Vinayaka chaturthi 2025 today : आज विनायक चतुर्थी जाणून घ्या पुजा, विधी अन् मराठी आरती

Vinayaka chaturthi 2025 today : आज गणपती बप्पांची खास चतुर्थी यालाच विनायक चतुर्थी असे म्हणतात. आषाढ महिना असल्याने याला आषाढी विनायक चतुर्थी असेही म्हणतात. आज आषाढ महिन्यातील शुक्ल पक्षात हे चतुर्थी व्रत केले जात आहे. त्यामुळे लाडक्या बप्पांसाठी आज उपवास करुन त्याची आराधना करणे हे क्रमप्राप्त असते. बुद्धीच्या देवतेला स्मरण करण्याचा त्याचे नामस्मरण आणि भक्ती करण्याचा हा चांगला योग असतो.

आज रवियोग, हर्ष योग आणि पुष्य नक्षत्र पडत आहेत, म्हणून भगवान श्री गणेश आणि चंद्राची पूजा केल्याने आनंद, सौभाग्य, संपत्ती, आर्थिक लाभ मिळतील. मोठ्या खरेदी करण्यासाठी देखील हा दिवस खूप खास असेल.

चतुर्थीचा दिवस कसा असेल?

• चतुर्थी तिथी २८ जून रोजी सकाळी ९:५४ वाजता सुरू होईल.
• या दिवशी पुष्य नक्षत्र सकाळी ६:३३ पासून सुरू झाले आहे जे २९ जून रोजी सकाळी ६:३४ पर्यंत राहील.
• पुष्य नक्षत्र पूर्ण २४ तास एक मिनिट राहील. या दिवशी सूर्योदयापासून ते संध्याकाळी ७:१५ पर्यंत हर्षयोग आणि दुसऱ्या दिवशी सकाळी ६:३७ ते सकाळी ६:३४ पर्यंत रवियोग असतो.

आषाढी विनायक चतुर्थीला मोठे महत्व

आषाढी विनायक चतुर्थी ही मोठी चतुर्थी आहे. या दिवसाला मोठे महत्व आहे. या व्रतात गणेशजीची पूजा केली जाते आणि रात्री चंद्र उगवल्यावर चंद्राची पूजा केली जाते. या दिवशी गणरायाची मोठ्या श्रद्धेने भक्ती करावी. घरात सुख-समृद्धी राहण्यासाठी आपले आचरण चांगले ठेवावे. या दिवशी घरात गणेशजीची सिंदूर रंगाची मूर्ती स्थापित करावी. त्यांची पूजा केल्यानंतर दुर्वा अर्पण करावी. या दिवशी गणपती अथर्वशीर्षाचा पाठ करावा. हर्षयोगात केलेले हे पठण कुटुंबात आनंदी वातावरण निर्माण करण्यास मदत करेल.

पुष्य नक्षत्र आणि हर्ष योग त्रास दूर करतील ..(एक धारणा)

या दिवशी पंचामृताने शिवलिंगाचा अभिषेक करा आणि संपूर्ण शिव कुटुंबाची पूजा करा. भगवानांना दुधापासून बनवलेल्या मिठाई अर्पण करा. तुम्ही ज्या इच्छांनी अभिषेक कराल ती पूर्ण होईल.

पुष्य नक्षत्र आणि हर्ष योगातील या चतुर्थीला १.२५ किलो पीठ भाजून त्यात साखर घाला आणि मुंग्यांसाठी निर्जन ठिकाणी ठेवा. यामुळे तुमचे त्रास हळूहळू संपतील अशी धारणा असते.

जर कुंडलीत चंद्र कमकुवत असेल, सर्वात कमी राशीत असेल, राहू-केतूसोबत असेल, तर अशा चंद्राच्या शांतीसाठी चांदीच्या भांड्यात दूध भरा आणि रात्री चंद्राला अर्घ्य अर्पण करा. या दिवशी तांदूळ-दुधाची खीर बनवा आणि गरिबांमध्ये वाटून द्या.

गणपती आरती

वेदशास्त्रांमाजी तूं मंगलमूर्ती।
अगणित महिमा तुझा कल्याण स्फ़ूर्ती॥
भक्तांलागी देसी विद्या अभिमत ती।
मोरेश्वर नाम तुझे प्रसिद्ध या जगती॥१॥

जय देव जय देव जय मोरेश्वरा। तुझा न कळे पार शेषा फ़णिवरा॥धृ.॥

पुळ्यापश्ये नांदे महागणपती।
माघ चतुर्थीला जनयात्रे येती।
जें जें इच्छिति तें तें सर्वही पावती।
गणराजा मज बाळा द्यावी अभिमती॥
जय देव जय देव जय मोरेश्वरा॥२॥

एकवीस दुर्वांकुरा नित्ये नेमेसी।
आणूनि जे अर्पिती गणराजयासी॥
त्याचे तू भवबंधन देवा चुकविसी।
विठ्ठलसुत हा ध्यातो तुझिया चरणासी॥
जय देव जय देव जय मोरेश्वरा॥३॥