भाजपाचे जेष्ठ नेते 61 व्या वर्षी पक्षाच्या महिला कार्यकर्त्यासोबत घेणार सातफेरे

पश्चिम बंगालमधील भाजपाचे ज्येष्ठ नेते आणि माजी खासदार दिलीप घोष हे 61 व्या वर्षी लग्नबंधनात अडकणार आहेत, अशी आता माहिती समोर आली आहे. घोष हे शुक्रवार, 18 एप्रिल 2025 रोजी कोलकात्याच्या न्यू टाउन येथील त्यांच्या निवासस्थानी रिंकू मजूमदार यांच्यासोबत लग्न करणार आहेत.

रिंकू मजूमदार या देखील भाजपच्या सक्रिय कार्यकर्त्या असून त्यांचे वय 50 वर्षे आहे. ही जोडी अनेक वर्षांपासून एकमेकांना ओळखते असून त्यांची ओळख पक्षाच्या कामादरम्यान झाला होती असं म्हटलं जात आहे. या लग्नाची देशभरासह राजकीय वर्तुळात चर्चा सुरू आहे.

दिलीप घोष हे आतापर्यंत अविवाहित राहिले असून त्यांचे वैयक्तिक आयुष्य हा नेहमीच चर्चेचा विषय राहिला आहे. घोष आणि रिंकू मजूमदार यांचा परिचय भाजपच्या कामकाजा दरम्यान झाला. रिंकू मजूमदार या कोलकाता नॉर्थ सबअर्बन भाजप महिला मोर्चाशी संबंधित आहेत. अनेक वर्षांपासून एकमेकांना ओळखणाऱ्या या जोडीने शेवटी लग्नाचा निर्णय घेतला आहे.

मागील लोकसभा निवडणूकीत पराभवानंतर हा निर्णय घेतला असल्याचे बोलले जात आहे. या पराभवामुळे घोष खचले असताना रिंकू यांनी त्यांच्यासोबत आयुष्य घालवण्याची इच्छा व्यक्त केली होती.घोष यांनी सुरुवातीला लग्नाचा विचार नसल्याचं म्हटलं होतं, परंतु त्यांची आई पुष्पलता घोष यांनी यासाठी पुढाकार घेतला. त्यांच्या आईच्या आग्रहामुळे आणि रिंकू यांच्या भावनिक पाठिंब्यामुळे घोष यांनी हा निर्णय स्वीकारला.

हा विवाह सोहळा साधेपणाने आणि खासगी स्वरूपाचा असेल, अशी माहिती आहे. लग्न 18 एप्रिल 2025 रोजी घोष यांच्या न्यू टाउन निवासस्थानी होणार असून याठिकाणी फक्त जवळचे नातेवाईक आणि मित्र उपस्थित राहणार आहेत. लग्नाची नोंदणी (रजिस्ट्रेशन) याच ठिकाणी होईल आणि नंतर बंगाली पद्धतीने सात फेरे घेतले जातील. या सोहळ्याला भाजपचे ज्येष्ठ नेते सुनील बंसल आणि सतीश धोंड हे देखील उपस्थित राहण्याची शक्यता आहे.

घोष यांनी साध्या आणि सौजन्यपूर्ण सोहळ्याची इच्छा व्यक्त केली असून मोठ्या प्रमाणावर स्वागत समारंभ आयोजित होण्याची शक्यता नाही. रिंकू मजूमदार या घटस्फोटित आहेत आणि त्यांना एक 25 वर्षांचा मुलगा आहे. जो आयटी क्षेत्रात सेक्टर व्हीमध्ये काम करतो.

दिलीप घोष यांची राजकीय कारकीर्द

दिलीप घोष हे पश्चिम बंगाल भाजपचे माजी अध्यक्ष आणि मेदिनिपूर मतदारसंघाचे माजी खासदार आहेत. त्यांनी 2015 ते 2021 या कालावधीत राज्य भाजपचे नेतृत्व केले आहे. त्यावेळी पक्षाने 2019 च्या लोकसभा निवडणुकीत 18 जागा जिंकल्या होत्या. परंतु, 2021 मध्ये सत्तासंघर्षानंतर त्यांच्या जागी सुखंता मजूमदार यांना अध्यक्षपद देण्यात आले. घोष यांना गेल्या लोकसभा निवडणुकीत पराभव पत्करावा लागला. ज्यामुळे त्यांचे वैयक्तिक आयुष्यावर परिणाम झाला. या काळात रिंकू यांनी त्यांना भावनिक आधार दिला, ज्यामुळे त्यांच्यातील नाते दृढ झाले.

रिंकू मजूमदार यांचा परिचय

रिंकू मजूमदार या भाजपच्या महिला मोर्चाच्या सक्रिय सदस्य आहेत आणि त्यांचा राजकीय कारकिर्दीत चांगला अनुभव आहे. त्या घटस्फोटित असून, त्यांचा मुलगा आयटी क्षेत्रात काम करतो. रिंकू यांनी घोष यांच्यासोबत काम करताना त्यांचे वैयक्तिक आणि राजकीय जीवन समजले असून त्यांनी त्याला भावनिक पाठिंबा दिला. त्यांच्या या पाठिंब्यामुळे घोष यांनी आयुष्याच्या नवीन टप्प्याची सुरुवात करण्याचा निर्णय घेतला.

आईच्या सांगण्यावरून लग्न करण्यास तयार झाले

घोष यांच्या आईने त्यांना लग्नासाठी प्रोत्साहन दिले, कारण त्या त्यांच्या मुलाला स्थिर आयुष्य आणि कुटुंबात सुखी पाहू इच्छित होत्या. घोष यांनी यापूर्वी लग्नाचा विचार नाकारला होता, परंतु आईच्या आग्रहामुळे आणि रिंकू यांच्यामुळे त्यांनी हा निर्णय घेतला. हा निर्णय राजकीय वर्तुळात चर्चेचा विषय ठरला आहे. विशेषतः कारण घोष हे राष्ट्रीय स्वयंसेवक संघ (RSS) चे प्रचारक म्हणून ओळखले जातात, जिथे पारंपरिकरीत्या अविवाहित राहणे प्राधान्य दिले जाते.

राजकीय प्रतिक्रिया आणि शुभेच्छा

या लग्नाने राजकीय वर्तुळात वेगवेगळ्या प्रतिक्रिया उमटल्या आहेत. तृणमूल काँग्रेसचे नेते जे घोष यांचे राजकीय विरोधक आहेत, त्यांनीही शुभेच्छा दिल्या आहेत. देवांग्शु भट्टाचार्य यांनी ट्विटरवर घोष यांना शुभेच्छा दिल्या आहेत.