'केसरी-2' पाहताना मोबाईल खिशात ठेवा..अन्यथा'; अभिनेता अक्षय कुमार प्रेक्षकांना असा का म्हणाला?

Kesari-2, Akshay Kumar : अक्षय कुमार 'केसरी-2' हा त्याचा चित्रपट घेऊन येत आहे. हा चित्रपट 18 एप्रिल रोजी प्रदर्शित होणार आहे. अक्षय कुमार पूर्ण उत्साहाने चित्रपटाच्या प्रमोशनमध्ये व्यस्त आहे. 15 एप्रिल रोजी, अक्षयने नवी दिल्ली येथे झालेल्या विशेष प्रीमियरला हजेरी लावली.

यावेळी अक्षयने माध्यमांशी संवाद साधला. त्याने चाहत्यांना सांगितले की चित्रपट पाहताना कोणीही मोबाईल तपासू नका, हा चित्रपट पाहा, तुम्हाला त्यातील संवाद भरचं काही देऊन जाईल. अक्षय कुमारने नेमकी काय विनंती केली, यावर नजर टाकूया.

अक्षय कुमारने चाहत्यांना काय विनंती केली?

अक्षय कुमारने मीडिया कार्यक्रमात चाहत्यांना एक विनंती केली. तो म्हणाला, 'मी सर्वांना विनंती करतो की चित्रपट पाहताना त्यांचे फोन खिशात ठेवावेत.

चित्रपटातील प्रत्येक संवाद ऐकावा.' याचा अर्थ खूप आहे. जर तुम्ही चित्रपटादरम्यान तुमचे इंस्टाग्राम तपासले तर ते चित्रपटाचा खूप मोठा अपमान ठरेल. म्हणून मी सर्वांना विनंती करतो की त्यांनी त्यांचे फोन दूर ठेवावेत.

'केसरीचा सिक्वेल आहे केसरी-2'

'केसरी-2' हा 2019 मध्ये आलेल्या केसरी चित्रपटाचा दुसरा भाग आहे. केसरी चाहत्यांना खूप आवडली. हा चित्रपट सुपरहिट झाला. चित्रपटातील गाणीही आवडली. अभिनेत्री परिणीती चोप्रा ही महिला प्रमुख भूमिकेत होती. आता केसरी-2 चा ट्रेलरही खूप आवडला आहे. या चित्रपटाचे दिग्दर्शन करण सिंह त्यागी यांनी केले आहे.

केसरी-2 चित्रपटाचा कोणत्या ऐतिहासीक घटनेशी संबंध

या चित्रपटात अक्षय कुमार वकील सी शंकरन नायर यांच्या भूमिकेत दिसणार आहे. या चित्रपटाची कथा जालियनवाला बाग हत्याकांडाभोवती फिरते. जालियनवाला बाग हत्याकांडाचे सत्य उघड करण्यासाठी अक्षय कुमारचे पात्र ब्रिटिश राजवटीविरुद्ध जाते.

या चित्रपटात अनन्या पांडे देखील एका वकिलाच्या भूमिकेत दिसणार आहे. चित्रपटातील 'ओ शेरा' हे गाणे प्रदर्शित झाले आहे. गाण्याची घोषणा करताना अक्षय कुमारने लिहिले होते - आता वेळ आली आहे... सत्याचा गर्जना ऐकण्याची आणि शौर्याची शक्ती अनुभवण्याची.