मोदी अन् शहा यांचे हेलिकॉप्टर, गाड्या का तपासल्या जात नाही? निवडणूक आयोगाला संजय राऊतांचा सवाल

Sanjay Raut's question to Election Commission : जिथे 25 25 कोटी पोहचले त्याचे आम्ही व्हिडिओही दाखवले पण निवडणूक आयोगाने पुढे काय केले? आमच्या पक्षप्रमुखांच्या बॅगा ते तपासतात पण महायुतीचे नेते, भाजपचे नेते आणि पंतप्रधान नरेंद्र मोदी, अमित शहा यांच्या बॅगा का तपासल्या जात नाही असा सवाल शिवसेना उद्धव बाळासाहेब ठाकरे पक्षाचे नेते तथा खासदार संजय राऊत यांनी केला.

"निवडणूक आयोग निवडणुकीच्या वेळी आपले काम करतो. आमचे सामान, हेलिकॉप्टर, खासगी जेट, कार, सर्व काही तपासले जाते. ते आमच्या घरी पोहोचतात आणि सत्ताधाऱ्यांच्या मर्जीप्रमाणे वागतात अशी टीकाही संजय राऊत यांनी केली. माध्यमांशी आज ते बोलत होते.

तपासणीचे काम निपक्षःपाती पणे का करत नाही

संजय राऊत म्हणाले, महाराष्ट्र असो की झारखंड आधी हरियाना आणि आता जम्मू काश्मीर आमच्या साहित्याची, हेलिकाॅप्टर आणि वाहनांची तपासणी केली जाते. घरापर्यंत ते पोहचतात आमच्या तपासण्या खुशाल करा आम्हाला अडचण नाही, तुम्ही हे काम निपक्षःपणे करत असाल तर आम्हाला काहीही अडचण नाही पण महाराष्ट्रातील विधानसभेच्या क्षेत्रात महायुतीचे नेते निवडणूक लढवत आहेत तिथे तपासण्या का केल्या जात नाही.

#WATCH | Mumbai, Maharashtra: Shiv Sena (UBT) leader Sanjay Raut says, "The Election Commission does its work during the elections... Our luggage, helicopter, private jet, cars, everything is checked. They reach our homes. We dont have a problem with it if it is done impartially.… pic.twitter.com/sht2ARmWuh

— ANI (@ANI) November 12, 2024

हे निरिक्षकांना दिसत नाही का?

संजय राऊत म्हणाले, 25-25 कोटी रुपये विधानसभा मतदारसंघात पोहचले तिथे आम्ही व्हिडिओही दाखवले होते पण तेव्हा तपासणी पथकं कुठे होते, त्यांना दिसत नाही का.. लोकसभा निवडणुकीच्या काळात कशा 20-20 बॅगा हेलिकाॅप्टरने उतरल्या पण काय झाले? हे निवडणूक आयोगाचे पथक आमचे साहित्य तपासतात पण ते महायुती सरकारमधील नेत्यांचे साहित्य तपासणार का?

"मोदींचे हेलिकाॅप्टर तपासणाऱ्याला तेव्हा निलंबित केलं होतं"

अजित पवार, नरेंद्र मोदी आणि अमित शहा यांच्याही हेलिकॉप्टर आणि गाड्या तपासल्या जातात का? पिशव्या महाराष्ट्रात चालू आहे हे निरीक्षकांना दिसत नाही का?... कोणीतरी पंतप्रधान मोदींचे हेलिकॉप्टर तपासले तर? ओडिशा, त्या व्यक्तीला निलंबित करण्यात आले आहे का? असा सवालही संजय राऊत यांनी केला. आमच्या नेत्याच्या बॅगमध्ये काय होते एवढे. महाराष्ट्रात अशा पद्धतीचा निपक्षपातीपणा सुरु आहे. निवडणूक आयोगाचे निरिक्षक यांना दिसत नाही. आम्ही वारंवार त्यांना सांगितले की, काय होत आहे. आमच्या हेलिकाॅप्टरमध्ये घुसून तपासणी केली जाते त्यांच्या नाही हा न्याय कोणता असा सवालही त्यांनी केला.