Ganesh Puja & Prasad : गणेशोत्सवात रोज अपर्ण करा, वेगवेगळा नैवेद्य, गणपतीला आवडतात 10 प्रसाद, वाचा

Updated: Sunday, September 1, 2024, 16:33 [IST]

Ganesh Puja & Prasad: गणेश चतुर्थीला गणपतीचा जन्म झाला म्हणून या दिवसापासून अनंत चतुर्दशीपर्यंत हा उत्सव साजरा केला जातो. दहा दिवस चालणाऱ्या या उत्सवात गणेशाची विशेष पूजा केली जाते. लोक आपल्या घरी गणपतीची प्रतिष्ठापना करतात आणि दहा दिवस त्याची पूजा करतात आणि अनंत चतुर्दशीच्या दिवशी त्याचे विसर्जन करतात.

तुम्हीही घरी गणपती बसवत असाल तर त्याला दहा दिवस वेगवेगळे नैवेद्य दाखवावेत. तुमच्या आवडीच्या नैवेद्य गणपतीला अर्पण केल्याने तुमच्यावर आणि संपूर्ण कुटुंबाला गणपतीचा आशिर्वाद मिळेल.

1)मोदक-

मोदक हा गणपतीचा सर्वात आवडता नैवेद्य आहे. पहिल्या दिवशी गणपतीला तांदळाचे पीठ, नारळ आणि गुळापासून बनवलेले पारंपरिक मोदक अर्पण करावेत. मोदक अनेक प्रकारे बनवले जात असले तरी नारळ आणि गुळाचे मोदक हा गणपतीचा सर्वात आवडता पदार्थ आहे.

2)मोतीचूर लाडू-

गणपतीला दिलेला दुसरा सर्वात आवडता प्रसाद म्हणजे मोतीचूर लाडू. बेसनाचे बनवलेले हे लाडू त्यांच्या वाहन मुष्कराजसह गणपतीच्याही खूप आवडीचे आहेत. शुध्द तुपापासून बनवलेल्या बेसनाचे हे लाडू दुसऱ्या दिवशी प्रसाद म्हणून देवाला अर्पण करावेत.

3)नारळाचा भात

गणपतीलाही नारळाचा भात खूप आवडतो आणि तिसऱ्या दिवशी त्याच्या पूजेच्या वेळी तो अर्पण करावा. नारळाच्या दुधात भात शिजवून हा प्रसाद तयार केला जातो. तुम्हाला हवे असल्यास तुम्ही त्यात गूळ किंवा साखरही घालू शकता.

4)पुरण पोळी

हरभरा डाळ आणि गूळ घालून केलेली पुरण पोळी हा गणपतीचा प्रसाद आहे. अनेक ठिकाणी पोळीत खवाही वापरला जातो. चौथ्या दिवशी हा नैवेद्य देवाला अर्पण करावा. गणपती तुमच्यावर नक्कीच प्रसन्न होईल.

5) श्रीखंड

श्रीखंड हा श्रीगणेशाच्या पूजेमध्ये सर्वात आवडता नैवेद्य मानला जातो. हे केशर दही आणि साखर आणि विविध प्रकारच्या ड्रायफ्रुट्समध्ये मिसळून बनवले जाते. तुमची इच्छा असेल तर श्रीखंडाव्यतिरिक्त तुम्ही पाचव्या दिवशी पंचामृत देखील अर्पण करू शकता.

6) केळीचा शिरा

पिकलेली केळी मॅश करून त्यात रवा आणि साखर मिसळून शिरा बनवला जातो. तुम्हाला हवे असल्यास त्याऐवजी तुम्ही शुद्ध तुपात केलेला हलवाही देवाला अर्पण करू शकता. हे सहाव्या दिवशी गणेशाला अर्पण करावे.

7) रवा पोंगल

रवा आणि मूग डाळ ग्राउंड करून त्यात तूप आणि भरपूर सुका मेवा मिसळला जातो. एक प्रकारे हे मूग हलव्यासारखेच आहे. सातव्या दिवशी तुम्ही हे गणपतीच्या नैवेद्यात ठेवू शकता.

8) पायसम

हा देखील एक पारंपारिक स्वादिष्ट पदार्थ आहे आणि विशेषतः दक्षिण भारतात बनवले जातो. हा खिरीचा एक प्रकार आहे. तांदूळ किंवा शेवया दूध आणि साखर किंवा गूळ घालून बनवतात. त्यात वेलची पावडर, तूप आणि इतर ड्रायफ्रुट्स टाकले जातात. आठव्या दिवशी बनवलेला नैवेद्य गणपतीला खूप आवडेल.

9) शुद्ध तूप आणि गुळाचा नैवेद्य

गणपतीला शुद्ध तुपात शिजवलेला गुळाचा नैवेद्य आवडतो. त्यामुळे नवव्या दिवशी तुम्ही हे गणपतीला अर्पण करू शकता. तुम्हाला हवे असल्यास तुम्ही या गुळात खजूर आणि खोबरेही घालू शकता.

10) फ्रूट कोशिंबीर

गणपतीसमोर दहा दिवसांत प्रसाद म्हणून अनेक फळे जमा होत असतात. त्यातील जास्त पिकलेली फळे आवडीने हवी ती घ्यावी. दूध किंचित गरम करून ठेवावे. फळांचे तुकडे करून घ्यावेत. अंजीर, खजूर यांचेही बारीक तुकडे करावे. दुधात विरजण घालून ही फळे घालावीत आणि व्यवस्थित ढवळून सेट करायला ठेवावे कोशिंबीर तयार झाली की दैवाला नैवेद्य दाखवा.

गणेशाला आपल्या हातांनी प्रेमाने नैवेद्य दाखवावा. असे केल्याने देव तुमच्या संपूर्ण कुटुंबावर प्रसन्न होईल आणि विशेष आशिर्वाद देईल.(Ganesh Puja & Prasad)