पुन्हा टायटॅनिक! नायजर नदीत बोट उलटली, 27 लोकांचा मृत्यू, 100 हून अधिक बेपत्ता, नायजेरियातील घटना

Nigeria Boat accident : नायजेरियामध्ये नायजर अनेक नदीत बोट उलटल्याने अपघाताच्या ताज्या अपडेटनुसार, आतापर्यंत 27 जणांचा मृत्यू झाला आहे. पाण्यात बेपत्ता लोकांचा शोध सुरू आहे.

वृत्तसंस्थेच्या वृत्तानुसार, शुक्रवारी प्रवाशांनी भरलेली बोट धान्य बाजाराच्या दिशेने जात असताना हा अपघात झाला. अपघाताच्या वेळी बोटीत सुमारे 200 लोक होते. नायजेरियातील नायजर नदीत बोट उलटल्याच्या घटनेत मृतांचा आकडा वाढू शकतो. सध्या बेपत्ता लोकांचा शोध सुरू आहे.

असोसिएटेड प्रेसने आपल्या अहवालात म्हटले आहे की नायजर राज्य आपत्कालीन व्यवस्थापन संस्था अपघातानंतर मदत कार्यात गुंतलेली आहे. नायजेरियाच्या मदत आणि बचाव संस्थेचे प्रवक्ते इब्राहिम औडू यांनी सांगितले की, अपघाताच्या वेळी बोट प्रवाशांनी भरलेली होती. त्यात सुमारे 200 प्रवासी होते. ही बोट कोगी राज्यातून शेजारच्या नायजर राज्यात जात होती. या अपघातात 27 जणांचा मृत्यू झाला असून 100 हून अधिक लोक बेपत्ता झाले आहेत. बेपत्ता प्रवाशांमध्ये बहुतांश महिला आहेत.

नायजेरियाच्या दुर्गम भागात वाहनांची गर्दी सामान्य आहे कारण तेथे चांगले रस्ते नसल्यामुळे लोकांना पर्यायी मार्ग नसतो. राज्यात नायजेरियाच्या राष्ट्रीय आपत्कालीन व्यवस्थापन एजन्सी ऑपरेशन्सचे प्रभारी असलेल्या जस्टिन उवाझुरुयोनी यांच्या म्हणण्यानुसार, कोगी अधिकारी अद्याप या घटनेचे नेमके स्थान शोधू शकलेले नाहीत आणि इतर एजन्सींची मदत देखील घेत आहेत.

आफ्रिकेतील हा सर्वात जास्त लोकसंख्येचा देश आहे. जलवाहतुकीसाठी सुरक्षा उपाय आणि नियमांची अंमलबजावणी करण्यासाठी देश संघर्ष करत आहे. नॅशनल इनलँड वॉटरवेज अथॉरिटी (एनआयडब्ल्यूए) चे प्रवक्ते माकामा सुलेमान यांनी सांगितले की, ही बोट मध्य कोगी राज्यातील मिसा समुदायातील व्यापाऱ्यांना घेऊन जात होती आणि शेजारच्या नायजर राज्यातील साप्ताहिक बाजाराकडे जात होती.