परभणीत हिंसाचार उसळला! संतप्त जमावाने दुकाने-वाहने जाळली, पोलिसांकडून लाठीचार्ज, नेमकं काय घडलं

Parbhani violence : परभणीत डॉ. बाबासाहेब आंबेडकर यांच्या स्मारकाच्या तोडफोडीच्या निषेधार्थ बुधवारी पुकारण्यात आलेल्या बंदमध्ये हिंसाचार झाला. परभणीतील अनेक भागात दुकाने व वाहनांची तोडफोड करून जाळपोळ करण्यात आली. गर्दीवर नियंत्रण ठेवण्यासाठी पोलिसांना अश्रुधुराच्या नळकांड्या सोडाव्या लागल्या. तर काही भागात लाठीचार्जही करण्यात आला.

परभणीत मोठ्या प्रमाणात पोलीस बंदोबस्त तैनात करण्यात आला आहे. प्रशासनाने परिसरात कलम 144 लागू केले आहे. परभणीला लागून असलेल्या हिंगोलीतही हिंसाचार झाला आहे. पोलिसांनी दिलेल्या माहितीनुसार, आरोपी सोपान दत्ताराव पवार (45) याने मंगळवारी रेल्वे स्थानकासमोरील आंबेडकर स्मारकात संविधानाची प्रतिकृती तोडण्याचा प्रयत्न केला. यानंतर लोकांनी त्याला बेदम मारहाण केली. पोलिसांनी आरोपीला अटक केली आहे.

जमावाने निवासी भागावरही दगडफेक केली

संविधानाची प्रत तोडल्याच्या विरोधात जनतेने बुधवारी परभणी बंदची हाक दिली होती. यावेळी आरोपींना फाशीची शिक्षा देण्याची मागणी करण्यात आली. बंद दरम्यान हिंसाचार झाला आणि लोकांनी तोडफोड आणि जाळपोळ सुरू केली. अनेक निवासी इमारतींवरही दगडफेक करण्यात आली.

परभणी शहर में डाॅ. बाबा साहेब अम्बेडकर की मूर्ति पर पथराव और संविधान की छवि को हटाने का प्रयास किया गया जातीवादी ये भूल जाते है कि ये महाराष्ट्र है यहां अंबेडकरवादी पहले भीमटोला देते हैं और बाद में पुलिस के पास भेजते है 🔥 pic.twitter.com/6dgSX0grnr

— ADARSH MESHRAM💙 (@Adarsh_voice) December 11, 2024

हिंसाचार आणि निदर्शनांच्या घटना

11 डिसेंबर रोजी परभणीत बंदची घोषणा करण्यात आली होती, मात्र या निदर्शनाला हिंसक वळण लागले. ठिकठिकाणी दगडफेक, दुकाने व वाहनांची तोडफोड, जाळपोळ आदी घटना घडल्या. परिस्थिती नियंत्रणात आणण्यासाठी पोलिसांना लाठीचार्ज आणि अश्रुधुराचा वापर करावा लागला.

काल परभणीत संविधान प्रतिकृतीची विटंबना झाली. एका माथेफिरुला पोलिसांनी ताब्यातही घेतलं. आज सकाळपासून याविरोधात लोक रस्त्यावर आले. वाहनं, घरं आणि दुकानांची तोडफोड झाली. रेल्वेरोकोचा प्रयत्न झाला. हिंसाचारामुळे शहरात बंदची स्थिती आहे. प्रशासनानं कलम 144 लावण्यात आलंय. #Parbhani… pic.twitter.com/CHtHG1y2sx

— Abhijit Karande (@AbhijitKaran25) December 11, 2024

प्रकाश आंबेडकर यांचा इशारा

वंचित बहुजन आघाडीचे अध्यक्ष प्रकाश आंबेडकर यांनी प्रशासनाला 24 तासांचा अल्टिमेटम दिला आहे. हल्लेखोरांना अटक न झाल्यास आंदोलन अधिक तीव्र करू, असे ते म्हणाले. ही घटना अत्यंत लज्जास्पद असल्याचे सांगून त्यांनी समाजाला शांतता राखण्याचे आवाहन केले.

परभणीत 144 नवीन कलम - जिल्हाधिकारी रघुनाथ गावडे

परभणी शहरातील भारतरत्न डॉ. बाबासाहेब आंबेडकर यांच्या समोरील संविधानाच्या प्रतिकृतीचे एका इसमाने नुकसान केल्याने जमावाने शहरात तणाव निर्माण केला असल्यामुळे परभणी शहरात ताण-तणावाचे वातावरण तयार झाले आहे. लोक गटा-गटाने येउन पुतळ्याच्या बाजूस येउन घोषणाबाजी करीत आहेत.

तसेच त्याबाबतचे व्हिडीओ प्रसारीत करीत आहेत. जिल्हयात कलम 37 (1) (3) प्रमाणे जमावबंदी आदेश लागु असतानासुध्दा सदरील आदेशास न जुमानता आंदोलनास पाठींबा देण्यासाठी परभणी येथील भारतरत्न डॉ. बाबासाहेब आंबेडकर यांच्या पुतळया शेजारी मोठ्या प्रमाणात जमाव जमून कायदा व सुव्यवस्थेचा प्रश्न निर्माण होण्याची शक्यता नाकारता येत नाही.

त्यामुळे पुढील कालावधीत शहरात, व जिल्हयात तणावाचे वातावरण निर्माण होवू नये म्हणून परभणी शहर व जिल्हयात भारतीय नागरिक सुरक्षा संहिता 2023 कलम 163 लावण्यात आली आहे.परभणी शहर व जिल्हयामध्ये सार्वजनिक ठिकाणी पाच व्यक्ती पेक्षा जास्त व्यक्तींना जमा होण्यास प्रतिबंध करीत आहे. तसेच सर्व टेलीफोन, एसटीडी, भ्रमणध्वनी, आयएसडी, फॅक्स केंद्र, झेरॉक्स केंद्र व ध्वनीक्षेपके व इंटरनेट सेवा बंद ठेवणे बाबत आदेशीत करीत आहे.

The vandalisation of the Constitution of India at Babasaheb’s statue by casteist Maratha miscreants in Parbhani is absolutely very shameful to say the least.

It is not the first time such a vandalism of Babasaheb’s statue or symbol of Dalit identity has happened.

VBA Parbhani…

— Prakash Ambedkar (@Prksh_Ambedkar) December 11, 2024