Exit Poll For Haryana, Jammu Kashmir : हरियाणात काँग्रेस विजयाची नांदी, काश्मीरमध्ये त्रिशंकू!
J&K and Haryana Exit Poll Result 2024 : हरियाणामध्ये एका टप्प्यात आणि जम्मू-काश्मीरमध्ये तीन टप्प्यात मतदान झालेले आहे. विशेष बाब म्हणजे हरियाणात आज सकाळी 7 ते सायंकाळी 6 वाजेपर्यंत मतदान आहे, त्यानंतरच एक्झिट पोल येण्यास सुरुवात होत आहे. निवडणुकीचा निकाल 8 ऑक्टोबरला लागणार आहे. एक्झिट पोलबाबत जाणून घेण्यासाठी सातत्याने अपडेट करत रहा...!
जम्मू-काश्मीरमधील आधीचे निकाल काय होते?
जम्मू-काश्मीरमध्ये यापूर्वी 2014मध्ये निवडणुका झाल्या होत्या. 25 नोव्हेंबर ते 20 डिसेंबर 2014 पर्यंत पाच टप्प्यात या निवडणुका पर पडल्या होत्या. 87 विधानसभा मतदारसंघ असलेल्या जम्मू-काश्मीरमध्ये पिपल्स डेमोक्रॅटिक पार्टीला 28 जागा मिळाल्या होत्या. भाजपला 25 जागा तर नॅशनल कॉन्फरन्सला 15 आणि काँग्रेसला 12 जागा मिळाल्या होत्या. कम्युनिस्ट पार्टी ऑफ इंडिया, जम्मू काश्मीर पिपल्स डेमोक्रॅटिक फ्रंटला प्रत्येकी एक जागा मिळाली होती. तर जम्मू काश्मीर पिपल्स कॉन्फन्सला दोन जागा मिळाल्या होत्या. तीन जागांवर अपक्ष निवडून आले होते.
exit poll results 2024:हरियानात शेतकरी आंदोलनाचा फटका! BJPचे मिशन या 3 फॅक्टरमुळे फेल सत्ताही गमवणार
exit poll results 2024 : हरियाणात आज विधानसभेच्या 90 जागांसाठी एकाच टप्प्यात मतदान प्रक्रीया पुर्ण झाली आहे. सायंकाळी सहा वाजता मतदान संपल्यानंतर अर्ध्या तासानंतरच तेथील एक्झिट पोल हाती आले आहेत. बहुतांश सर्वच एक्झिट पोलमध्ये हरियानात भाजपला मोठा फटका बसत असल्याचे आकडे समोर आले आहे. तिथे आता काँग्रेसचे सरकार बनेल असे एक्झिट पोलमध्ये म्हटले आहे.
एक्झिट पोलचे आकडे जाहीर : हरियाणात काँग्रेसला बंपर लॉटरी, भाजपला या कारणांमुळे होणार नुकसान
Jammu Kashmir Assembly Election 2024 : हरियाणा विधानसभेच्या 90 जागांसाठी झालेल्या मतदानाच्या एक्झिट पोलचे आकडे जाहीर झाले असून बहुतेक सर्वच एजन्सीजनी काँग्रेसला बंपर लॉटरी लागण्याचा अंदाज व्यक्त केला आहे. या निवडणुकीत भाजपचा सपशेल पराभव झाल्याचा अंदाज सर्वच एजन्सी व्यक्त करत आहेत. शेतकरी आंदोलन, महिला सन्मान, कुस्तीगिरांचे आंदोलन हे मुद्दे काँग्रेसला लाभदायक ठरले असून याच मुद्द्यावर भाजप चितपट झाल्याचा झाल्याचा एक्झिट पोलचा अंदाज आहे.
Exit Poll 2024 : काश्मीरमध्ये अपक्षांनी खेळला खेळ! NC, काँग्रेस, पीडीपी बनवू शकतात सरकार
Exit Poll 2024 : जम्मू आणि काश्मीरसाठी आलेले एक्झिट पोल बरेच विभागलेले दिसत आहेत. परंतु, सी-व्होटरच्या अंदाजानुसार, जम्मू आणि काश्मीर या दोन्ही प्रदेशांसाठी स्वतंत्र आकडे दिले आहेत, त्यावरुन असे दिसते की सत्तेची चावी बारामुल्लाचे अपक्ष खासदार इंजिनियर रशीद यांच्या हातात येऊ शकते. यासंदर्भात वन इंडिया हिंदीने वृत्त दिले आहे.
Exit Poll Jammu Kashmir : जम्मू काश्मीर त्रिशंकू होण्याचा अंदाज, पीडीपी ठरू शकते गेमचेंजर
जम्मू कश्मीर विधानसभेच्या 90 जागांसाठी झालेल्या मतदानाचे एक्झिट पोलचे आकडे जाहीर झाले असून, राज्यात त्रिशंकू विधानसभा अस्तित्वात येण्याची चिन्हे दिसत आहेत. नॅशनल कॉन्फरन्सला सर्वाधिक जागा मिळण्याचा काही एजन्सीजचा अंदाज असून, भारतीय जनता पक्ष दुसऱ्या क्रमांकावर राहण्याची शक्यता आहे. पीडीपी काहीसे पिछाडीवर असल्याचे एक्झिट पोलचे आकडे सांगत आहेत. मात्र त
काश्मीरमध्ये पीडीपी सर्वात मोठा पक्ष होण्याची शक्यता
जम्मू-काश्मीरच्या 3 एक्झिट पोलमध्ये काँग्रेस आणि नॅशनल कॉन्फरन्स सरकार स्थापन करताना दिसत आहेत. एक तर पीडीपी सर्वात मोठा पक्ष बनण्याची अपेक्षा आहे. हरियाणा आणि जम्मू-काश्मीरमधील 90-90 जागांवर मतदान पूर्ण झाले आहे. 8 ऑक्टोबर रोजी निकाल जाहीर होणार आहेत. या राज्यांमध्ये सरकार स्थापन करण्यासाठी 46 जागांवर विजय आवश्यक आहे.
8 एक्झिट पोलमध्ये हरियाणात कॉंग्रेस सरकार
हरियाणा आणि जम्मू-काश्मीर विधानसभा निवडणुकीचे मतदान संपले आहे. आतापर्यंत हरियाणाचे 8 आणि जम्मू-काश्मीरचे 5 एक्झिट पोल समोर आले आहेत. हरियाणातील सर्व 8 एक्झिट पोलमध्ये काँग्रेसचे सरकार स्थापन झाल्याचे दिसत आहे. भाजपच्या 21 जागा कमी होण्याची शक्यता आहे.
हरियाणात सरकार स्थापन करण्यात यांची असेल भूमिका
हरियाणात सरकार स्थापन करण्यात जेजेपी आणि इतर पक्षांची भूमिका महत्त्वाची असणार आहे. न्यूज एक्स पोलस्टार्ट सर्वेक्षणाच्या आकडेवारीनुसार भाजप आघाडीवर आहे. पण काँग्रेस आणि भाजपमधील जागांचा फरक फक्त ९ आहे. तर जेजेपी 10 जागा मिळवण्याचा दावा करत आहे.
Jammu-Kashmir Exit Polls : सी व्होटरचे एक्झिट पोल
Jammu-Kashmir Exit Polls : सी व्होटरचे एक्झिट पोलच्या सर्वेक्षणात भाजपला 27-31 जागेवर विजय मिळण्याची शक्यता वर्तविली आहे. तर आजतक सी व्होटरच्या एक्झिट पोलच्या अनुसार, जम्मू मध्ये 43 जागांपैकी नॅशनल कॉन्फरन्स आणि कॉंग्रेस आघाडीला 11 ते 15 जागा मिळतील. तर भाजपला 27-31 सीट और पीडीपीला दोन जागांवर विजय मिळू शकतो, असा अंदार्ज वर्तवविला आहे.
J&K मध्ये किती कसे झाले मतदान?
पहिला टप्पा : पहिल्या टप्प्यासाठी 18 सप्टेंबर रोजी मतदान झालं. पहिल्या टप्प्यात 24 विधानसभा मतदारसंघात 61.38 टक्के मतदान झालं. दुसरा टप्पा : दुसऱ्या टप्प्याची निवडणूक 25 सप्टेंबर रोजी झाली. दुसऱ्या टप्प्यात 26 मतदारसंघात 57.31 टक्के मतदान झालं. तिसरा टप्पा : तिसऱ्या टप्प्यासाठी 1 ऑक्टोबर रोजी मतदान झालं. 40 विधानसभा मतदारसंघात सर्वाधिक 66.56 टक्ते मतदान पार पडलं.
हरियाणात याधीचे सरकार कुणाचे?
हरियाणात एकूण 90 जागा आहेत. 21 ऑक्टोबर 2019मध्ये हरियाणात निवडणुका झाल्या होत्या. 24 ऑक्टोबर 2019 रोजी या निवडणुकीचे निकाल लागले होते. त्यावेळी भाजपने सर्वाधिक जागा जिंकल्या होत्या. जननायक जनता पार्टी आणि सात अपक्षांनासोबत घेऊन भाजपने सरकार स्थापन केलं होतं. भाजपकडून मनोहर लाल खट्टर यांनी मुख्यमंत्री पदाची शपथ घेतली होती. तर जननायक जनता पार्टीचे नेते दुष्यंत चौटाला यांनी उपमुख्यमंत्रीपदाची शपथ घेतली होती.
j amp;k and haryana exit poll result 2024 jammu and kashmir assembly election 2024 haryana assembly election 2024
Click it and Unblock the Notifications
Sign in with Google