पुन्हा असं करशील का?, आंबेडकरी अनुयायांनी परभणी घटनेतील माथेफिरुला विचारला जाब, प्रतिमेसमोर नतमस्तक!

परभणी शहरात डॉ. बाबासाहेब आंबेडकर पुतळा परिसरात संविधानाच्या प्रतीकात्मक प्रतीची 10 डिसेंबर रोजी विटंबना करण्यात आली होती. या घटनेमुळे परभणीमध्ये हिंसाचार घडला. एका माथेफिरुने केलेल्या या विटंबनामुळे गेली दोन दिवस येथील परिस्थिती तणावग्रस्त झाली होती.

तर आता आंबेडकर अनुयायांनी या माथेफिरूला चोप दिल्यानंतर डॉ. बाबासाहेब आंबेडकरांच्या प्रतिमेसमोर नतमस्तक होण्यास भाग पाडले. रुग्णालयात दाखल असलेल्या त्या व्यक्तीचा व्हिडिओ सद्या सोशल मीडियावर व्हायरल झाला आहे.

संविधानाच्या प्रतिकामात्मक प्रतीची विटंबना करणारा आरोपी सध्या जिल्हा रुग्णालयात उपचार घेत आहे. उपचार सुरू असताना परभणी शहरातील काही आंबेडकर अनुयायांनी दवाखान्यात जाऊन त्याच्याशी संवाद साधला. त्यानंतर या आरोपीने डॉ. बाबासाहेब आंबेडकरांच्या प्रतिमेसमोर नतमस्तक झाल्याचे समोर आले आहे.

🚨गुन्हेगार पोलीसांचा ताब्यात असून देखील हे सगळे तरूण हॉस्पिटल मधी जाऊन पोलीसान समोर गुन्हेगाराला तुझे छोटे छोटे तुकडे करतो या भाषेत धमकावणे हे कित पत योग्य आहे.

🚨या सगळया तरुणावर परभणी पोलीस ने कारवाई करावी अन्यथा हे असेच गुंड राज चालु ठेवणार

निषेध...... निषेध......... निषेध pic.twitter.com/vthiG7KIo6

— Adv.Sushama Mane (@mane_sush25493) December 13, 2024

व्हायरल व्हिडिओत काय दिसून येतेय?

हॉस्पिटलमधील या घटनेचा व्हिडिओ देखील सध्या सोशल मीडियावर व्हायरल होत आहे. या व्हिडिओत भीमसैनिक या आरोपीला समजाऊन सांगताना दिसत आहेत त्यानंतर दोन्ही हात जोडून माफी मागत डॉ. बाबासाहेबांच्या प्रतिमेसमोर नतमस्तक झाल्याचे दिसते.

हे ही वाचा : परभणी का पेटली, जमावबंदीचे आदेश अन् पॅंथर सेनेचा भाजपवर गंभीर आरोप, वाचा A टू Z घटना

परभणी हिंसाचारात 350 पेक्षा अधिक लोकांवर गुन्हा दाखल

परभणी येथे झालेल्या हिंसाचारात जवळपास 300 ते 350 जणांवर विविध कलमान्वये एकूण 8 गुन्हे दाखल करण्यात आले आहेत. यात 50 जणांना अटक करण्यात आली आहे. यात 41 पुरुष तर 9 महिलांचा समावेश आहे. तसेच शहरातील 10 सीसीटीव्ही फुटेज तपासून पुढील कारवाई करण्यात येणार असल्याचे नांदेड परीक्षेत्राचे पोलिस महासंचालक शहाजी उमप यांनी सांगितले आहे.

या घटनेने संपूर्ण घटनेमुळे परभणीतील अनेक व्यापाऱ्यांचे व निवासाी वसाहतीतील लोकांचे नुकसान झालेले आहे. अनेकांच्या घराबाहेरील गाड्या फोडण्यात आल्या. तर व्यापारी संकुलांचे नुकसान करण्यात आल्याचे पाहायला मिळाले होते.

हे ही वाचा : परभणीत हिंसाचार उसळला! संतप्त जमावाने दुकाने-वाहने जाळली, पोलिसांकडून लाठीचार्ज, नेमकं काय घडलं

10 डिसेंबरला काय घडली होती घटना?

दरम्यान, परभणी शहरात डॉ. बाबासाहेब आंबेडकर पुतळा परिसरात संविधानाच्या प्रतीकात्मक प्रतीची 10 डिसेंबर रोजी विटंबना करण्यात आली होती. या घटनेनंतर शहरात चांगलेच वातावरण तापले होते. जिल्ह्यातील आंबेडकरी अनुयायांनी तसेच भीमसैनिकांनी घटनेच्या निषेधार्थ निषेध मोर्चा काढला होता. तसेच अनेक ठिकाणी हिंसा देखील घडली, माथेफिरू आरोपीला देखील भीमसैनिकांनी चांगलाच चोप दिला होता त्यानंतर पोलिसांनी त्याला ताब्यात घेतले.