पुढील चॅम्पियन्स ट्रॉफी कधी आणि कुठे होणार ? कोणत्या देशाला यजमानपद मिळालं आहे, सर्वकाही जाणून घ्या

Champions Trophy: भारतीय संघाने आयसीसी चॅम्पियन्स ट्रॉफी 2025 मध्ये न्युझीलंड संघाचा 4 विकेट पराभव करुन विजेतेपट पटाकालं आहे. कर्णधार रोहीत शर्माच्या नेतृत्वाखाली टीम इंडियाने दुबई येथे अंतिम सामन्यात शानदार विजय मिळवला आहे. टीम इंडियाचे स्पर्धेतील सर्व सामने हे दुबई खेळले गेले आहेत.

दरम्यान 2013 आणि 2017 च्या चॅम्पियन्स ट्रॉफी इंग्लंडमध्ये खेळल्या गेल्यानंतर यावेळी यजमानपद पाकिस्तानला देण्यात आले होते. जरी पाकिस्तान यजमान देश असला तरी भारतीय संघाने त्यांचे सर्व सामने दुबईमध्ये खेळले. ज्यात अंतिम सामन्याचा ही समावेश होता. अशाप्रकारे चॅम्पियन्स ट्रॉफीची स्पर्धा पाकिस्तान आणि दुबईमध्ये खेळवण्यात आली. कर्णधार रोहित शर्माच्या नेतृत्वाखालील टीम इंडियाने भारतासाठी तिसरी चॅम्पियन्स ट्रॉफी जिंकली आहे.

यावेळी सात वर्षांनी चॅम्पियन्स ट्रॉफीचे आयोजन करण्यात आलं होतं. ही स्पर्धा आधीच व्हायला हवी होती पण ती होऊ शकली नाही. पाकिस्तानला अडीच दशकांहून अधिक काळानंतर आयसीसी स्पर्धेचे आयोजन करण्याची संधी मिळाली. परंतु ही स्पर्धा पूर्णपणे पाकिस्तानमध्ये झाली नाही.

आता चाहत्यांना पुढील चॅम्पियन्स ट्रॉफीची वाट पहावी लागणार आहे. कारण त्यापूर्वी लाल चेंडू आणि पांढऱ्या चेंडूच्या क्रिकेटचे अनेक इतर स्पर्धा होणार आहेत. यामध्ये विश्वचषक आणि कसोटी अजिंक्यपद स्पर्धांचा समावेश आहे. चॅम्पियन्स ट्रॉफी दर चार वर्षांनी आयोजित केली जात आहे.

पुढील चॅम्पियन्स ट्रॉफी कधी आहे?

पुढील चॅम्पियन्स ट्रॉफी 2029 मध्ये होणार आहे. सर्वात महत्त्वाची गोष्ट म्हणजे पुन्हा एकदा आशियाला देशाला या स्पर्धेचे यजमानपद मिळाले आहे. त्याहूनही मोठी गोष्ट म्हणजे ही ट्रॉफी भारतात होणार आहे. भारतीय चाहत्यांसाठी ही आनंदाची बातमी आहे. टीम इंडियाचा संपूर्ण संघ चांगलाच फॉर्मात आहे. त्यामुळे येणारे सामने टिम इंडियासाठी आणखी महत्वाचे ठरणार आहेत. चॅम्पियन्स ट्रॉफीचं विजेतेपद पटाकावल्यानंतर टीम इंडियाच्या खेळाडूची जबाबदारी आणखी वाढली आहे.

पुढील चॅम्पियन्स ट्रॉफी कुठे होणार आहे?

आयसीसीच्या भविष्यातील वेळापत्रकानुसार आयसीसी ट्रॉफी 2029 मध्ये आयोजित केली जाणार आहे. यजमान देश भारत असेल. जर हा स्पर्धा भारतात आयोजित केली गेली तर ती हायब्रिड असावा लागेल हे निश्चित आहे. पाकिस्तानी संघाचे सामने इतर कोणत्या तरी दुसऱ्या देशात हलवावा लागतील. जसे भारताचे सामने दुबईमध्ये खेळले जात होते, तसेच पाकिस्तानचे सामने बाहेरही खेळले जाऊ शकतात.

पुढील वर्षात आयसीसीच्या अनेक मोठ्या स्पर्धा होणार

येत्या काळात अनेक आयसीसी स्पर्धा होणार आहेत. 2026 चा टी-20 विश्वचषकही भारतात होणार आहे. हे श्रीलंकेद्वारे सह-यजमान आहे. भारत आणि बांगलादेश संयुक्तपणे एकदिवसीय विश्वचषक स्पर्धा आयोजित करणार आहेत. या स्पर्धेचे आयोजन 2031 मध्ये केले जाणार आहे.