T20 world cup 2026 prize money list विश्वचषकात हारल्यानंतरही पाकिस्तान मालामाल! कुणाला किती दिली कॅश

T20 world cup 2026 prize money list : टी-२० विश्वचषक २०२६ चा थरार आता शांत झाला असून मैदानातील कामगिरीनंतर आता बक्षीस रकमेचा हिशोब समोर आला आहे. टीम इंडियाने या विश्वचषकावर आपले नाव कोरत केवळ ट्रॉफीच जिंकली नाही, तर बक्षीस रकमेच्या बाबतीतही विक्रमी झेप घेतली आहे. बुधवारी आयसीसीने (ICC) अधिकृतपणे कोणत्या संघाच्या खात्यात किती कोटी रुपये जमा झाले, याची यादी जाहीर केली आहे.

यामध्ये सर्वात जास्त चर्चा होत आहे ती शेजारील देश पाकिस्तानची. कारण परंपरागत प्रतिस्पर्धी असलेल्या पाकिस्तानचे या स्पर्धेत पाणीपत झाले. लवकर बाहेर पडूनही पाकिस्तानच्या झोळीत कोट्यवधी रुपये पडले आहेत.

विजेत्या भारतीय संघावर पैशांचा पाऊस

रोहित शर्माच्या नेतृत्वाखालील भारतीय संघाने विश्वविजेतेपद पटकावल्यानंतर त्यांच्यावर पैशांची जबरदस्त बरसात झाली आहे. आयसीसीच्या प्रसिद्धीपत्रकानुसार, भारतीय संघाला एकूण २४.२५ कोटी रुपये बक्षीस म्हणून मिळाले आहेत. यामध्ये विजेतेपदाची रक्कम, मॅच बोनस आणि अंतिम फेरीपर्यंतचा अपराजित प्रवास या सर्वांचा समावेश आहे.

हारूनही पाकिस्तानला मिळाले 'एवढे' कोटी

पाकिस्तानचा संघ या विश्वचषकात अपयशी ठरला असला, तरी त्यांच्या खात्यात ४.८० कोटी रुपये आले आहेत. आयसीसीच्या नियमानुसार, प्रत्येक संघाला मिळणारी साधारण २ कोटी रुपयांची 'पार्टिसिपेशन फी' (सहभाग शुल्क) आणि साखळी फेरीतील विजयाचा बोनस मिळून ही रक्कम निश्चित करण्यात आली आहे. विशेष म्हणजे, अनेक छोट्या संघांपेक्षा पाकिस्तानला मिळालेली ही रक्कम मोठी आहे.

कोणाच्या झोळीत किती कोटी? (अंतिम यादी)

आयसीसीने एकूण १०३ कोटी रुपयांचा निधी बक्षीसासाठी ठेवला होता. त्याचे वाटप करण्यात आले आहे.

• विजेता (भारत): २४.२५ कोटी रुपये
• उपविजेता (न्यूझीलंड): १३.०८ कोटी रुपये
• दक्षिण आफ्रिका: ९.२४ कोटी रुपये
• इंग्लंड: ८.९६ कोटी रुपये
• पाकिस्तान: ४.८० कोटी रुपये

महत्त्वाची बाब ही की, आयसीसीने स्पष्ट केले आहे की, केवळ विजेतेपदच नाही तर संघ स्पर्धेत कुठपर्यंत पोहोचला आणि त्यांनी किती सामने जिंकले, यावर ही अंतिम रक्कम अवलंबून असते.

हेही वाचा : IND vs ENG: हारता हारता जिंकला भारत! मॅजिक ओव्हर, 6 बॉलमध्येच इंग्लंडचा गेम; 'हा' खेळाडू ठरला हिरो

हेही वाचा : IPL 2026 Schedule: आयपीएलचे 15 दिवसांचे वेळापत्रक समजून घ्या; पहिल्या सामना RCB Vs हैदराबाद

हेही वाचा : IPL 2026 : मुंबई इंडियन्सचे आयपीएल वेळापत्रक जाहीर! पहिला सामना 'या' दिवशी; जाणून घ्या फुल टाईमटेबल