Mahayuti Oath Ceremony : देवेंद्र फडणवीस मुख्यमंत्री तर एकनाथ शिंदे-अजित पवार बनले उपमुख्यमंत्री

Maharashtra CM Oath Ceremony : महायुतीच्या वतीने राज्यपालांकडे सत्तास्थापनेचा दावा करण्यात आलेला आहे. त्यानुसार आज (5 डिसेंबर) गुरुवार रोजी सायंकाळी 5.30 वाजता महायुतीचा शपथविधी सोहळा आझाद मैदानावर पार पडणार आहे.

मुख्यमंत्री म्हणून देवेंद्र फडणवीस, उपमुख्यमंत्री अजित पवार हे शपथ घेणार आहेत. तर शिवसेनेकडून एकनाथ शिंदे हे उपमुख्यमंत्रीपदाची शपथ घेणार असल्याची माहिती मिळत आहे. दरम्यान, फडणवीस यांनी बुधवारी रात्री त्यांची भेट घेऊन सरकारमध्ये सहभागी व्हावे, अशी विनंती केली होती. तर या सोहळ्यासाठी पंतप्रधान नरेंद्र मोदी यांची विशेष उपस्थिती राहणार आहे.

राज्यात महायुतीला स्पष्ट बहुमत मिळालं आहे. भाजप 132 जागा जिंकूण सर्वात मोठा पक्ष ठरला आहे. नव्या सरकारमध्ये जुनाच पॅटर्न कायम ठेवण्यात आला आहे. जुन्या पॅटर्ननुसार पुन्हा एकदा राज्यात एक मुख्यमंत्री आणि दोन उपमुख्यमंत्री शपथ घेणार आहेत. आज देवेंद्र फडणवीस यांची भाजप पक्षाच्या विधिमंडळ गटनेतेपदी एकमताने निवड झालेली आहे.

मिळालेल्या माहितीनुसार, शपथविधी सोहळ्यासाठी 22 राज्याचे मुख्यमंत्री आणि उपमुख्यमंत्री देखील हजेरी लावणार आहेत. या सोहळ्यासाठी लाडक्या बहिणींना विशेष निमंत्रण देण्यात आलं आहे. समोर आलेल्या माहितीनुसार तब्बल 40 हजार लोक या सोहळ्यासाठी उपस्थित असणार असल्याची माहिती देण्यात आलेली आहे.