहीचा उत्सव साजरा करत आहेत.

रोजगार आणि विकासाच्या नवीन संधी

जम्मू-काश्मीरमधील तरुणांसाठी रोजगाराच्या नवीन संधी निर्माण करण्याच्या आपल्या संकल्पाचा पंतप्रधानांनी पुनरुच्चार केला. ते म्हणाले की, जम्मू-काश्मीरला दहशतवाद आणि भीतीपासून मुक्त करण्याचे माझे वचन आहे. येथील तरुणांना रोजगाराच्या नवीन संधी उपलब्ध करून देण्यास माझे प्राधान्य आहे.

प्रचंड मतदानामुळे नवा इतिहास

जम्मू-काश्मीरमध्ये मोठ्या संख्येने लोक मतदानासाठी बाहेर आल्याचे पंतप्रधान मोदींनी अभिमानाने सांगितले. किश्तवाडमध्ये 80%, डोडामध्ये 71%, रामबनमध्ये 70% आणि कुलगाममध्ये 62% पेक्षा जास्त मतदान झाले. जम्मू-काश्मीरच्या जनतेने हा नवा इतिहास घडवला असून हा लोकशाहीचा खरा उत्सव असल्याचे ते म्हणाले.

जम्मू-काश्मीरच्या प्रगतीसाठी कटिबद्ध

शेवटी पंतप्रधान म्हणाले की, जम्मू-काश्मीरची जलद प्रगती हे त्यांचे मुख्य उद्दिष्ट आहे. हीच तळमळ आणि प्रगतीचा संदेश घेऊन मी तुमच्यामध्ये आलो आहे, असे ते म्हणाले. मला अभिमान आहे की जम्मू-काश्मीरचे बंधू-भगिनी माझे आनंदाने स्वागत करत आहेत.

English summary

Jammu and Kashmir Assembly Election 2024