युपीचे बाहुबली राजाभैय्यांच्या पत्नीचा गदारोळ, राजाभैय्यांवर गंभीर आरोप; घटनेनं मोठी खळबळ

उत्तर प्रदेशातील बाहुबली नेते राजा भैय्या यांच्या कौटुंबिक वादाने पुन्हा एकदा माध्यमांचे लक्ष वेधले आहे. सध्या दिल्लीतील न्यायालयात राजा भैय्या आणि त्यांच्या पत्नी भानवी सिंह यांच्यात घटस्फोटाचा खटला सुरू आहे. दरम्यान, भानवी सिंह यांचा एक व्हिडीओ सोशल मीडियावर जोरदार व्हायरल होत आहे. त्यांनी उशिरा रात्री हजरतगंजमधील सिल्व्हर ओक अपार्टमेंटमध्ये आपल्या आईच्या घरी जाण्याचा प्रयत्न केला.

गेट न उघडल्याने भानवी सिंह संतप्त

मिळालेल्या माहितीनुसार, भानवी सिंह उशिरा रात्री हजरतगंज येथील ओक अपार्टमेंटमध्ये आपल्या आईला भेटण्यासाठी पोहोचल्या होत्या. त्यांनी बराच वेळ गेट वाजवला, बेल दाबली, परंतु त्यांच्या आईने गेट उघडले नाही. त्यानंतर भानवी सिंह लॉबीमध्येच जोरदार गोंधळ करू लागल्या. त्यांनी मोठमोठ्याने ओरडून आणि संताप व्यक्त करत वातावरण तापवले.

पोलिसांची मध्यस्थी

प्रकरण वाढू लागल्यामुळे परिसरातील लोकांनी पोलिसांना बोलावले. पोलीस घटनास्थळी पोहोचले आणि त्यांनी परिस्थिती नियंत्रणात आणली. पोलिसांनी सर्व संबंधितांना समजावून घराकडे परत पाठवले. घटनेचा एक व्हिडीओ UP Tak च्या यूट्यूब चॅनेलवरून सोशल मीडियावर व्हायरल झाला आहे.

सोशल मीडियावर व्हिडीओची जोरदार चर्चा

व्हायरल व्हिडीओमध्ये भानवी सिंह संतप्त अवस्थेत काही बोलताना आणि लॉबीमध्ये राग व्यक्त करताना दिसत आहेत. अद्याप हे स्पष्ट झालेले नाही की त्यांच्या आईने दरवाजा का उघडला नाही. या घटनेबाबत ना भानवी सिंह यांच्याकडून, ना त्यांच्या आईकडून कोणतीही अधिकृत प्रतिक्रिया आलेली नाही.

भानवी सिंह यांनी लावले होते गंभीर आरोप

राजा भैय्या आणि भानवी सिंह यांच्यातील घटस्फोटाचा खटला दिल्लीतील कोर्टात सुरू असून, भानवी सिंह यांनी आपल्या पतीवर म्हणजेच राजा भैय्यांवर मारहाण, मानसिक व शारीरिक छळ तसेच हुंड्यासाठी त्रास दिल्याचे आरोप केले आहेत. राजा भैय्यांकडून यावर अद्याप कोणतीही थेट प्रतिक्रिया आलेली नाही, मात्र त्यांच्या निकटवर्तीयांनी हे सर्व आरोप निराधार असल्याचे सांगितले आहे.