IPL 2026 तिकीट बुकिंग सुरू! घरबसल्या बुक करा तुमच्या आवडत्या टीमचा सामना; जाणून घ्या सोपी पद्धत

IPL 2026 : क्रिकेट चाहत्यांची प्रतीक्षा आता संपली आहे! 'इंडियन प्रीमियर लीग' अर्थात IPL 2026 चा थरार २८ मार्चपासून सुरू होत असून, पहिल्या टप्प्यातील सामन्यांच्या तिकिटांसाठी चाहत्यांची मोठी गर्दी पाहायला मिळत आहे. स्टेडियममध्ये जाऊन आपल्या लाडक्या खेळाडूंना प्रोत्साहन देण्यासाठी आता फक्त एक 'क्लिक' पुरेसे आहे. बीसीसीआय आणि विविध फ्रँचायझींनी यंदा डिजिटल प्लॅटफॉर्म्ससोबत करार केला असून, ऑनलाईन तिकीट बुकिंगची प्रक्रिया नेमकी कशी आहे, हे जाणून घेऊया.

कुठे मिळणार कोणत्या टीमची तिकिटे?

यंदा बहुतांश संघांनी BookMyShow आणि District by Zomato या दोन मोठ्या प्लॅटफॉर्म्सना प्राधान्य दिले आहे.

BookMyShow: मुंबई इंडियन्स (MI), कोलकाता नाईट रायडर्स (KKR), लखनऊ सुपर जायंट्स (LSG) आणि गुजरात टायटन्स (GT) या संघांच्या घरगुती सामन्यांची तिकिटे या ॲपवर उपलब्ध असतील.

District by Zomato: राजस्थान रॉयल्स (RR) आणि चेन्नई सुपर किंग्सच्या (CSK) काही इव्हेंट्ससाठी हे प्लॅटफॉर्म पार्टनर आहे.

अधिकृत वेबसाईट: रॉयल चॅलेंजर्स बेंगळुरू (RCB) लवकरच आपल्या अधिकृत वेबसाईटवर तिकीट विक्री सुरू करण्याची शक्यता आहे.

तिकिटांचे दर किती?

• यंदा चाहत्यांच्या खिशाचा विचार करून काही सामन्यांची तिकिटे अत्यंत वाजवी दरात उपलब्ध करून देण्यात आली आहेत:
• गुजरात आणि लखनऊ: सुरुवातीच्या सामन्यांची तिकिटे फक्त १,००० रुपयांपासून सुरू.
• ईडन गार्डन्स (कोलकाता): येथील सामन्यांसाठी किमान १,२०० रुपये मोजावे लागतील.
• इतर संघ: सनरायझर्स हैदराबाद, दिल्ली कॅपिटल्स आणि पंजाब किंग्स लवकरच त्यांच्या तिकिटांचे दर जाहीर करतील.

अशी करा ऑनलाईन तिकीट बुकिंग (Step-by-Step)

• १. तुमच्या फोनमध्ये BookMyShow किंवा District by Zomato ॲप उघडा.
• २. सर्च बारमध्ये 'IPL 2026' टाइप करा.
• ३. तुम्हाला हव्या असलेल्या सामन्याची किंवा शहराची निवड करा.
• ४. स्टेडियमचा नकाशा (Layout) पाहून तुमच्या बजेटनुसार स्टँड आणि सीट निवडा.
• ५. तुमची प्राथमिक माहिती भरा आणि UPI, डेबिट/क्रेडिट कार्ड किंवा डिजिटल वॉलेटद्वारे पेमेंट करा.
• ६. तिकीट कन्फर्म झाल्याचा मेसेज आणि ईमेल तुम्हाला प्राप्त होईल.

महत्त्वाची टीप: वाढती मागणी पाहता तिकिटे लवकर संपण्याची शक्यता आहे, त्यामुळे चाहत्यांनी 'अर्ली ॲक्सेस' किंवा 'प्री-रजिस्ट्रेशन'चा पर्याय निवडणे सोयीचे ठरेल.