भरधाव कारने 35 जणांना केले ठार, 43 जण जखमी; घटस्फोटाने त्रस्त व्यक्तीने घेतला जीव, कुठे घडला थरार!

कौटुंबिक कलहामुळे त्रस्त झालेल्या एका व्यक्तीने भरधाव कार चालवत सुमारे 35 जणांचा जीव घेतला आहे, तर 45 पेक्षा जास्त लोक जखमी झाले. ही धक्कादायक व मन हेलावून टाकणारी घटना नुकतीच समोर आली आहे. ही घटना चीनच्या झुहाई शहरात सोमवारी मध्यरात्री घडली. वृत्तसंस्था एपीद्वारे ही माहिती समोर आली आहे.

घटस्फोटामुळे त्रस्त, वृद्ध व्यक्तीने लोकांवर कार चढवल्याने हा भीषण अपघात घडला. पत्नीसह मालमत्तेच्या वाटणीचा त्या वृद्ध व्यक्तीच्या डोक्यात राग होता. त्याचा भयंकर पडसाद पाहायला मिळाला. दरम्यान, पोलिसांनी सदर व्यक्तीला अटक केली आहे.

पत्नीवर व कौटुंबिक राग लोकांवर काढला

पोलिसांनी दिलेल्या माहितीनुसार, फॅन नावाचा आरोपी घटस्फोटानंतर संपत्तीच्या वाटणीवरून पत्नीवर रागावला होता. ही घटना एका क्रीडा संकुलाजवळ घडली. जिथे लोक व्यायामासाठी आले होते. हा हल्ला होता की अपघात हे अद्याप स्पष्ट झालेले नाही.

कारमध्ये फैनला चाकूसह पकडण्यात आले. त्याच्या मानेवर स्वत:ला इजा केल्याच्या खुणा होत्या. त्याला पकडले तेव्हा तो बेशुद्ध होता, त्याच्यावर सध्या उपचार सुरू असल्याचे पोलिसांनी सांगितले.

35 people were killed and another 43 injured when a driver rammed his car into people exercising at a sports center in the southern Chinese city of Zhuhai, police in China said.

The 62-year-old driver has been detained. pic.twitter.com/pEKHWgva5k

— T_CAS videos (@tecas2000)