Guru Purnima 2025 Kadhi ahe : आज गुरुपौर्णिमा, जाणून घ्या शुभ मुहूर्त, पुजा विधी आणि महत्व

Guru Purnima 2025 Kadhi ahe : गुरू आपल्या जीवनाचा खरा मार्गदर्शक असतो, प्रत्येकजणाला कुणी न् कुणी गुरू असतो. तो आपल्या जीवनाला अर्थपूर्ण करतो, ज्ञान आणि मार्गदर्शन देऊन आपल्याला जगण्याची मुल्यही देतो. अशा गुरूला हिंदू धर्मात देवापेक्षा श्रेष्ठ मानले जाते. संतांनी गुरुचे महत्व काय आहे हे सांगितले आहे. गुरूचे महत्त्व सांगण्यासाठी, दरवर्षी आषाढ महिन्याच्या पौर्णिमेला गुरु पौर्णिमेचा सण साजरा केला जातो. या दिवशी, शिष्य त्यांच्या गुरुंची पूजा करतात, त्यांना श्रद्धापूर्वक भेटवस्तू देतात आणि त्यांच्या आशीर्वादाने जीवनात ज्ञान, यश आणि शांती मिळावी अशी कामना करतात.

गुरु पौर्णिमेचा सण हा गुरुंबद्दल आदर, श्रद्धा आणि कृतज्ञता व्यक्त करण्याचा दिवस आहे. भारतात, प्राचीन काळापासून, "गुरुर्ब्रह्म गुरुर्विष्णु: गुरुर्देवो महेश्वरः..." या मंत्राद्वारे गुरुंना देवाच्या समान मानले गेले आहे. जीवनाच्या प्रत्येक वळणावर, गुरुंचे मार्गदर्शन त्यांना अज्ञानातून ज्ञानाकडे घेऊन जाते, हा दिवस शिष्यांना आठवण करून देतो. चला जाणून घेऊया या वर्षी जुलैमध्ये गुरुपौर्णिमा कधी आहे?

कधी आहे गुरूपौर्णिमा?

• यंदा गुरुपौर्णिमा पंचांगानुसार, १० जुलै २०२५ रोजी दुपारी १:३६ वाजता सुरू होईल आणि ११ जुलै रोजी पहाटे २:०६ वाजता संपेल.
• यंदा गुरुपौर्णिमेचा उत्सव १० जुलै २०२५ रोजी साजरा केला जाईल.

कधी आहे पुजेची वेळ, मुहुर्त?

गुरुपौर्णिमेच्या दिवशी पूजा, उपवास आणि गुरुपूजेचे विशेष महत्त्व आहे. (खाली पुजेचे मुहूर्त दिले आहेत.)

• अभिजीत मुहूर्त: सकाळी ११:५९ ते दुपारी १२:५४ ते दुपारी
• गोधूलि मुहूर्त: संध्याकाळी ०७:२१ ते संध्याकाळी ०७:४१
• विजय मुहूर्त: दुपारी ०२:४५ ते ०३:४०
• अमृत काळ: १० जुलै रोजी दुपारी १२:५५ ते ११ जुलै रोजी दुपारी ०२:३५

गुरुपौर्णिमेचे महत्त्व काय आहे?

गुरुपौर्णिमा हा केवळ एक धार्मिक उत्सव नाही, तर तो एक आध्यात्मिक उत्सव आहे जो आपल्याला आठवण करून देतो की जीवनात गुरुचे स्थान सर्वोच्च आहे. गुरुला वंदन करण्याचा आणि त्यांची पुजा करण्याचा आणि त्यांच्याप्रती कृतार्थ होण्याचा दिवस आहे. जेव्हा आदियोगी भगवान शिव यांनी सप्तर्षींना पहिल्यांदा ज्ञान दिले आणि त्यांना स्वतःला पहिले गुरु म्हटले गेले. म्हणूनच, हा गुरु-तत्वाच्या स्थापनेचा दिवस देखील मानला जातो.

गुरुपौर्णिमेला, शिष्य उपवास करतात, त्यांच्या गुरूंची पूजा करतात, त्यांचे आशीर्वाद घेतात आणि त्यांच्याकडून मार्गदर्शन घेतात. हा सण केवळ धार्मिक दृष्टिकोनातूनच नाही तर सामाजिक आणि सांस्कृतिकदृष्ट्या देखील खूप महत्त्वाचा आहे. जर हा दिवस श्रद्धेने आणि भक्तीने साजरा केला तर जीवनात केवळ ज्ञान आणि शहाणपणच मिळत नाही तर मनाची शांती, ध्येयांची स्पष्टता आणि जीवनात सकारात्मक बदल देखील येतात.