Dream 11 संदर्भात मोठी बातमी, कंपनीने म्हटले "आम्ही दुसऱ्या इनिंगमध्ये भेटू!" पुन्हा सुरु होणार..?

Dream 11's surprising statment after the gaming law : ऑनलाईन गेमिंग विधेयकाचे कायद्यात रुपांतर झाल्यानंतर आता ऑनलाईन गेमिंगसंदर्भात कडक कायद्यांची निर्मिती झाली आहे. हा कायदा अस्तित्वात आल्यानंतर याचा सर्वात मोठा फटका भारतात गेमिंग प्लॅटफाॅर्मला बसला आहे, याम्ये प्रचंड लोकप्रिय झालेले सर्वात मोठे फॅन्टसी स्पोर्ट्स प्लॅटफॉर्म ड्रीम-११ ला झटका बसला.

सरकारच्या घोषणेनंतर आणि पैशांवर ऑनलाईन गेम खेळण्यास बंदी घालणारा कायदा संसदेत पास झाल्यानंतर ड्रीम- ११ कडून एक मोठी घोषणा आली आहे.

ड्रिम ११ अ‍ॅपची मूळ कंपनी ड्रीम स्पोर्ट्सने त्यांचा रिअल-मनी गेमिंग विभाग बंद केला आहे. त्यानंतर त्यांनी सोशल मीडियावर एक लांबलचक पोस्ट निवेदनाच्या स्वरुपात पोस्ट केली आहे.या पोस्टमध्ये कंपनीने आपली दुसरी इनिंग सुरु करणार असल्याचे म्हटले आहे.

काय म्हटले ड्रिम -११ च्या निवेदनात?

कंपनीने म्हटले आहे की, आज सकाळी, आम्ही Dream11 वरील सर्व सशुल्क स्पर्धा थांबवल्या आणि पूर्णपणे एका
फ्री-टू-प्ले ऑनलाइन सोशल गेमकडे वळलो आहोत. १८ वर्षांपूर्वी जेव्हा आम्ही स्पोर्ट्स टेक कंपनी म्हणून हा प्रवास सुरू केला तेव्हा आम्ही अमेरिकी फॅन्टसी स्पोर्ट्स उद्योगाच्या आकाराच्या १% देखील नव्हतो. ड्रीम११ चे फॅन्टसी स्पोर्ट्स
उत्पादन हे संपूर्ण भारतासाठी "खेळांना चांगले बनवण्याचा" आमचा मार्ग होता. भारतीयांच्या या उत्कटतेने, विश्वासाने
आणि मेड इन इंडियाच्या भावनेने, आम्ही जगातील सर्वात मोठे फॅन्टसी
स्पोर्ट्स प्लॅटफॉर्म बनलो.

ऑनलाईन गेमिंग कायद्याचे पालन करु...

ड्रिम ११ ने म्हटले की, आम्ही नेहमीच कायद्याचे पालन करणारी कंपनी आहोत आणि नेहमीच राहू आणि कायद्यांचे पालन करून आमचा व्यवसाय करत आहोत. आम्हाला विश्वास आहे की प्रगतीशील नियम हे पुढे जाण्याचा योग्य मार्ग असता, आम्ही कायद्याचा आदर करू आणि ऑनलाइन गेमिंग कायद्याचे प्रमोशन आणि नियमन, २०२५'' चे पूर्णपणे पालन करू.

आमच्या दुसऱ्या इनिंगमध्ये भेटू..

ड्रिम ११ ने म्हटले की, आम्हाला भाग्य आहे की आमच्याकडे आमच्या ड्रीम स्पोर्ट्स फाउंडेशनसह फॅनकोड, ड्रीमसेटगो आणि ड्रीम गेम स्टुडिओसह अद्भुत स्पोर्ट्स टेक व्यवसायांचा पोर्टफोलिओ आहे. हे "खेळांना अधिक चांगले बनवण्याच्या" आमच्या दृष्टिकोनाला बळकटी देत ​​राहतील आणि भारताला जागतिक क्रीडा महासत्ता बनवण्याच्या आमच्या माननीय पंतप्रधानांच्या महत्त्वाकांक्षेला पाठिंबा देतील. तुमच्या सर्वांच्या प्रेमाबद्दल आणि विश्वासाबद्दल धन्यवाद.
आमच्या दुसऱ्या डावात भेटू. ड्रिम ११..

हेही वाचा : Dream11 shut down : ड्रिम 11 अ‍ॅप विसरा! कंपनीने गुंडाळला गाशा, 28 कोटी युजर्स, तुमच्या पैशाचे काय?