Bhim Jayanti Speech : बाबासाहेबांच्या जयंतीनिमित्त द्या खास भाषण अन् श्रोत्यांना करा मंत्रमुग्ध!

Ambedkar Jayanti 2025 : डॉ. बाबासाहेब आंबेडकरांचा यांची यंदा 135 वी जयंती आहे. त्यांचा जन्म 14 एप्रिल 1891 रोजी मध्य प्रदेशातील महू येथे झाला. ते त्यांच्या पालकांचे 14 वे अपत्य होते. बाबासाहेबांचे वडील सुभेदार रामजी मालोजी सपकाळ होते. ते ब्रिटीश सैन्यात सुभेदार होते. डॉ. बाबासाहेब आंबेडकरांचे प्रारंभिक शिक्षण मुंबईत झाले. शाळेच्या काळात त्यांना अनेक वाईट प्रसंगांना सामोरे जावे लागले. परंतु, त्यांनी शिक्षण पूर्ण केले.

ते भारतीय संविधानाचे मुख्य शिल्पकार आणि भारतीय समाजातील दलित आणि मागासवर्गीयांच्या हक्कांसाठी लढणारे एक महान व्यक्तिमत्त्व होते. त्यांच्या जयंतीनिमित्त देशभरात विविध कार्यक्रमांचे आयोजन केले जाते. शाळा-महाविद्यालयांमध्ये देखील विविध कार्यक्रमांचे आयोजन केले जाते. लहान मुलांपासून ते वक्ते बाबासाहेबांच्या जीवनातील प्रसंग सांगत त्यांच्या जीवनातून आदर्श प्रेरणा घेतात. चला तर आज आपण बाबासाहेब आंबेडकरांच्या वर आधारित भाषण कसे करावे, भाषणाचा नेमका अर्थ कसा असावा, याविषयी संपूर्ण माहिती जाणून घेऊया...!

डॉ. भीमराव आंबेडकर यांच्यावरील भाषण

सर्वांना मानाचा जयभीम अन् भीम जयंतीच्या शुभेच्छा..!

आंबेडकर जयंतीनिमित्त हे भाषण तुम्हा सर्वांसमोर सादर करताना मला खूप आनंद होत आहे. डॉ. भीमराव आंबेडकर यांचा जन्म १४ एप्रिल १८९१ रोजी झाला. त्यांनी आयुष्यभर समाजातील जातिवाद, भेदभाव आणि अस्पृश्यतेविरुद्ध लढा दिला. त्यांना त्यांच्या काळातील स्त्रीवादी म्हणता येईल. महिलांच्या हक्कांसाठी त्यांनी अनेक योगदान दिले. आज हिंदू कोड बिलाचे श्रेय आंबेडकरांना जाते. त्यांना भारतीय संविधानाचे जनक म्हणून ओळखले जाते. भारतीय लोकशाहीतील त्यांचे योगदान अविस्मरणीय राहील.

२९ ऑगस्ट १९४७ रोजी डॉ. बी.आर. आंबेडकरांना स्वतंत्र भारताच्या संविधानाचा मसुदा तयार करण्यासाठी इतर सात सदस्यांसह नियुक्त करण्यात आले. डॉ. आंबेडकर यांची मसुदा समितीचे अध्यक्ष म्हणून निवड झाली. आंबेडकरांनी लिहिलेले संविधान वैयक्तिक नागरिकांना अनेक नागरी स्वातंत्र्यांची हमी आणि संरक्षण देते, ज्यामध्ये धर्म स्वातंत्र्य, अस्पृश्यता निर्मूलन आणि सर्व प्रकारच्या भेदभावावर बंदी यांचा समावेश आहे.

आंबेडकरांच्या अनेक उल्लेखनीय योगदानामुळे त्यांना निश्चितच "भारतीय संविधानाचे मुख्य शिल्पकार" मानले जाऊ शकते. सामाजिक दुष्प्रवृत्ती दूर करण्यासाठी त्यांचे प्रयत्न उल्लेखनीय आहेत, म्हणूनच त्यांना भारतीय दलितांचे "मसीहा" म्हटले जाते. 26 नोव्हेंबर 1949 रोजी संसदेने संविधान मंजूर केले. 26 जानेवारी 1950 रोजी संविधान लागू झाले, हा दिवस राष्ट्रीय स्तरावर प्रजासत्ताक दिन म्हणून साजरा केला जातो.

डॉ. आंबेडकरांनी भारतीय कायदा आणि शिक्षण क्षेत्रात मोठे योगदान दिले. डॉ. आंबेडकरांनी "स्वतंत्र मजूर पक्ष (इंडिपेंडेंट लेबर पार्टी)" नावाचा एक राजकीय पक्ष स्थापन केला. भारताला स्वातंत्र्य मिळाल्यानंतर, ते पहिले कायदा मंत्री आणि भारतीय संविधानाचा मसुदा तयार करणाऱ्या समितीचे अध्यक्ष होते. भारताच्या कायदा, सुव्यवस्था आणि संविधानाच्या निर्मितीत डॉ. बाबा साहेब आंबेडकरांचे मोठे योगदान होते. ते नेहमीच दलितांवरील भेदभावाच्या विरोधात होते. त्यांनी दलितांच्या समर्थनार्थ नवीन कायदे केले आणि त्यांना इतर जातींप्रमाणे शिक्षण आणि समान अधिकार दिले.

डॉ. आंबेडकरांच्या सर्वात मोठ्या कामगिरीपैकी एक म्हणजे भारतरत्न. १९९० मध्ये त्यांना भारतरत्न पुरस्कार मिळाला. ते एक शास्त्रज्ञ, समाजशास्त्रज्ञ, स्वातंत्र्यसैनिक, पत्रकार, मानवाधिकार कार्यकर्ते, तत्वज्ञानी आणि बरेच काही होते. डॉ. बाबासाहेब आंबेडकर यांनी कोलंबिया विद्यापीठ आणि लंडन स्कूल ऑफ इकॉनॉमिक्समधून पदव्युत्तर शिक्षण पूर्ण केले. आंबेडकर हे जगभरातील तरुण वकिलांसाठी प्रेरणास्थान आहेत.

भारतीय समाजाचे महान नेते भीमराव आंबेडकर यांनी त्यांच्या योगदानाद्वारे तत्कालीन समाजात सुधारणा घडवून आणण्याचे काम केले. त्यांच्या मते, "ज्या व्यक्तीला त्याच्या हक्कांपासून वंचित ठेवले जाते तो समाजापासून वंचित असतो." त्यांनी जातिवाद, असमानता आणि जमीन हडपण्याच्या विरोधात जोरदार भाषण दिले आणि समाजाला एकता आणि समृद्धीकडे वळवण्याबद्दल बोलले. भीमराव आंबेडकर हे एक महान नेते आणि समाजसुधारक होते. त्यांनी आपले जीवन भारताला समान आणि न्याय्य समाज बनवण्यासाठी समर्पित केले. त्यांचे विचार आणि आदर्श आजही आपल्यासाठी प्रेरणादायी आहेत.

जय भीम..जय हिंद...भारत माता की जय..!

विद्यार्थ्यांनी असे सुरू करावे बाबासाहेबांवरील भाषण...!

आदरणीय प्राचार्य, उपप्राचार्य, शिक्षक आणि माझ्या प्रिय मित्रांनो, तुम्हा सर्वांना माझा नमस्कार, सप्रेम जय भीम!

डॉ. बाबासाहेब आंबेडकर यांच्या जयंतीनिमित्त त्यांना अभिवादन करण्यासाठी आज आपण येथे जमलो आहोत. तुम्ही सर्वांनी मला भारतरत्न डॉ. बी. आर. आंबेडकर यांच्या सारख्या महान व्यक्तिमत्वावर माझे विचार मांडण्याची संधी दिल्याबद्दल मनःपूर्वक आभार.

डॉ. भीमराव आंबेडकर यांचा जन्म १४ एप्रिल १८९१ रोजी मध्य प्रदेशातील महू येथील एका दलित कुटुंबात झाला. बाबासाहेबांना लहानपणापासूनच जातीय भेदभावामुळे प्रचंड त्रास सहन करावा लागला. त्याकाळी अस्पृष्य मानल्या जाणाऱ्या समाजातून येत असल्याने आंबेडकरांना प्रत्येक गोष्टीत आपमानास्पद वागणूक सहन करावी लागली. त्यांच्या शाळेत ते एकमेव दलित विद्यार्थी होते, त्यांना इतर विद्यार्थ्यांपासून वेगळे बसवले जायचे.

भेदभाव आणि असमानतेचा सामना करत डॉ. आंबेडकर मुंबई विद्यापीठातून पदवीधर झाले. यानंतर ते एमएसाठी अमेरिकेला गेले. कोलंबिया विद्यापीठात प्रवेश घेऊन तिथे त्यांनी पीएचडी केली. यानंतर त्यांनी लंडन स्कूल ऑफ इकॉनॉमिक्समधून एमएससी, डीएससी, तर ग्रेज इन येथून बॅरिस्टर-एट-लॉ पदवी घेतली. ते भारतातील त्या काळातील सर्वात शिक्षित लोकांपैकी एक होते. विशेष म्हणजे आंबेडकर हे परदेशातून डॉक्टरेट पदवी घेणारे पहिले भारतीय होते.

अस्पृश्यता आणि असमानेतीची वागणूक सहन केल्यानंतर, त्यांनी लहान वयातच भारतीय समाजातून या वाईट गोष्टींचे उच्चाटन करण्याचा निर्धार केला होता. शिक्षण पूर्ण केल्यानंतर त्यांनी आपले संपूर्ण आयुष्य दलित आणि समाजातील मागासवर्गीयांच्या उत्थानासाठी वाहून घेतले. ते संपूर्ण आयुष्य दुबळ्या लोकांच्या हक्कांसाठी लढले.

बाबासाहेब आंबेडकरांना स्वातंत्र्यानंतर देशाचे पहिले कायदामंत्री बनवण्यात आले. भारतीय संविधानाच्या निर्मितीसाठी त्यांच्याकडे सर्वात महत्त्वाची जबाबदारी देण्यात आली. त्यांना संविधान मसुदा समितीचे अध्यक्ष करण्यात आले. राज्यघटना तयार करण्यासाठी त्यांनी अनेक देशांशी सल्लामसलत केली. राज्यघटनांचा अभ्यास केला.

त्यांना संविधानाचे जनक आणि राज्यघटनेचे निर्माते म्हटले जाते. ते एक महान अर्थशास्त्रज्ञही होते. आंबेडकरांनी केवळ दलित वर्गासाठीच नव्हे तर महिला आणि कामगारांच्या हक्कांसाठीही लढा दिला. त्यांची जयंती देशाच्या अनेक भागात राष्ट्रीय सुट्टी म्हणून साजरा केले जाते. त्यांचे अनुयायी बाबासाहेबांच्या सन्मार्थ 'जय भीम'चा नारा देतात. आज आपण बाबासाहेबांचे प्रेरणादायी विचार आपल्या जीवनात अंमलात आणण्याची प्रतिज्ञा घेतली पाहिजे.

धन्यवाद, जय भीम, जय भारत..!

आंबेडकर जयंतीनिमित्त असे मुद्दे जे भाषणात वापरता येतील..!

• डॉ. भीमराव आंबेडकर यांच्या जीवनाचा आणि वारशाचा गौरव करण्यासाठी दरवर्षी 14 एप्रिल रोजी आंबेडकर जयंती साजरी केली जाते. त्यांचा जन्म 14 एप्रिल 1891 रोजी झाला.
• एप्रिल 1990 मध्ये डॉ. आंबेडकरांना मरणोत्तर भारतरत्न पुरस्कार मिळाला. त्यांचे अनेक अनुयायी त्यांना श्रद्धांजली अर्पण करण्यासाठी आणि त्यांचा आदर करण्यासाठी जय भीमची पूजा करतात.
• डॉ. भीमराव आंबेडकर यांना 'बाबासाहेब आंबेडकर' म्हणूनही ओळखले जाते. त्यांनी भारतीय राज्यघटनेचा मसुदा तयार केला आणि संविधान मसुदा समितीचे अध्यक्ष म्हणूनही काम केले. त्यामुळेच त्यांना 'भारतीय राज्यघटनेचे जनक' असेही संबोधले जाते.
• आपल्या देशात डॉ.भीमराव आंबेडकर हे समता आणि न्यायाचे प्रतिक मानले जातात. ते एक महान समाजसेवक होते. सर्व भारतीयांमध्ये समानता आणण्यासाठी त्यांनी कठोर परिश्रम घेतले.
• डॉ. आंबेडकर हे दलित आणि गरीब आणि आर्थिकदृष्ट्या मागासलेल्या लोकांचे नेते होते. 1936 मध्ये त्यांनी 'स्वतंत्र मजूर पक्ष' या नावाने पहिला राजकीय पक्ष स्थापन केला.
• डॉ. बी.आर. आंबेडकरांनी भारतीय कायदा आणि शिक्षणात उल्लेखनीय योगदान दिले, त्यांनी स्वतंत्र भारताचे पहिले कायदा मंत्री म्हणूनही काम केले.

डॉ. भीमराव आंबेडकर यांच्या जीवनावर आधारित 10 प्रसंग जे भाषणात वापरता येईल..!

• राष्ट्रध्वज तिरंग्यात अशोक चक्र स्थापित करणारे डॉ. बाबासाहेब भीमराव आंबेडकर होते.
• डॉ. भीमराव आंबेडकरांना सुमारे ९ भाषांचे ज्ञान होते.
• डॉ. भीमराव आंबेडकर यांच्याकडे सुमारे 32 पदव्या होत्या आणि ते परदेशात जाऊन अर्थशास्त्रात पीएचडी करणारे पहिले भारतीय होते.
• बाबासाहेबांचा पहिला पुतळा १९५० मध्ये त्यांच्या हयातीत कोल्हापूर शहरात बांधण्यात आला.
• बाबासाहेब हे स्वतंत्र भारताचे पहिले कायदामंत्री होते.
• डॉ. बी.आर. आंबेडकरांचे जीवन आणि कार्य शिक्षण, चिकाटी आणि सामाजिक न्यायासाठी दीर्घकालीन वचनबद्धतेची परिवर्तनकारी शक्ती प्रतिबिंबित करते.
• बाबासाहेब हे मागासवर्गीय वर्गातील पहिले वकील होते.
• बाबासाहेब आंबेडकरांच्या नावाने जगभरातील सर्वाधिक पुस्तके लिहिली गेली आहेत.
• १९५६ मध्ये डॉ. आंबेडकरांनी आपला धर्म बदलला आणि बौद्ध धर्म स्वीकारला.
• बाबासाहेबांचा पुतळा जगातील सर्वात उंच पुतळ्यांपैकी एक आहे.