हार्दिक पंड्या CSK विरुद्ध का खेळणार नाही? मुंबईच्या कर्णधारपदाची संधी रोहित शर्माला मिळणार का? वाचा

IPL 2025 : IPL मध्ये पाच जेतेपदे जिंकणारी मुंबई इंडियन्स गेल्या काही हंगामात आपली सर्वोत्तम कामगिरी करण्यात अपयशी ठरली आहे. गेल्या आयपीएलमध्ये मुंबई इंडियन्स तळाला होती. रोहित शर्माच्या जागी हार्दिक पांड्याला कर्णधार बनवण्यात आले पण त्याचा फायदा संघाला झाला नाही. संघात तेढ निर्माण झाल्याचेही वृत्त होते.

IPL 2025 च्या हंगामापूर्वी, मुंबई इंडियन्सने जसप्रीत बुमराह, हार्दिक पांड्या, तिलक वर्मा, सूर्यकुमार यादव आणि रोहित शर्मा या प्रमुख खेळाडूंना कायम ठेवून धोरणात्मक हालचाली केल्या. याशिवाय काही खेळाडूंची खरेदी करून लाइनअप मजबूत करण्याचा प्रयत्न करण्यात आला. T20 विश्वचषक आणि चॅम्पियन्स ट्रॉफीमध्ये विजेतेपद मिळवताना रोहित आणि हार्दिक यांच्यातील समन्वयावरून या दोघांमध्ये कोणतेही मतभेद नसल्याचे दिसून येते.

कर्णधार असूनही 23 मार्च रोजी चेन्नई सुपर किंग्ज (CSK) विरुद्धच्या MI च्या सलामीच्या सामन्यात हार्दिक पंड्या खेळणार नाही. आता या स्थितीत मुंबई इंडियन्सला नवा कर्णधार मिळणार हे निश्चित मानले जाऊ शकते. रोहित शर्मा मुंबई इंडियन्स संघाचा कर्णधार होऊ शकतो.

IPL 2025: हार्दिक पांड्याला का वगळले?

हार्दिक पांड्याला वगळण्यामागे एक मोठे कारण आहे. मुंबई इंडियन्सच्या शेवटच्या आयपीएल सामन्यात ओव्हर रेट संथ होता. यानंतर त्यांना निलंबित करण्याचा निर्णय घेण्यात आला. हे घडले कारण पांड्याच्या संघाने सलग तिसऱ्यांदा हा प्रकार केला होता. सलग तीन वेळा स्लो ओव्हर रेटमुळे कर्णधारावर बंदी घालण्याची तरतूद आहे.

IPL 2025: मुंबई इंडियन्सचा नवा कर्णधार कोण?

मुंबई इंडियन्सचा नवा कर्णधार कोण? हा प्रश्न सतावत असतानाच आता रोहित शर्मा कर्णधारपद भूषवणार की नाही हे पाहावं लागेल. रोहित नसेल तर मुंबई इंडियन्सकडे सूर्यकुमार यादवचाही पर्याय आहे. त्याला संघाची कमान सोपवून कर्णधार बनवता येईल. तो टीम इंडियाचा कर्णधार आहे.

IPL 2025: मुंबई इंडियन्स आणि चेन्नई सुपर किंग्ज यांच्यात टक्कर

IPL च्या या मोसमातील पहिला सामना 23 मार्च रोजी होणार आहे आणि IPL मधील दोन्ही संघांमधील सामना पाहण्यासाठी चाहते उत्सुक आहेत. या दोन संघांमधील स्पर्धाही तीव्र आहे. धोनी आणि रोहित यांच्यात कर्णधारपदाची लढत चुरशीची होती.

बुमराहची अनुपस्थितीचा फटका बसेल का?

एकूणच आयपीएल स्पर्धेत रोहित शर्मा, सूर्यकुमार यादव, हार्दिक पंड्या आणि तिलक वर्मा यांसारख्या मोठ्या नावांनी सजलेला हा संघ कोणत्याही संघासाठी धोका बनू शकतो, कदाचित त्यामुळेच मुंबई इंडियन्स हा आयपीएलमधील सर्वोत्तम संघांपैकी एक मानला जातो. मात्र, सुरुवातीच्या टप्प्यात बुमराहची अनुपस्थिती नुकसानच आहे.

Credits - OneIndia Hindi