श्वसनाच्या "या" विकाराने ग्रस्त आहे मंदिरा बेदी; थंडीत होतो हा त्रास ; जाणून घ्या कारणे आणि उपाय

Read in detail why asthma increased in winter Health News :मंदिरा बेदी हे नाव मनोरंजन जगतात खूप प्रसिद्ध आहे. शांती या दूरदर्शनवरील मालिकेपासून सुरुवात केलेल्या मंदिरा बेदीने क्रिकेट समालोचक म्हणून देखील आपला नावलौकिक निर्माण केला. मनोरंजन जगतात प्रसिद्ध असलेली मंदिरा बेदी दम्याने ग्रस्त आहे आणि आपल्या या आजाराबद्दल तिने एका मुलाखतीत स्वतःच माहिती दिली आहे. एका मुलाखतीत मंदिरा बेदी म्हणाली की दम्याचा सामना करण्यासाठी तिला नियमित प्रमाणे इनहेलरचा वापर करावा लागतो. सार्वजनिक ठिकाणी इन हेलरचा वापर करणे यात लाजण्यासारखे काहीही नाही, असेही तिने स्पष्ट केले आहे.

दमा हा एक जुना आजार आहे जो श्वासनलिकेला प्रभावित करतो आणि त्यामुळे श्वसन प्रक्रियेत अडथळे येतात. सामान्यपणे दम्याचा आजार हा एलर्जी, प्रदूषण किंवा शारीरिक तणावाच्या कारणामुळे वाढू शकतो. मंदिरा बेदी म्हणते की, "या आजाराबद्दल जागरूकता निर्माण करणे अत्यंत आवश्यक आहे ज्यामुळे दम्याशी संबंधित गैरसमज दूर होतील आणि कोणत्याही संकोच्या शिवाय या आजाराने त्रस्त असलेले रुग्ण आपला उपचार करू शकतील." थंडीचा हंगाम सुरू झाला की दम्याने आजारी असलेल्या रुग्णांच्या समस्या का वाढतात जाणून घेऊया.

थंडीत दमा का वाढतो?

थंडीच्या दिवसात दम्याची लक्षणे आणखी गंभीर रूप धारण करू लागतात. कारण थंड हवा आणि वातावरणातील बदल यामुळे श्वासनलिका अधिक संवेदनशील होतात. दमा ही श्वासाशी संबंधित स्थिती आहे. थंडीच्या मोसमात त्यामुळे आणखी समस्या निर्माण होतात त्याची प्रमुख लक्षणे खालील प्रमाणे आहेत

श्वास फुलणे: , थंडीच्या दिवसात श्वास घेताना त्रास होतो

छातीत दुखणे: थंड हवेच्या संपर्कात आल्यानंतर छातीत दुखण्यास सुरुवात होते

सततचा खोकला: विशेषतः रात्रीच्या वेळी आणि पहाटेच्या वेळी सतत खोकला होतो

घरघर: श्वास घेताना शिट्टी सारखा आवाज येतो

थंडीत दमा वाढण्याची कारणे: थंड आणि कोरडी हवा श्वासनलिकांना आकुंचित करतात. थंडीत प्रदूषणाचा प्रभाव अधिक होतो. वायरल आजारामुळे सर्दी आणि कफ होतो. घरात धूळ किंवा पाळीव प्राण्यांच्या संपर्कात आल्यामुळे दम्याचा आजार बळावू शकतो.

थंडीत दमा नियंत्रित करण्याचे उपाय

इनहेलरचा नियमित वापर: डॉक्टरनी सूचित केलेल्या इनहेलरचा वापर दम्याच्या लक्षणांना नियंत्रित करतो

गरम कपडे परिधान करणे: थंड हवेपासून बचाव करण्यासाठी तोंड आणि नाक स्कार्फ किंवा मास्कने झाकणे आवश्यक आहे

प्रदूषण आणि एलर्जी पासून बचाव: घराच्या आत धूळ किंवा माती जमा होऊ देऊ नये आणि ऍलर्जी निर्माण करणाऱ्या घटकांपासून स्वतःचे रक्षण करावे

पुरेसे पाणी पिणे: थंडीच्या दिवसात पुरेशा पाण्याचे सेवन करणे आवश्यक आहे ज्यामुळे श्वासनलिका कोरड्या होणार नाहीत

वार्म अप करणे: थंडीत व्यायाम करण्याच्या आधी हलका वॉर्म अप अवश्य करावा

थंडीत दम्याच्या लक्षणांकडे दुर्लक्ष करणे धोकादायक ठरू शकते. योग्य उपचार आणि सावधगिरी बाळगल्यास दम्याचा आजार नियंत्रित केला जाऊ शकतो