देशवासीयांची आर्थिक बचत होणार! दिवाळीत कर कपातीचे मोठे गिफ्ट मिळणार; PM मोदींची आणखी एक मोठी घोषणा

PM Modi's Diwali Gift To Indians GST Reforms : देशाच्या ७९ व्या स्वातंत्र्य दिनानिमित्त आयोजित मुख्य ध्वजारोहण समारंभात पंतप्रधान नरेंद्र मोदी यांनी अनेक मोठ्या घोषणा केल्या, यामध्ये दिवाळीत देशवासियांना एक मोठे गिफ्ट मिळणार आहे. " पंतप्रधान नरेंद्र मोदी यांनी आज १५ ऑगस्ट रोजी यासंदर्भात घोषणा केली.

लाल किल्ल्यावरून स्वातंत्र्यदिनाच्या भाषणात ते म्हणाले, "या दिवाळीत मी तुमच्यासाठी दुहेरी दिवाळी बनवणार आहे... गेल्या आठ वर्षांत, आम्ही जीएसटीमध्ये एक मोठी सुधारणा केली आहे... आम्ही पुढील पिढीच्या जीएसटी सुधारणा आणत आहोत.

भारतीयांना पंतप्रधान मोदींची दिवाळी भेट

पंतप्रधान नरेंद्र मोदी यांनी घोषणा केली की, आगामी दिवाळीत वस्तू आणि सेवा कर (जीएसटी) प्रणालीमध्ये नियोजित सुधारणा केल्या जातील. यामुळे देशभरातील करांचा बोजा कमी होईल."

दैनंदिन वस्तू स्वस्त होतील

पंतप्रधान नरेंद्र मोदी म्हणाले की, दैनंदिन वस्तू स्वस्त होतील, ज्यामुळे ग्राहकांना आणि लहान व्यवसायांना फायदा होईल. ५६ व्या जीएसटी परिषदेच्या बैठकीच्या काही आठवड्यांपूर्वी त्यांनी ही टिप्पणी केली, जिथे दर सुसूत्रीकरणावर मोठे निर्णय अपेक्षित आहेत.

हेही वाचा : Independence Day 2025 : स्वातंत्र्य दिनी पंतप्रधानांची पेट्रोल डिझेलबाबत मोठी घोषणा! मिशन सुरु करणार

जीएसटी होणार सुलभ

ही घोषणा १२ टक्के कर श्रेणी काढून टाकून आणि वस्तूंना ५ टक्के किंवा १८ टक्के श्रेणींमध्ये पुन्हा नियुक्त करून जीएसटी सुलभ करण्याच्या सध्याच्या प्रस्तावाशी सुसंगत आहे. जर हे मंजूर झाले तर, २०१७ मध्ये जीएसटी लागू झाल्यापासून हे बदल सर्वात महत्त्वाचे ग्राहक-केंद्रित सुधारणा असतील. याचा फायदा ग्राहकांना होऊ शकतो.

हेही वाचा : स्वातंत्र्यदिनी देशभक्तीचा जोश वाढवणारे हृत्विक रोषणच्या वॉर -2 मधील 14 जबरदस्त डायलॉग्स! जाणून घ्या

कधी लागू झाली होती जीएसटी?

जीएसटी सर्व करांची मिळुन एक करप्रणाली तयार करण्यात आली आहे. बहु-स्तरीय, उपभोग-आधारित कर जो आधी भारतातील व्हॅट आणि उत्पादन शुल्क यासारखे अप्रत्यक्ष कर होते त्याजागी जीएसटी लागू झाली आहे. १ जुलै २०१७ रोजी जीएसटी कर प्रणाली लागू केलेली आहे.

कशी आहे जीएसटी करप्रणाली?

वस्तू आणि सेवांसाठी जीएसटीचे पाच प्रकार आहेत, यामध्ये प्राथमिक कर श्रेणी - ० टक्के, ५ टक्के, १२ टक्के, १८ टक्के आणि २८ टक्के आहे.मौल्यवान रत्नावर ०.२५ टक्के जीएसटी, सोन्यावर ३ टक्के जीएसटी आदी जीएसटी लागू आहे. पेट्रोलियम उत्पादने, अल्कोहोल आणि वीज यासारख्या काही वस्तूंवर राज्य सरकारे स्वतंत्रपणे कर आकारतात हे विशेष.

हेही वाचा : रक्त अन् पाणी.. अणु हल्ल्यावर पाकिस्तानला PM मोदींचा लाल किल्ल्यावरुन उघड इशारा! वाचा ठळक मुद्दे

हेही वाचा : Breaking: PM मोदींची मोठी घोषणा! प्रधानमंत्री विकसित भारत योजना आजपासून लागू तरुणांना मिळणार 15 हजार