US Election 2024 Updates : अमेरिकेच्या निवडणुकीत रंगत, कमला हॅरिसच्या रॅलीत लेडी गागा करणार जादू!

US Election 2024 Updates : अमेरिकन अध्यक्षपदाच्या निवडणुकीत आता जोरदार रंगत आली आहे. युएस निवडणुकीच्या पूर्वसंध्येला, लेडी गागा कमला हॅरिस आणि टिम वॉल्झ पेनसिल्व्हेनिया येथे एका विशेष रॅलीत अंतिम "गेट आउट द व्होट" (GOTV) इव्हेंटमध्ये मुख्य भूमिका बजावण्यासाठी सज्ज आहे. हा कार्यक्रम मतदारांना मतदानासाठी प्रेरित करण्याचा शेवटचा प्रयत्न राहणर आहे.

अमेरिकेच्या राष्ट्राध्यक्षपदाच्या निवडणुकीत अमेरिकन तारीख आणि वेळेनुसार, उद्या मतदान होणार आहे. फिलाडेल्फिया येथील रॅलीमध्ये लेडी गागा आणि डीजे कॅसिडी, फॅट जो, फ्रीवे, जस्ट ब्लेझ, डीजे जॅझी जेफ, रिकी मार्टिन, द रूट्स, जॅझमिन सुलिव्हन आणि ओप्रा विन्फ्रे यांच्यासह इतर कलाकारांचे सादरीकरण केले जाईल.

हे सर्वजण आपल्या कामगिरी आणि भाषणातून मतदारांना निवडणुकीत सहभागी होण्यासाठी प्रोत्साहित करतील. आणखी एक कार्यक्रम पिट्सबर्गमध्ये देखील आयोजित केला जाईल, ज्यामध्ये डी-नाइस, कॅटी पेरी आणि आंद्रा डे सारखे कलाकार असतील.

लेडी गागाचा संदेश

'मतदानासाठी तयार व्हा' लेडी गागाने सोशल मीडियावर एक व्हिडिओ पोस्ट केला, ज्यामध्ये तिने पेनसिल्व्हेनियामधील तिच्या चाहत्यांना भेटण्यास सांगितले आणि त्यांना मतदान करण्यासाठी प्रोत्साहित केले. गागाच्या या हालचालीमुळे रॅलीमध्ये उत्साह वाढला आणि तिच्या चाहत्यांना मतदान करण्यासाठी प्रोत्साहित केले. कमला हॅरिस आणि डोनाल्ड ट्रम्प यांच्यात कडवी लढत 5 नोव्हेंबरला होणार असून, अमेरिकेच्या राष्ट्राध्यक्षपदाची निवडणूक होत आहे.

यावेळी कमला हॅरिस यांचा सामना रिपब्लिकन पक्षाचे उमेदवार आणि माजी राष्ट्राध्यक्ष डोनाल्ड ट्रम्प यांच्याशी आहे, जे व्हाईट हाऊसमध्ये परतण्याचा प्रयत्न करत आहेत. त्याचवेळी कमला हॅरिस अमेरिकेच्या पहिल्या महिला राष्ट्राध्यक्ष बनून इतिहास रचण्याचे स्वप्न पाहत आहेत. अलीकडेच, हॅरिस आणि ट्रम्प या दोघांना न्यूयॉर्क टाइम्स आणि सिएना कॉलेज पोलमध्ये समान 48 टक्के पाठिंबा मिळाला, ज्यामुळे स्पर्धा आणखी रंजक बनली.

उद्या मतदान होणार

अमेरिकेच्या राजकारणाच्या नव्या अध्यायाची प्रतीक्षा असतानाच या निवडणुकीत डोनाल्ड ट्रम्प यांच्या पुनरागमनाकडे डोळे लागले आहेत तर दुसरीकडे कमला हॅरिस यांच्या पुनरागमनाकडे लोकांचे लक्ष लागले आहे. दोन्ही उमेदवारांनी आपापल्या पद्धतीने मतदारांना आकर्षित करण्याचा प्रयत्न केला आहे. आता जनता आपला नेता कोणाला निवडते आणि अमेरिकेची भावी दिशा कोणाला ठरवते हे पाहणे रंजक ठरणार आहे.