RSS मुळे मराठीशी संबंध, पवारांमुळे साहित्य संमेलनात येण्याची संधी मिळाली - वाचा काय म्हणाले PM मोदी

PM Modi on RSS Marathi and Sharad Pawar : मी मराठीतून विचार केला तर मला संत ज्ञानेश्वरांचे विचार आठवतात. राष्ट्रीय स्वंयसेवक संघाची स्थापनाही मराठीच होते. आरएसएसने जे बिज रोवलं त्याचा आता वटवृक्ष झाला. शंभर वर्षांपासून संघ चालवत आहे, माझ्यासारख्या अनेकांना संघांनी जगायला शिकवले आणि संघामुळेच मराठीशी माझा संबंध आला असे वक्तव्य देशाचे पंतप्रधान नरेंद्र मोदी यांनी केले.

98 वे अखिल भारतीय साहित्य संमेलन नवी दिल्लीत होत आहे. येथील विज्ञान भवन येथे उद्घाटन समारंभ पार पडला. यावेळी पंतप्रधान नरेंद्र मोदी बोलत होते.

21 ते 23 फेब्रुवारी दरम्यान चाललेल्या या कार्यक्रमात महाराष्ट्राचे मुख्यमंत्री देवेंद्र फडणवीस, राष्ट्रीय काँग्रेस पक्षाचे अध्यक्ष शरद पवार, प्रख्यात मराठी लेखिका तारा भवाळकर आणि संमेलनाच्या अध्यक्षा उषा तांबे यांच्यासह इतर मान्यवर उपस्थित होते. संमेलनाचा समृद्ध इतिहास मे 1878 मध्ये न्यायमूर्ती महादेव गोविंद रानडे यांनी पुण्यात आयोजित केलेल्या पहिल्या संमेलनाचा आहे.

1954 मध्ये भारताचे पहिले पंतप्रधान जवाहरलाल नेहरू यांना प्रमुख पाहुणे म्हणून आमंत्रित करण्यात आले होते. यंदाचे हे संमेलन विशेष आहे, कारण अलीकडेच सरकारने मराठीला अभिजात भाषा म्हणून मान्यता दिली आहे. या वर्षीच्या संमेलनात पुणे ते दिल्ली असा प्रतिकात्मक साहित्यिक प्रवास आहे.

काय म्हणाले पंतप्रधान मोदी?

पंतप्रधान नरेंद्र मोदी म्हणाले, आर्थिक राज्यातून देशाच्या राजधानीत आलेल्या सर्व मराठी सारस्वतांना माझा नमस्कार..समर्थ रामदासांनी "मराठा तितुका मेळवावा, महाराष्ट्र धर्म वाढवावा" असे म्हटले होते. भारताला जेव्हा अध्यात्मिक ऊर्जेची गरज असते, तेव्हा मराठीतील महान संतांनी आणि ऋषींच्या भाषेतील विचार मराठी भाषेत आणले.

देशाच्या आर्थिक राजधानीतून देशाच्या राजधानीत आलेल्या मराठी सारस्वतांना मा. पंतप्रधान नरेंद्र मोदी जी यांचा नमस्कार...

(अखिल भारतीय मराठी साहित्य संमेलन | नवी दिल्ली | 21-2-2025)@narendramodi @abmssdelhi#NewDelhi #MarathiLanguage #MarathiSahityaSammelan pic.twitter.com/bd8KjrqiJ0

— Devendra Fadnavis (@Dev_Fadnavis) February 21, 2025

पवारांमुळे मला कार्यक्रमात येण्याची संधी मिळाली

पंतप्रधान नरेंद्र मोदी म्हणाले , मराठी साहित्यात देशाच्या स्वातंत्र्याचा इतिहास आहे, संत ज्ञानेश्वर, संत तुकारामांच्या मराठीला राजधानी मनापासून अभिवादन करते. पवारांमुळे मला या कार्यक्रमात येण्याची संधी मिळाली, आज जागतिक मातृभाषा दिन आहे. साहित्य संमेलनाचा दिवसही या दिवसाचे निमित्त साधून अतिशय चांगला निवडला आहे.

71 वर्षांनंतर दिल्लीत संमेलन

"71 वर्षांनंतर राष्ट्रीय राजधानीत आयोजित करण्यात आलेले, मराठी साहित्य संमेलन मराठी साहित्याची कालातीत प्रासंगिकता साजरे करेल आणि समकालीन प्रवचनात त्याची भूमिका जाणून घेईल," असे पंतप्रधान कार्यालयाने जारी केलेल्या पत्रकात म्हटले आहे.

आजच्या सामाजिक संवादाच्या संदर्भात मराठी साहित्याचा गौरव करणे आणि त्याचा शोध घेणे हा या संमेलनाचा उद्देश आहे. या परिषदेत 2,600 हून अधिक कविता सादरीकरणे, 50 पुस्तकांचे प्रकाशन आणि 100 पुस्तकांचे स्टॉल उभारण्यात आले. हे कार्यक्रम प्रख्यात विद्वान, लेखक, कवी आणि साहित्य प्रेमी यांच्यातील आकर्षक देवाणघेवाण सुलभ करण्यासाठी डिझाइन केलेले आहेत.