KKR vs RCB Match: आरसीबी विरुध्द केकेआर सामना पावसामुळे रद्द झाला तर कोणाला फायदा होईल? घ्या जाणून

Kolkata Weather Today: आयपीएल 2025 च्या पहिल्याच सामन्यावर खराब हवामानाची छाया पसरली आहे. कोलकाता नाईट रायडर्स (KKR) आणि रॉयल चॅलेंजर्स बंगळुरू (RCB) यांच्यातील ईडन गार्डन्सवर होणारा हा सामना पावसामुळे रद्द होण्याची शक्यता वाढली आहे. अशा परिस्थितीत जर पावसामुळे सामना रद्द झाला तर आरसीबी आणि केकेआरमध्ये कोणाला फायदा होईल?

भारतीय हवामान विभागाच्या (IMD) मते, आज कोलकातामध्ये पाऊस गडगडाटी वादळे आणि जोरदार वारे वाहण्याची शक्यता आहे. पहिल्याच सामन्यात चाहत्यांची निराशा होऊ शकते, कारण केवळ सामनाच नाही तर आयपीएल 2025 च्या उद्घाटन समारंभावरही परिणाम होऊ शकतो.

कोलकाता हवामान अपडेट

आयएमडीच्या अहवालानुसार बंगालच्या उपसागरावर तयार झालेल्या अँटी-सायक्लोनिक अभिसरणामुळे आणि ओडिशापासून विदर्भापर्यंत पसरलेल्या ट्रफ रेषेमुळे 20 ते 22 मार्च दरम्यान कोलकाता आणि लगतच्या भागात हलका ते मध्यम पाऊस आणि गडगडाटी वादळ होण्याची शक्यता आहे.

शनिवारी सकाळी कोलकातामध्ये पाऊस पडला

शनिवारी सकाळी आणि शुक्रवारी रात्री कोलकातामध्येही पाऊस पडला आहे. ज्यामुळे खेळपट्टी आणि मैदान ओले झाले होते. हवामान अंदाजानुसार संध्याकाळी 7:30 वाजता जेव्हा सामना सुरू होणार आहे. त्यावेळी पावसाची 48% शक्यता आहे. दरम्यान, रात्री उशिरा पावसाची शक्यता 35%, 24% आणि 19% पर्यंत कमी होईल. परंतु सामना पूर्ण होण्याबाबत शंका कायम आहे.

पावसामुळे सामना रद्द झाला तर कोणाला फायदा होईल?

पहिली गोष्ट म्हणजे बीसीसीआयने या सामन्यासाठी कोणताही राखीव दिवस निश्चित केलेला नाही. अशा परिस्थितीत जर पावसामुळे सामना रद्द झाला तर कोणत्याही एका संघाला फायदा होणार नाही. अशा परिस्थितीत दोन्ही संघांना 1-1 गुण मिळतील.

आरसीबी आणि केकेआर दोघांसाठीही ही सुरुवात समाधानकारक ठरणार नाही, कारण दोन्ही फ्रँचायझी नवीन कर्णधारांच्या नेतृत्वाखाली विजयाने त्यांच्या मोहिमेची सुरुवात करू इच्छितात. जर पाऊस थांबला आणि सामना कमी षटकांमध्ये खेळवला गेला तर दोन्ही संघ जिंकण्यासाठी सर्वतोपरी प्रयत्न करतील. आता सर्वांच्या नजरा हवामानावर असणार आहेत.