Shravan somwar 2025 : श्रावण महिना कधीपासून सुरु होत आहे; पहिला सोमवार कधी? तारीख, महत्व जाणून घ्या

Shravan somwar 2025 : मराठी ऋतूंमध्ये श्रावणाला आगळेवेगळे महत्व आहे. हर्षोल्हास आणि आनंदायी महिना म्हणून श्रावणाचे नैसर्गिकदृष्ट्या महत्व आहेच, पण अध्यात्मिकदृष्ट्याही श्रावणाचे मोठे महत्व आहे. श्रावण हा महिना भगवान शिवाचा महिना म्हणून ओलखला जातो. या महिन्याचे महात्म खूप मोठे आहे. या महिन्यात भगवान शंकराची आराधना केली जाते.

भारतात बारा ज्योतिर्लिंगाला विशेष महत्व आहे आणि श्रावणात दर्शन घेण्यासाठी या स्थळी भाविकांच्या रांगा लागतात. अभिषेकापासून महापुजा आणि प्रसादापर्यंत या महिन्यात भक्तिभावाने वातावरण प्रसन्न झालेले असते. अशातच आता श्रावण महिना शुक्रवारी २५ जुलै २०२५ पासून सुरु होत आहे. त्यामुळे उपवासाचा महिना असल्याने भाविक श्रावण महिन्यातील सोमवार आणि शनीवार कधी आहे हे जाणून घेणे महत्वाचे मानतात.

Shravan 2025 श्रावण महिना का मानला जातो महत्वाचा

हिंदू धर्मात श्रावण महिन्याला खूप महत्त्व आहे. हा महिना सहसा जुलै-ऑगस्ट दरम्यान येतो. श्रावण महिना भगवान शिवांना समर्पित आहे आणि शिवभक्त संपूर्ण महिनाभर विशेष पूजा करतात. असे मानले जाते की या महिन्यात देवी पार्वतीने कठोर तपश्चर्या करून शिव प्राप्त केला होता, म्हणून हा महिना शिवभक्तीसाठी सर्वोत्तम मानला जातो.

श्रावण सोमवार का महत्वाचा आहे?

या महिन्यात श्रावण सोमवारच्या व्रताचे विशेष महत्त्व आहे. कांवड यात्रा देखील श्रावणामध्ये होते, ज्यामध्ये शिवभक्त दूरदूरून गंगेचे पाणी आणतात आणि शिवलिंगावर अर्पण करतात. हिंदू धर्मात असे मानले जाते की जो कोणी हे व्रत भक्तीने पाळतो, त्याच्या सर्व इच्छा पूर्ण होतात. हे व्रत विशेषतः अविवाहित मुलींसाठी खूप शुभ मानले जातात, कारण त्यामुळे त्यांना योग्य वर मिळण्यास मदत होते अशी धारणा आणि समज आहेत.

या वर्षाचा पहिला सोमवार कधी आहे?

या वर्षी श्रावण महिना श्रावण शुक्ल प्रतिपदेपासून सुरु होत आहे. हा मुहूर्त २५ जुलै रोजी येत आहे तर २३ ऑगस्ट पर्यंत असेल. श्रावणाचा पहिला सोमवार, म्हणजेच 'प्रथम श्रावणी सोमवार' २८ जुलै २०२५ रोजी आहे.

या वर्षीच्या श्रावण सोमवारच्या तारखा

• पहिला श्रावण सोमवार - २८ जुलै २०२५
• दुसरा श्रावण सोमवार - ४ ऑगस्ट २०२५
• तिसरा श्रावण सोमवार - ११ ऑगस्ट २०२५
• चौथा श्रावण सोमवार - १८ ऑगस्ट २०२५

श्रावणात काय करावे?

• दररोज शिवलिंगावर गंगाजल, दूध, मध, बेलपत्र आणि राखेने अभिषेक करा.
• "ओम नमः शिवाय" हा शिव मंत्र जप करा.
• श्रावणात सोमवार खूप फलदायी मानले जातात.
• अविवाहित मुली चांगला वर मिळविण्यासाठी उपवास करतात, जर अविवाहित मुलींना चांगला वर हवा असेल तर त्यांनी श्रावण सोमवारी उपवास करावा.
• सात्विक अन्न खावे.
• गरिबांना दान करावे.
• भगवान शिवाची स्तुती, आरती, शिवमहिम्ना स्तोत्र, रुद्राष्टक इत्यादींचे पठण करा.