Haritalika Vrat kadhi ahe : हरितालिका व्रत कधी आहे, जाणून घ्या शुभ मुहूर्त, विधी सर्व एका क्लिकवर

Haritalika Vrat kadhi ahe : गणेश उत्सवाच्या आदल्या दिवशी हरितालिका व्रत मोठ्या भक्तिभावाने साजरे केले जाते. हरितालिका उपवास करुन भगवान शंकराची आराधना केली जाते. आराध्य गणपतीचे पिता भगवान शंकराचे व्रत खासकरुन महिला करतात, हे व्रत केल्याने पतीला दिर्घायुष्य मिळते, अपेक्षित मनोकामना पुर्ण होतात आणि उपवर मुलींना चांगला पती मिळतो, अशी धारणा आहे.

हरतालिका व्रत अत्यंत कठीण आणि कठोर मानले जाते, कारण ते निर्जला (पाण्याशिवाय) ठेवले जाते. त्याआधी वाळूचा महादेव तयार करुन विशिष्ट पुजा केली जाते. हे व्रत महाराष्ट्रात हिंदू धर्मात घरोघरी केले जाते.

25 कि 26 यंदा किती तारखेला हरितालिका व्रत आहे?

यावर्षी हरतालिका तीजच्या तारखेबद्दल थोडा गोंधळ आहे, कारण तृतीया तिथी 25 आणि 26 ऑगस्ट दोन्ही दिवशी आहे. त्यामुळे हरितालिका व्रत नेमके कधी आहे हे आपण जाणून घेऊया.

हरतालिका व्रताची योग्य तारीख 2025

पंचांगानुसार, भाद्रपद शुक्ल तृतीया तिथी 25 ऑगस्ट रोजी दुपारी 1:54 वाजता सुरू होत आहे आणि 26 ऑगस्ट रोजी दुपारी 1:54 वाजता संपेल. उदयतिथी (सूर्योदयाच्या वेळी असलेली तिथी) वैध मानली जात असल्यामुळे, हरतालिका तीज 26 ऑगस्ट, मंगळवार रोजी साजरी केली जाईल. म्हणजेच, उपवास 26 ऑगस्ट रोजी ठेवला जाईल.

हरतालिका व्रत पूजा शुभ मुहूर्त 2025

सकाळचा शुभ मुहूर्त: 26 ऑगस्ट 2025, सकाळी 5:56 ते सकाळी 8:31 पर्यंत

अभिजीत मुहूर्त: सकाळी 11:57 ते दुपारी 12:48 पर्यंत

पूजेसाठी लागणारे साहित्य

• माती किंवा वाळूने बनवलेली भगवान शिव, माता पार्वती आणि गणपतीची मूर्ती
• कलश, गंगाजल, बेलपत्र, धोत्रा, आकडे फुले
• बांगड्या, टिकली, कुंकू, मेहंदी, चुनरी इत्यादी
• नैवेद्य म्हणून पंचमेवा, फळे, मिठाई
• याशिवाय धूप, दिवा, कापूर, अगरबत्ती, तांदूळ, रोळी आणि हळद, फुले आणि लाल फुलांचा हार, पूजा थाळी

हरतालिका तीज पूजा विधी

• या दिवशी सकाळी लवकर उठून स्नान करा आणि स्वच्छ कपडे घाला.
• व्रताचा संकल्प घ्या.
• माती किंवा वाळूपासून भगवान शिव, माता पार्वती आणि भगवान गणेश यांची मूर्ती तयार करून घरी स्थापित करा.
• पूजास्थळ गंगाजलाने शुद्ध करून फुले आणि आंब्याच्या पानांनी सजवा.
• भगवान शिव-पार्वतीला सुहाग सामग्री अर्पण करून त्यांचे सुंदर शृंगार करा.
• आता फळे, फुले, धूप, दिवे आणि नैवेद्य अर्पण करून पूजा करा.
• शिव-पार्वतीला बेलपत्र, आकडे फुले आणि धोत्रा अर्पण करा.
• तीज व्रताची कथा ऐका आणि रात्रभर जागरण करा.
• दुसऱ्या दिवशी सकाळी उपवास सोडा.

हरितालिका तीजचे महत्त्व

असे मानले जाते की, या दिवशी माता पार्वतीने भगवान शंकरांना पती म्हणून मिळवण्यासाठी कठोर तपश्चर्या केली होती. या दिवशी उपवास केल्याने विवाहित महिलांना अखंड सौभाग्य आणि पतीचे दीर्घायुष्य लाभते, यामुळे हरितालिका व्रत परंपरेनुसार, महिला दरवर्षी नित्यनेमाने आणि कठोरतेने करतात.

(टीप: ही माहिती इंटरनेटवर उपलब्ध असलेल्या श्रद्धा आणि माहितीवर आधारित आहे. कोणत्याही माहितीची अंमलबजावणी करण्यापूर्वी, कृपया जाणकार ज्योतिषी किंवा पंडितांचा सल्ला घ्या.)