केंद्राने राज्यांना मॉक ड्रिलचे आदेश का दिले?, ब्लॅकआउट रिहर्सल काय असते, जाणून घ्या सर्व काही

Home ministry orders states to conduct mock drills : पहलगाम दहशतवादी हल्ल्यानंतर भारत आणि पाकिस्तानमधील वाढत्या तणावादरम्यान, भारत सरकारने देशातील संरक्षण तयारीबाबत महत्त्वपूर्ण पाऊले उचलली आहेत. सोमवारी गृहमंत्री अमित शहा यांनी देशातील सर्व राज्यांना सुरक्षा उपाययोजनांबाबत महत्त्वाच्या सूचना दिल्या आहेत.

7 मे रोजी देशभरात मॉक ड्रीलचे आयोजन

भारत सरकारने नागरी संरक्षण तयारी वाढवली आहे आणि गृह मंत्रालयाने 7 मे रोजी राज्यांना मॉक ड्रिल करण्याचे आदेश दिले आहेत. या सरावांचा उद्देश हवाई हल्ल्याच्या चेतावणी प्रणालीच्या ऑपरेशनल पैलूंमध्ये सुधारणा करणे आणि नागरिक आणि विद्यार्थ्यांचे नागरी संरक्षण प्रशिक्षण वाढवणे आहे. जेणेकरून ते हल्ल्याच्या बाबतीत स्वतःचे अधिक चांगले संरक्षण करू शकतील.

गृहमंत्र्यांनी सर्व राज्यांना हवाई हल्ल्याच्या सायरनशी संबंधित मॉक ड्रिल आयोजित करण्याच्या सूचना जारी केल्या आहेत. 7 मे रोजी होणारा मॉक ड्रिल हवाई हल्ल्याच्या परिस्थितीबद्दल जागरूकता निर्माण करण्यासाठी आणि नागरिकांना सुरक्षा प्रोटोकॉलचे पालन करण्यास सक्षम करण्यासाठी आयोजित केले आहे.

राज्यांना सतर्क करण्यासाठी हवाई हल्ल्याचे सायरन बसवण्याच्या सूचना देण्यात आल्या आहेत. या सरावांमध्ये लोकांना सुरक्षिततेबद्दल तात्काळ सूचना देण्यासाठी हवाई हल्ल्याचे सायरन वाजवणे समाविष्ट असेल.

नागरिकांना संरक्षणाचे प्रशिक्षण देण्याचा उद्देश

याशिवाय, शत्रूच्या हल्ल्याच्या बाबतीत स्वतःचे संरक्षण करण्यासाठी नागरिक आणि विद्यार्थ्यांना प्रशिक्षित करण्यासाठी या सरावाचे आदेश देण्यात आले आहेत. जेणेकरून आपल्याला प्रतिकूल परिस्थितीत स्वतःचे प्रभावीपणे संरक्षण कसे करावे हे कळेल. राज्यांना शहरांमध्ये ब्लॅकआउट रिहर्सल करण्याचे आदेश देण्यात आले आहेत.

मॉक ड्रिल आणि ब्लॅकआउट रिहर्सल म्हणजे काय?

मॉक ड्रिल ही एक प्रकारची "प्रॅक्टिस" आहे, ज्यामध्ये आपण पाहतो की जर एखादी आपत्कालीन परिस्थिती (जसे की हवाई हल्ला किंवा बॉम्ब हल्ला) आली. तर सामान्य लोक आणि प्रशासन किती आणि कसे प्रतिक्रिया देतील.

ब्लॅकआउट रिहर्सल म्हणजे संपूर्ण परिसरातील दिवे ठराविक काळासाठी बंद करणे. जर शत्रू देशाने हल्ला केला तर अंधारात परिसर कसा सुरक्षित ठेवता येईल हे दाखवणे हा त्याचा उद्देश आहे. यामुळे शत्रूला लक्ष्य करणे अवघड होऊन जाते.

54 वर्षानंतर झाला मॉक ड्रील करण्याचा निर्णय!

दुसरी, अतिशय महत्त्वाची गोष्ट म्हणजे, देशात अशा प्रकारचा शेवटचा मॉक ड्रिल 1971 मध्ये घेण्यात आला होता. त्यानंतर भारत आणि पाकिस्तानमध्ये युद्ध झाले. ही मॉक ड्रिल युद्धादरम्यान झाली. विशेष बाब म्हणजे, पंजाबमधील फिरोजपूर कॅन्टोन्मेंटमध्ये रविवार व सोमवारी रात्री ब्लॅकआउट सराव करण्यात आला. या काळात, गावे आणि परिसरात रात्री 9 ते 9.30 या काळात वीज पुरवठा खंडीत करण्यात आला होता.