अमृता फडणवीस यांची संपत्ती किती? देवेंद्र फडणवीस यांच्यासोबतच्या अशी आहे लव्हस्टोरी, वाचा खास स्टोरी

Devendra fadnavis wife Amruta Fadnavis net worth : महाराष्ट्र राज्याचे मुख्यमंत्री म्हणून देवेंद्र फडणवीस यांनी आज तिसऱ्यांदा शपथ घेतली. आज 5 डिसेंबर रोजी गुरुवारी मुंबईतील आझाद मैदानावर हा सोहळा पार पडला. या शपथविधीच्या काही तासांपुर्वी देवेंद्र फडणवीस यांच्या पत्नी अमृता फडणवीस यांनी देवेंद्र फडणवीस यांना आयुष्यात खूप संघर्ष करावा लागला हे सांगितले. त्यांनी देवेंद्र फडणवीस यांच्याबाबत भरभरुन आपल्या भावना व्यक्त केल्या.

म्हणतात ना..प्रत्येक पुरुषांच्या यशामागे पत्नीची मोठी साथ असते. देवेंद्र फडणवीस यांनाही त्यांची पत्नी अमृता फडणवीस यांची मोठी साथ लाभली. वित्त, क्रीडा, संगीत आणि सामाजिक क्षेत्रात कार्यरत असलेल्या अमृता फडणवीस यांची थोडक्यात माहिती आपण घेऊया. त्यांची संपत्ती आणि देवेंद्र फडणवीस यांच्यासोबत त्यांचे लग्न कसे जुळले हे आपण आज समजून घेऊया.

कुशल व्यावसायिक कुटुंबात अमृता फडणवीस यांचा जन्म

अमृता फडणवीस जन्म 9 एप्रिल 1979 रोजी नागपुरात कुशल व्यावसायिकांच्या कुटुंबात झाला. त्याचे वडील आणि आई दोघेही डॉक्टर आहेत. त्यांचे वडील शरद रानडे नेत्रतज्ज्ञ आहेत, तर आई चारुलता रानडे स्त्रीरोगतज्ज्ञ आहेत. त्यांचे शालेय शिक्षण नागपुरातील सेंट जोसेफ कॉन्व्हेंटमध्ये पूर्ण केले, त्यानंतर जीएस कॉलेज ऑफ कॉमर्स अँड इकॉनॉमिक्समधून वाणिज्य शाखेत पदवी घेतली. नंतर त्यांनी पुण्याच्या सिम्बायोसिस लॉ स्कूलमधून फायनान्समध्ये एमबीए केले.

हेही वाचा : Maharashtra New CM Oath : मी पुन्हा आलो! देवेंद्र फडणवीसांनी घेतली तिसऱ्यांदा मुख्यमंत्रीपदाची शपथ

बहुआयामी कारकीर्द

अमृता फडणवीस यांनी 2003 मध्ये ॲक्सिस बँकेत एक्झिक्युटिव्ह कॅशियर म्हणून त्यांच्या कारकिर्दीला सुरुवात केली आणि बँकेच्या ट्रान्झॅक्शन बँकिंग विभागाच्या उपाध्यक्ष बनल्या. व्यावसायिक कामगिरीबरोबरच, अमृता यांना संगीताची आवड देखील जोपासली आहे.

हेही वाचा : Mahayuti Oath Ceremony : देवेंद्र फडणवीस मुख्यमंत्री तर एकनाथ शिंदे-अजित पवार बनले उपमुख्यमंत्री

प्रकाश झा यांच्या जय गंगाजलमध्ये पार्श्वगायिका म्हणून त्यांनी पदार्पण केले आणि कबिराचा दोहा गायला. T-Series म्युझिक व्हिडिओ फिर से मध्ये अमिताभ बच्चन यांच्यासोबत त्यांनी काम केले आहे. त्या एक माजी राज्यस्तरीय टेनिसपटू आहेत. वंचित मुलांसाठी उपक्रम आयोजित करण्यापासून ते महिला सक्षमीकरणाला चालना देण्यापर्यंत त्यांचे समर्पण सामाजिक कारणांपर्यंत आहे.

90 मिनिटांत सुरू झाली प्रेमकहाणी

अमृता या 2005 मध्ये एका कॉमन फ्रेंडद्वारे देवेंद्र फडणवीस यांना भेटल्या होत्या, असे न्यूज18ने वृत्त दिले आहे. एका मुलाखतीत, दोघांच्या पहिल्या भेटीबाबत अमृता यांच्या मनात थोडीसी भीती होती पण जेव्हा प्रत्यक्ष भेट झाली त्यावर त्या म्हणाल्या, "ते (देवेंद्र फडणवीस) प्रामाणिक आणि डाउन टू अर्थ होते." त्यांचा स्वभाव खूप भावला. देवेंद्र यांनी त्यांची आवडती अभिनेत्री काजोल यांची उपमा देत अमृता यांना प्रपोज केले असे सांगितले जाते. तेथून त्यांचे प्रेम फुलले आणि ते कौटुंबिक चर्चेनंतर दोघे लग्नबंधनात अडकले.

हेही वाचा : देवेंद्रजींच्या संघर्षाचा विजय, ते पुन्हा मुख्यमंत्री होण्याचा आनंद; अमृता फडणवीसांची प्रतिक्रिया

सोनाली बेंद्रेला दिलेल्या मुलाखतीत तिने सांगितले की, "लग्नाच्या आधी किंवा नंतर देवेंद्र अजिबात रोमँटिक नाही. त्याचे वर्णन व्यावहारिक आणि राजकारणात खोलवर बुडलेले असल्याचे सांगून, अमृता यांनी कबूल केले की मजा करण्यासाठी वेळ काढणे हे एक आव्हान होते.

अमृता यांची संपत्ती

• अमृता फडणवीस यांचे पती देवेंद्र फडणवीस यांच्या निवडणूक प्रतिज्ञापत्रानुसार, अमृता फडणवीस यांची अंदाजे 7.9 कोटी रुपयांची संपत्ती आहे.
• यामध्ये 6.9 कोटी रुपयांची जंगम मालमत्ता आणि 95 लाख रुपयांची स्थावर मालमत्ता आहे. त्यांच्या पतीच्या मालमत्तेसह, फडणवीस दाम्पत्याची एकूण घोषित संपत्ती सुमारे 13 कोटी रुपये आहे.
• 2023-24 आर्थिक वर्षात, अमृता यांचे 79,30,402 रुपये वार्षिक उत्पन्न नोंदवले गेले.
• 2022-23 मध्ये त्यांचे उत्पन्न 92,48,095 रुपये होते.
• 2020-21 मध्ये तिने 1,84,38,355 रुपये कमावले. त्यांच्या प्रतिज्ञापत्रानुसार, त्यांनी शेअर्स आणि म्युच्युअल फंडांमध्ये 5.6 कोटी रुपयांची गुंतवणूक केली आहे. शिवाय, त्यांच्याकडे 65 लाख रुपये किमतीचे सोन्याचे दागिने आहेत. विशेष म्हणजे अमृताकडे स्वत:ची कार नाही.