PM Kisan 22nd Installment आज कोट्यवधी शेतकऱ्यांच्या खात्यात येणार 2 हजार रुपये; वेळ आणि स्टेटस तपासा

PM Kisan 22nd Installment : देशभरातील अन्नदात्यासाठी आजचा दिवस आनंदाचा आणि उत्साहाचा आहे! केंद्र सरकार आज 'प्रधानमंत्री किसान सन्मान निधी' योजनेचा २२ वा हप्ता जारी करत आहे. पंतप्रधान नरेंद्र मोदी आसाममधील गुवाहाटी येथून एका क्लिकवर देशातील ९ कोटींहून अधिक शेतकऱ्यांच्या खात्यात थेट पैसे जमा करणार आहेत. तुमच्या खात्यात पैसे येणार की नाही आणि ते किती वाजता जमा होतील? याबद्दलची सविस्तर माहिती खालीलप्रमाणे आहे.

९.२३ कोटी शेतकऱ्यांना मिळणार १८,६४० कोटींचा लाभ

आज, १३ मार्च २०२६ रोजी केंद्र सरकार डीबीटी (Direct Benefit Transfer) च्या माध्यमातून एकूण १८,६४० कोटी रुपये हस्तांतरित करणार आहे. प्रत्येक पात्र शेतकऱ्याला २,००० रुपयांचा हप्ता मिळणार आहे. लघु आणि मध्यम शेतकऱ्यांना शेतीकामासाठी आर्थिक आधार देणे हा या योजनेचा मुख्य उद्देश आहे.

किती वाजता जमा होणार पैसे?

अधिकृत सूत्रांनुसार, पंतप्रधान नरेंद्र मोदी आसामच्या गुवाहाटी येथून सकाळी ११:०० ते दुपारी १:०० च्या दरम्यान ही रक्कम जारी करण्याची शक्यता आहे. ही प्रक्रिया पूर्ण होताच शेतकऱ्यांच्या नोंदणीकृत मोबाईल नंबरवर मेसेज येण्यास सुरुवात होईल.

कोणाला मिळणार हप्ता? (पात्रता निकष)

• २२ व्या हप्त्याचा लाभ मिळवण्यासाठी खालील गोष्टी पूर्ण असणे अनिवार्य आहे.
• e-KYC: ज्या शेतकऱ्यांचे ई-केवायसी पूर्ण आहे, त्यांनाच हा लाभ मिळेल.
• बँक खाते अपडेट: बँक खाते आधारशी लिंक असणे आवश्यक आहे.
• जमीन पडताळणी: पोर्टलवर जमिनीची कागदपत्रे आणि माहिती अचूक असणे गरजेचे आहे.

असे चेक करा तुमचे स्टेटस (Step-by-Step)

तुमचे नाव लाभार्थी यादीत आहे की नाही, हे पाहण्यासाठी खालील पायऱ्या फॉलो करा.

• १. सर्वप्रथम अधिकृत वेबसाइट pmkisan.gov.in वर जा.
• २. होमपेजवरील 'Farmer Corner' विभागात जा.
• ३. तिथे 'Beneficiary Status' या पर्यायावर क्लिक करा.
• ४. आता तुमचा राज्य, जिल्हा, ब्लॉक आणि गावाचे नाव निवडा.
• ५. तुमचा आधार क्रमांक किंवा मोबाईल नंबर टाका.
• ६. 'Get Report' वर क्लिक करा. तुमच्या हप्त्याचे संपूर्ण स्टेटस स्क्रीनवर दिसेल.

मागील हप्त्याचा तपशील

याआधी योजनेचा २१ वा हप्ता १९ नोव्हेंबर २०२५ रोजी तामिळनाडूतील कोईमतूर येथून जारी करण्यात आला होता. आतापर्यंत सरकारने २१ हप्त्यांच्या माध्यमातून शेतकऱ्यांच्या खात्यात ४.०९ लाख कोटींहून अधिक रक्कम जमा केली आहे.

हेही वाचा : ठरलं! 'या' दिवशी मिळणार पीएम किसानचा हप्ता; 9 कोटी शेतकऱ्यांच्या खात्यात जमा होणार रक्कम

हेही वाचा : कोट्यवधी शेतकऱ्यांसाठी मोठी अपडेट! 'या' 3 चुकामुळे अडकू शकतो तुमचा PM किसान योजनेचा 2 हजारांचा हप्ता